Isaya 6:11 - Digo Bible

¹¹ Ndipho nchiuza, “Ee Mwenyezi Mlungu, hadi rini?” Naye achinijibu achiamba, “Hadi midzi ndiphokala magandzo, na ikale wekee bila atu, nyumba zitsamwe na minda irichwe bila kurimwa.

Isaya 6:11 Referans Kwoze

Isaya 1:7

Tsi yenu ikasala bila chitu midzi yenu ikatiywa moho. Minda yenu inahalwa na kubanangbwa ni ajeni kuno enye munalola.

Zaburi 94:3

Hata rini, ee Mwenyezi Mlungu? Atu ayi andaenderera kuhererwa hata rini?

Isaya 3:26

Mudzi wosi undarira na kukala na sonono, Jerusalemu, indasagala photsi dza mchetu, kpwa sababu atue taapho.

Zaburi 90:13

Ee Mwenyezi Mlungu, undatsukirwa hadi rini? Huonere mbazi swiswi atumishio!

Alawi 26:31

Ndaihenda midzi yenu ikale magandzo, na kubananga mwatu mwenu mwa kuabudu. Na kungu nono ya sadaka zenu taindanihamira.

Zaburi 79:5

Ee Mwenyezi Mlungu, undatsukirwa hadi rini? Dze, undatsukirwa hata kare na kare? Dze, tsukizizo za wivu zindaaka dza moho hadi rini?

Zaburi 74:10

Ee Mlungu, adui andakutseka hadi rini? Dze, maadui andalaphiza dzinaro hadi rini?

Isaya 3:8

Mana Jerusalemu inadedeleka na Juda ikagbwa, maneno gao na mahendo gao ga chinyume na Mwenyezi Mlungu, ganabera nguma ya Mlungu.

Isaya 5:9

Namsikira Mwenyezi Mlungu, Mlungu wa majeshi anaamba, “Hakika nyumba nyinji zindakala magandzo. Nyumba kulu tsona nono zindakala bila enye.

Isaya 13:12

Ndahenda atu akale achache ikale ni kazi kuaona kuriko zahabu swafi. Andakala taaphahikana hata baha zahabu kula Ofiri.

Isaya 32:14

Dzumba ra mfalume rindarichwa wekee bila atu mudzi uriokala ukaodzala atu undakala wekee. Minara ya urindzi indakala magandzo ta kare na kare na ikale uwanja wa mvumbo za maforo na weru wa kurisa mangʼondzi.

Isaya 35:1

Jangbwa na tsi kavu zindahererwa na maruwa gandabumula weruni.

Isaya 60:15

Kpwa kukala warichwa na kuberwa, taphana mutu ariyetsupira kpwako, ela nindakuhenda ukale na nguma hata kare na kare, na furaha ya vivyazi vyosi.

Isaya 64:10

Midziyo mitakatifu ikakala jangbwa, hata Sayuni ni jangbwa na Jerusalemu ikakala gandzo.

Jeremia 4:7

Simba akatuluka kula phakpwe tsakani, mʼbanangi wa mataifa ganjina akatuluka, akatuluka phatuphe aihende tsi yenu ikale bila chitu midzi yenu indakala magandzo gasigosagala atu.

Jeremia 22:6

Mana Mwenyezi Mlungu anaamba hivi kuhusu dzumba ra mfalume wa Juda: Uwe u dza tsi nono ya Giliadi kpwangu, dza myango ya Lebanoni, ela kpwa kpweli ndakuhenda ukale jangbwa, mudzi usio na atu a kuusagala.

Jeremia 44:2

“Mwenyezi Mlungu, Mlungu wa majeshi, Mlungu wa Iziraeli anaamba: Mwimwi mwaona go mai gosi nrigohendera Jerusalemu na midzi ya Juda. Rero midzi iyo ni magandzo na i wekee bila atu,

Jeremia 52:27

Naye mfalume wa Babeli walagiza atu aha apigbwe na aolagbwe ko Ribula kahi za tsi ya Hamathi. Kpwa hivyo atu a Juda atsamizwa achendakala atumwa kondze ya tsi yao.

Ezekieli 6:6

Midzi yosi ya Iziraeli indakala magandzo na mwatu mwenu mwa dzulu mwa ibada mubomolwe, ili mo mwatu mwa kulavira sadaka mubanangbwe, vizuka vyenu vivundzwe-vundzwe, mwatu mwenu mwa kufukizira uvumba mubomolwe na vitu vyenu vyosi murivyotengeza viangamizwe.

Danieli 8:13

Chisha nchisikira mtakatifu mmwenga anagomba na mtakatifu wanjina, achimuuza, “Dze, go mambo nchigogaona kpwenye ruwiya gandaenderera kpwa muda wani? Ye mutu aasiye Mlungu na ahendaye nyumba ya kuvoya Mlungu itiywe najisi andazuwiya sadaka za kuochwa za chila siku hadi rini? Andavyoga-vyoga yo nyumba ya kuvoya Mlungu na nyo atu a Mlungu hadi rini?”

Mika 2:4

Siku iyo atu andakutungirani wira wa sonono wa kukunyeterani nao andaamba, ‘Hukaangamizwa tsetsetse, Mwenyezi Mlungu akaganya vitu vya atu angu. Iye akanifuta mtalo hinyo, na minda yehu akaipha atu ario uhala mateka.’ ”

Mika 5:11

Nindabananga tsetsetse midzi ya tsiiyo na kubomola ngomezo zosi.

Mika 6:13

Kpwa hivyo nikaandza kukubanangani, nami ndakuangamizani kpwa sababu ya dambi zenu.

Alawi 26:33

Nindakutsamulani kahi za mataifa na kukureherani viha. Tsi yenu indakala bila chitu na midzi yenu indabanangbwa.

Kumbukumbu 28:62

Dzagbwe mu anji dza nyenyezi za mlunguni, mundakala achache tu kpwa sababu tamuyasikira sauti ya Mwenyezi Mlungu, Mlungu wenu.

Kumbukumbu 28:63

Dza viratu Mwenyezi Mlungu vyohamirwa ni kukuhendani muongokerwe na kukuhendani mkale anji, ndivyo ndivyohamirwa kukubanangani na kukuangamizani. Iye andakuusani kpwenye tsi iyo ambayo myairisi.

Mika 7:13

Ela tsi indakala Gandzo, dza kutiywa adabu kpwa sababu ya mai arigohendera atu ariosagala himo.