Jeremia 14:17 - Digo Bible

¹⁷ Aambire hivi, ‘Richa nimwagikpwe ni matsozi usiku na mutsi, bila ya kusira, mana mwanamwali, yani atu angu akalumizwa vibaya, akapigbwa pigo risiropigbwa mutu.

Jeremia 14:17 Referans Kwoze

Jeremia 8:21

Nasononeka kpwa kukala atu angu akalumizwa, Moyo wangu unaluma.

Sonono za Jeremia 2:13

Nigombeni kukuhusu? Nikulinganishe na chitu chani, uwe mwana mchetu wa Jerusalemu? Nikulinganishe na utu wani, ili niweze kukuphoza marenda, we mwanamwali, mwana mchetu wa Sayuni? Mana chirondacho china chivwa dza cha bahari. Ni ani awezaye kukuphoza?

Jeremia 13:17

Ela ichikala tamundaphundza, roho yangu indarira chisiri-siri kpwa sababu ya ngulu zenu, nindarira kpwa utsungu na kumwagikpwa ni matsozi, mana mangʼondzi ga Mwenyezi Mlungu gakahalwa mateka.

Jeremia 9:1

Naaza kala chitswa changu chingekala dza chisima cha madzi na matso gangu gakakala chemichemi ya matsozi, ningesinda na kuchesa kurira kpwa sababu ya atu angu achioolagbwa!

Mika 6:13

Kpwa hivyo nikaandza kukubanangani, nami ndakuangamizani kpwa sababu ya dambi zenu.

Sonono za Jeremia 2:18

Mioyo ya atu inamririra Mwenyezi Mlungu. Uwe ukuta wa mwana mchetu wa Sayuni, richa matsozigo gajere usiku na mutsi dza muho. Usioye tse, matsogo nagasiriche kulavya matsozi.

Jeremia 10:19

Nshaka rangu mimi Jerusalemu, mana nikatiywa chironda. Chironda changu ni chibaya! Ela nchiamba, “Kpweli enye gaga ni mateso, na ni lazima nigavumirire.”

Isaya 37:22

riri ndiro neno arirogomba Mwenyezi Mlungu kumuhusu iye: ‘Ye mwanamwali wa Sayuni, anakubera na kukunyetera, Ye msichana wa Jerusalemu, anasukasuka chitswache nyumazo wakati unachimbira.

Zaburi 39:10

Niusira pigoro. Pigo ra mkpwonoo rikaniremweza.

Amosi 5:2

Mwanamwali Iziraeli akagbwa, na kandaunuka tsona. Akarichwa macheye kpwenye tsiiye, taphana mutu wa kumuunula.

Zaburi 119:136

Matsozi gananimwagika kpwa vira ambavyo shariyazo tazigbwirwa.

Jeremia 8:18

Sonono yangu takuna awezaye kuyiusa nikafwa moyo.

2 Afalume 19:21

Riri ndiro neno arirogomba Mwenyezi Mlungu kumuhusu iye, ‘Ye mwanamwali wa Sayuni, anakubera na kukunyetera. Ye msichana wa Jerusalemu, anasukasuka chitswache nyumazo wakati unachimbira.

Jeremia 9:18

Naahende wangbwi edze ahusononekere ili matso gehu gatuluze matsozi na madzi gandatuluka kula mwehu matsoni.

Jeremia 18:13

Phahi mimi Mwenyezi Mlungu naamba hivi, “Uzani kula nyo atu a mataifa, ni ani achiyesikira mambo higa? Ye mwanamwali Iziraeli akahenda utu uyi sana.

Sonono za Jeremia 2:11

Matso gangu gakaremwa kpwa kurira, roho yangu ikachafuka. Moyo wangu unafwa purungire kpwa sonono kpwa sababu ya kubanangbwa kpwa mwana mchetu wa atu angu, kpwa kukala anache na ana atsanga anahirika mo njira-njira za nyo mudzi.