Jakobo 3:9 - Digo Bible

⁹ Hukuhumira lilimi kumtogola Baba Mlungu, na hukurihumira kupiga bako atu, ambao aumbwa kpwa mfwano wa Mlungu.

Jakobo 3:9 Referans Kwoze

Zaburi 10:7

Miromo yao i tele lana, handzo na vitisho. Aho nkugomba maneno mai ga kureyeza chila wakati.

Zaburi 62:4

Mkapanga kunibwaga mnibanangire ishima yangu, munahamirwa nkugomba handzo tu, maneno genu ni ga kubariki ela mioyoni mwenu munalani.

Zaburi 59:12

Hinyo nkuhenda dambi kutsupira maneno agombago kpwa hivyo naagbwirwe, kpwa gago agahenderago shobo kpwa sababu ya lana na handzo anarogomba.

Mwandzo 9:6

Yeyesi ndiyemuolaga mutu naye andaolagbwa ni mutu mana mutu námuumba kpwa mfwano wangu.

Mahendo 2:26

Kpwa hivyo moyo wangu unahererwa, tsona napiga njerejere. Nami hata dzagbwe nindafwa ela naishi na matumaini.

2 Samueli 19:21

Abishai mwana wa Seruya wamjibu achiamba, “Dze, Shimei asiolagbwe kpwa kumlani mpakpwa mafuha wa Mwenyezi Mlungu?”

Mwandzo 5:1

Hichi ndicho chivyazi cha Adamu. Mlungu ariphoumba anadamu, waaumba kpwa mfwanowe mwenye. Waumba mlume na mchetu na achiajaliya. Ariphomala kuaumba waaiha anadamu. Hivi ndivyo vivyazi vya Adamu.

1 Akorintho 11:7

Kpwa mana mlume kafwaha kudzifwinika chitswa, mana ndiye mfwano na nguma ya Mlungu, ela mchetu ni nguma ya mlume.

Arumi 3:14

“Miromo yao i tele lana na maneno ga utsungu.”

Mathayo 26:74

Phahi waandza kudzilani na kuapa achiamba, “Mutu hiye simmanya tsetsetse!” Mara mwenga dzogolo richiika.

Mathayo 5:44

Ela mino nakuambirani kukala, amendzeni maadui genu na muavoyere atu ambao anakugayisani,

Isaya 29:13

Mwenyezi Mlungu anaamba, “Atu hano ananisengerera na kuniishimu kpwa kanwa zao ela mioyo yao i kure nami. Ibada zao zinalongozwa ni malagizo arigofundzwa ni anadamu.

Muhubiri 7:22

Kpwa mana uwe mwenye unamanya urivyogomba mai kano nyinji kuhusu atu anjina.

Zaburi 108:1

Moyo wangu tauna shaka, ee Mlungu, Nindaimba na kukuhendera shangbwe! Moyo wangu naulamuke.

Zaburi 71:24

Lilimi rangu rindagomba kuhusu msadao wa haki dii yosi, mana hinyo ariolonda kunilumiza akaaibishwa na kuvundzirwa ishima.

Zaburi 63:4

Nindakulika siku zosi za maisha gangu, ndakuunurira mikono yangu nikuvoye.

Zaburi 57:8

Lamuka, uwe moyo wangu. Lamuka, uwe ngephephe na zeze! Nindalamuka chiti cha ngutu.

Zaburi 51:14

Ee Mlungu, unitivyaye, nitivya na dambi ya kuolaga, nami nindaimba kuhusu ukombolio na raka ra dzulu.

Zaburi 35:28

Ndipho nindasemurira hakiyo na togozo mutsi wosi.

Zaburi 34:1

Nindamshukuru Mwenyezi Mlungu chila wakati ndamtogola siku zosi.

Zaburi 30:12

ili nikutogole mwangu moyoni na nisinyamale. Ee Mwenyezi Mlungu, Mlungu wangu ndakushukuru hata kare na kare.

Zaburi 16:9

Kpwa hivyo moyo wangu ukahererwa, nami nina raha. Nami nadzisikira kukala ni salama.

1 Nyakati 29:20

Chisha Daudi achiambira hiro borori ra atu, “Mtogoleni Mwenyezi Mlungu, Mlungu wenu.” Phahi borori rosi richimtogola Mwenyezi Mlungu, Mlungu wa baba zao. Azamisa vitswa vyao hadi vilangu vyao vichiguta photsi achimuabudu Mwenyezi Mlungu na achimuishimu mfalume.

1 Nyakati 29:10

Hipho ndipho Daudi achimtogola Mwenyezi Mlungu mbere za mkpwutano wosi; achiamba, “Ee Mwenyezi Mlungu, Mlungu wa baba yehu Iziraeli, togolwa hata kare na kare.

2 Samueli 16:5

Mfalume Daudi ariphofika phephi na Bahurimu, kpwatuluka mutu wa mryango wa Sauli aihwaye Shimei mwana wa Gera, achilani kuno anatuluka kondze.

Aamuli 9:27

Bada ya kukala akaphiya mindani kuhunda zabibu na kuziminya, ahenda sharee. Sharee iyo aihenda ndani ya nyumba ya mlungu wa nyo mudzi. Atu phokala akarya na kunwa uchi, aandza kumlani Abimeleki.

Aefeso 1:3

Naatogolwe Mlungu ambaye piya ni Isengbwa wa Bwana wehu Jesu Masihi. Mana wahujaliya mambo manono ga chiroho galago dzulu kpwa kuhuunganisha na Jesu.

Zaburi 145:21

Mino ndatangaza sifwa za Mwenyezi Mlungu, viumbe vyosi navitogole dzinare takatifu hata kare na kare.

Zaburi 145:1

Nindakulika uwe Mlungu wangu na mfalume wangu, nindatogola dzinaro hata kare na kare.

1 Petero 1:3

Nahumtogoleni Mlungu ambaye piya ni Isengbwa wa Bwana wehu Jesu Masihi. Mana kpwa mbazize nyinji wahuhenda huvyalwe mara ya phiri, na vivi huna hakika kukala hundaishi na Mlungu hata kare na kare kpwa sababu wamfufula Jesu Masihi.

Jakobo 1:27

Dini ambayo Baba Mlungu anaikubali na kuiona kala taina makosa ni hino: kuterya anachiya na magungu alondao msada, tsona kudzizuwiya na mai ga dunia hino.

Jakobo 3:10

Mromo uho hinyo mmwenga, nkujaliya na ukalani. Enehu, higa ni mambo mai sana!