Isaya 6:12 - Digo Bible

¹² Hadi Mwenyezi Mlungu ndiphotsamiza atu aphiye kure sana. Na tsi yosi irichwe bila atu.

Isaya 6:12 Referans Kwoze

Jeremia 4:29

Ndiphosikira misindo ya anajeshi akuhumira farasi na atu a maha atu a chila mudzi andachimbira. Anjina andachimbirira tsakani, anjina akapande myambani. Midzi yosi indarichwa wekee, taphana mutu ndiyesagala mumo.

Kumbukumbu 28:64

Mwenyezi Mlungu andakutsamula kahi ya mataifa gosi, kula pembe mwenga ya dunia hadi yanjina na hiko mundaihumikira milungu yanjina ya mihi na mawe, milungu usiyoimanya uwe wala akareo.

Sonono za Jeremia 5:20

Kpwa utu wani unaenderera kuhuyala? Mbona ukahuricha kpwa muda mure?

Jeremia 15:4

Nindahenda akale chitu cha kutisha matsoni pha falume zosi za dunia kpwa vyo Manase mwana wa Hezekiya mfalume wa Juda arivyohenda ko Jerusalemu.

Jeremia 12:7

Mwenyezi Mlungu anaamba, “Nikairicha nyumba yangu iriyo urisi wangu, Nindaatiya atu angu niamendzao mikononi mwa maadui gao.

Isaya 26:15

Ela uwe Mwenyezi Mlungu ukarihenda taifa rikale kulu, nawe ukadziphahira nguma, kpwa kurienjerezera miphakaye.

2 Afalume 25:21

Mfalume Nebukadineza wa Babeli walagiza atu aha apigbwe na aolagbwe hiko Ribula kahi za tsi ya Hamathi. Kpwa hivyo atu a Juda atsamizwa achendakala atumwa kondze ya tsi yao.

2 Afalume 25:11

Nebuzaradani, mkpwulu wa arindzi a mfalume, achiatsamiza atu ariokala akasala mo mudzini na hara osi ariokala akadzisalimisha kpwa mfalume wa Babeli phamwenga na atu anjina osi.

Arumi 11:15

Ayahudi ariphomrema Jesu, Mlungu naye waarema na achigbwirana na atu asio kala Ayahudi. Hipho Mlungu ndiphoakubali Ayahudi tsona, indakala avi atu a kufwa akafufulwa!

Isaya 5:9

Namsikira Mwenyezi Mlungu, Mlungu wa majeshi anaamba, “Hakika nyumba nyinji zindakala magandzo. Nyumba kulu tsona nono zindakala bila enye.

Isaya 13:12

Ndahenda atu akale achache ikale ni kazi kuaona kuriko zahabu swafi. Andakala taaphahikana hata baha zahabu kula Ofiri.

Jeremia 52:27

Naye mfalume wa Babeli walagiza atu aha apigbwe na aolagbwe ko Ribula kahi za tsi ya Hamathi. Kpwa hivyo atu a Juda atsamizwa achendakala atumwa kondze ya tsi yao.

Zefania 1:3

anadamu, nyama, nyama a mapha na ngʼonda. Chila chimuhendacho mwanadamu kuhenda dambi, ndachiangamiza phamwenga na atu ayi. Nindaphyera anadamu osi duniani, mimi Mwenyezi Mlungu nkaamba.