Jeremia 12:1 - Digo Bible

¹ Ee Mwenyezi Mlungu, uwe u wa haki, wakati nkulalamikirapho, ela nalonda nikuuze kuhusu hakiyo: Kpwa utu wani atu ayi nkuongokerwa? Kpwa utu wani atu ayi nkuishi vinono?

Jeremia 12:1 Referans Kwoze

Malaki 3:15

Sambi inaonekana kukala atu asiojali akabarikiwa. Atu ayi anaongokerwa na hata anaomjeza Mlungu, taahendeka rorosi.’”

Zaburi 92:7

Dzagbwe atu ayi anakula dza nyasi nao ahendao mai achioongokerwa, mwisho wao ni kuangamika hata kare na kare.

Zaburi 37:1

Usibabaishwe ni atu ayi, usionere wivu atu ahendao makosa.

Danieli 9:7

Kpwako uwe Mwenyezi Mlungu kuna haki, ela swiswi hukudzitiya enye waibu. Dzambo riri ni ra kpweli kuhusu swiswi huishio Juda na Jerusalemu phamwenga na Aiziraeli osi urioazola kuphiya tsi za phephi na za kure kpwa kukala tahukarire aaminifu kpwako.

Ayubu 12:6

Makalo ga anyangʼanyi gana amani, na nyo amchokozao Mlungu a salama, aho atsukulao mlungu wao mwao mikononi.

Habakuki 1:4

Kpwa sababu iyo shariya taina nguvu tsona na haki tailungbwa. Ayi akaaturya ario na haki, kpwa hivyo haki taihendeka.

Zaburi 51:4

Uwe macheyo ndiwe nchiyekuhendera dambi, nkahenda mai mberezo. Kpwa hivyo mashitakago ni ga kpweli, na uamulio ni wa haki.

Zaburi 37:35

Siku mwenga naona mutu mui na katili anawanda dza muhi wa muerezi wa Lebanoni,

Zefania 3:5

Ela Mwenyezi Mlungu ariye himo mudzini ni wa haki, iye kahenda dzambo rorosi iyi. Chila ligundzu kashindwa kulavya uamuli wa haki, ela asio a haki taaona waibu hata chidide.

Jeremia 11:20

Ela uwe Mwenyezi Mlungu, Mlungu wa majeshi, uamulaye kpwa haki uwe ujezaye moyo na achili ya mutu, navoya uariphize chisasi mana nikakurehera chisa changu.

Jeremia 12:6

Mana hata nyo nduguzo na atu a nyumba ya sowe, nao piya aho nao akakuhendera mai, akakukotera kululu ra ndiro. Usiakuluphire tsetsetse, dzagbwe anakuambira maneno manono.”

Jeremia 5:11

Mana atu a Iziraeli na a Juda taakakala aaminifu kpwangu, mimi Mwenyezi Mlungu nkaamba.

Ayubu 13:3

Ela nalonda nigombe na iye Mwenye Nguvu Zosi, nalonda nlumbe lau rangu na Mlungu.

Ezira 9:15

Ee Mwenyezi Mlungu wa Iziraeli, uwe u mwenye haki. Siswi hu masaza huriotiya. Huimire mberezo swiswi enye dambi, dzagbwe taphana hata mmwenga wehu afwahaye kuima mberezo kpwa sababu ya makosa gehu.”

Hosea 6:7

Aho avundza chilagane dza arivyohenda Adamu, nao taayakala aaminifu kpwangu.

Isaya 48:8

Uwe kudzangbwegasikira wala kugamanya, hangu kare sikiroro kala rikazibwa. Mana námanya unahenda mambo kpwa kuchenga, na kukala hangu uvyalwe u muasi.

Isaya 41:21

Mwenyezi Mlungu anaamba, “Lavyani malalamishi genu, dzihehereni,” anaamba mfalume wa Jakobo.

Misemo 1:32

Kpwa kukala atu asiomanya nkudziolaga kpwa likani rao, azuzu nkudziangamiza kpwa kura kudziamini kpwao.

Zaburi 145:17

Mwenyezi Mlungu ni wa haki kahi ya njiraze zosi, na ni wa mbazi kahi ya mahendoge gosi.

Zaburi 119:137

Ee Mwenyezi Mlungu, Uwe u wa haki, na uamulio ni wa sawa.

Zaburi 119:75

Namanya, ee Mwenyezi Mlungu, kukala hukumuzo ni za haki na kukala ukanitiya adabu kulengana na uaminifuo.

Kumbukumbu 32:4

Iye ndiye Mwamba, kazize ni kamilifu, njiraze zosi ni za haki. Iye ni Mlungu muaminifu asiyekala na kosa, Iye anahenda mambo ga sawa na ga haki.

Mwandzo 18:25

Kpwa kpweli taifwaha kuolaga atu a haki phamwenga na atu ayi! Taiwezekana! Taifwaha kuhenda atu a haki sawa na atu ayi. Uwe u muamuli wa dunia yosi, kundakosa kuhenda haki.”

Nehemia 9:33

Kahi ya gosi garigohuphaha uwe u wa haki mana wahenda uaminifu, ela swino huchihenda mai.

Zaburi 116:5

Mwenyezi Mlungu ni wa mbazi na wa haki, Mlungu wehu ana huruma.

Muhubiri 8:14

Kuna chitu chanjina ambacho tachina mana phapha duniani nacho ni hichi: atu a haki kuhenderwa dza atu ayi afwahavyo kuhenderwa, na atu ayi kuhenderwa dza atu a haki afwahavyo kuhenderwa. Nami nchiamba kukala gago nago tagaeleweka.

Jeremia 3:7

Mino náona kukala bada ya kuhenda mambo gaga andaniuyira, ela kayaniuyira bii, na Juda, mwanao mchetu mwenye handzo achiviona.

Jeremia 3:20

Kpwa kpweli dza mchetu asiyekala muaminifu kpwa mlumewe, vivyo ndivyo mchivyokosa uaminifu kpwangu, mwi atu a Iziraeli, mimi Mwenyezi Mlungu nkaamba.’ ”

Jeremia 9:2

Naaza kala nina phatu phangu pha kulazira ajeni ko jangbwani, Ningericha atu angu na kuphiya kure nao! Mana osi ni azindzi, ni kundi ra atu a handzo.

Jeremia 32:16

Bada ya kuchilavya cho cheti cha kugurira kpwa Baruku mwana wa Neriya, namvoya Mwenyezi Mlungu, nchiamba,

Sonono za Jeremia 1:18

“Mwenyezi Mlungu ni wa haki, mana nkakala wa kuasi nenore, ela phundzani mwimwi mataifa, lolani kugaya kpwangu. Ahana angu na asichana angu akahalwa mateka.

Ezekieli 18:25

“Ela mwimwi munaamba, ‘Mwenyezi Mlungu kahenda haki,’ phahi phundzani mwi atu a Iziraeli: Dze, sihendere haki? Vino ni mimi nisiyehenda haki au ni mwimwi?

Ayubu 8:17

Miziye nkudzilinga-linga maweni, na kuendza mwanya kahi-kahi ya mawe makulu.

Ayubu 24:12

Kuula kpwa atu afwao kunasikirika mo mudzini, na nyo achiolumizwa anaririra kuterywa ela Mlungu kaphundza mavoyo gao bii.

Ayubu 24:23

Iye nkuahenda anaomuadamira akale salama, ela matsoge ganalola njira zao.

Zaburi 51:6

Uwe unafwahirwa ni mutu ariye mkpweli mwakpwe moyoni, kpwa hivyo nifundza ikima mwangu moyoni.

Danieli 9:14

Kpwa hivyo uwe Mwenyezi Mlungu wahutiya adabu kpwa pigo uriroritayarisha, nawe wahenda hivyo mana uwe Mwenyezi Mlungu, Mlungu wehu, u wa haki ya rorosi urihendaro, ela swiswi tahuyaphundza sautiyo.

Malaki 2:17

“Mkamremweza Mwenyezi Mlungu na higo maneno genu. Ela mwi munauza, ‘Ni maneno gani huchigomremweza nago?’ Mkamremweza kpwa kuamba, ‘Mwenyezi Mlungu anamendza ahendi a mai osi tsona anamuhamira.’ Au kpwa kuuza, ‘Ye Mlungu ahendaye haki a kuphi.’”