Isaya 65:22 - Digo Bible

²² Taandadzenga nyumba na atu anjina akazisagale, wala kuphanda mizabibu na atu anjina akarye matundage, mana atu angu nrioatsambula andaishi maisha mare dza mihi, nao andafwaidi matunda ga kazi yao siku nyinji.

Isaya 65:22 Referans Kwoze

Zaburi 91:16

Nindamupha maisha mare, na kumuonyesa wokofu wangu.”

Zaburi 21:4

Wakuvoya uzima, nawe uchimupha, wamupha siku nyinji za kuishi, kare na kare.

Isaya 65:15

Dzina renu rindahumika dza lana kahi za atu angu nrioatsambula. Mwenyezi Mlungu andakuolagani, ela atumishie andaapha dzina ranjina.

Isaya 65:9

Nindaareha atu a chivyazi cha Jakobo, a mbari ya Juda, atu angu nrioatsambula, arisi tsi ihi ya myango yangu, nao andakala atumishi angu.

Mwandzo 5:27

Methusela wafwa kala ana miaka magana tisiya mirongo sita na tisiya.

Mwandzo 5:5

Adamu wafwa kala ana miaka magana tisiya na mirongo mihahu.

Alawi 26:16

phahi nindakuhendani hivi: Nindakutiyani wuoga mkpwulu gafula, ukongo wa nyerenyere na homa ndirokuhendani vipofu na anyonje. Mundaphanda bure mana mavuno gandariwa ni maadui genu.

Isaya 62:8

Mwenyezi Mlungu akaapa kpwa mkpwonowe wa kulume, mkpwonowe wa nguvu, kuamba, “Sindalavya mtsere wenu tsona ukale chakurya cha maadui genu, chisha ajeni taandanwa tsona uchi wenu muriouhendera kazi.

Isaya 62:9

Ela nyo avunao mtsere ndio ndiourya na kumtogola Mwenyezi Mlungu, na aho ahundao zabibu, ndio ndionwa uchi wa zabibu kpwenye mihala ya phatu phangu phatakatifu.”

Isaya 66:22

Mwenyezi Mlungu anaamba, “Dzina renu na vivyazi vyenu vindadumu dza viratu mlunguni kuphya na tsi nyiphya ndiyoiumba ndivyoenderera kukalako.”