Isaya 59:14 - Digo Bible

¹⁴ Uamuli wa haki ikaikpwa kanda na haki i kure naswi, kpweli ikarichwa kotini uaminifu taupho.

Isaya 59:14 Referans Kwoze

Habakuki 1:4

Kpwa sababu iyo shariya taina nguvu tsona na haki tailungbwa. Ayi akaaturya ario na haki, kpwa hivyo haki taihendeka.

Amosi 5:11

Phahi kpwa sababu mkuonera achiya, na kuatoza kodi za mtsere, mwimwi mkadzenga nyumba za mawe ga kutsonga, ela tamundazisagala, mwaphanda minda minono ya mizabibu, ela tamundanwa uchiwe.

Jeremia 5:31

manabii anatabiri handzo, na alavyadzi-sadaka analongoza kpwa mamlaka gao enye. Na atu angu anamendza ikale vivyo, ela mundahendadze siku ya mwisho ichifika?

Isaya 5:23

Atu arichirao enye makosa kpwa sababu ya kuhongbwa na kumlafya haki asiyekosa!

Isaya 1:21

Lola vira ambavyo mudzi uriokala muaminifu uchivyokala dza malaya. Uho ambao kala u tele aamuli a haki, na ariosagala mumo kala ni enye haki, ela vivi ni aolagadzi!

Muhubiri 3:16

Zaidi ya gago, nikaona chitu chanjina phapha tsini ya dzuwa: Uyi ukahala phatu pha haki na usawa.

Amosi 5:7

Shaka hiro mwimwi munaolafya atu haki zao kpwa kusalunga shariya, na kubera haki.

Isaya 59:4

Taphana ashitakiye kpwa haki, na taphana adziheheraye kpwa kugomba kpweli. Mnakuluphira maneno mahuphu na kugomba handzo, na kupanga njama mbii za kuhenda uyi.

Isaya 5:7

Mana munda wa mizabibu wa Mwenyezi Mlungu, Mlungu wa majeshi ni nyumba ya Aiziraeli na atu a Juda, ndio mbeyu yomhamira. Iye walola aone uamuli wa haki ela achiona uolagadzi, badala ya haki, achiona chiriro!

Isaya 46:12

Niphundzani mwi atu a likakado, mwimwi murio kure na kuhenda haki.

Isaya 59:9

Kpwa sababu iyo, uamuli wa haki u kure naswi na haki taihufikira, hunagodzera mwanga, ela kosi kuna jiza, hunagodzera kungʼale, ela hunanyendeka kpwenye chilungulungu cha jiza.

Isaya 59:11

Swiswi hosi hunanguruma dza dubu, na hunaula dza njiya kpwa sonono, hunalonda haki ela taipho, hunalorera wokofu, ela u kure naswi.

Jeremia 7:28

Nawe undaambira, ‘Riri ni taifa ambaro tarimphundzire Mwenyezi Mlungu wala kukubali kurekebishwa, kpweli yaangamika nayo taimo tsona mwao kanwani.

Danieli 8:12

Kpwa sababu ya uasi, jeshi ra atakatifu na sadaka za kuochwa za chila siku zaikpwa tsini ya mamlakage. Nayo ichiongokerwa ni chila chitu irichohenda, na kpweli ichirichwa.

Amosi 6:12

Dze, farasi anaweza kuzola dzulu ya gamba? Ama mutu kurima na ngʼombe baharini? Ela mwimwi munaolafya atu haki zao kpwa kusalunga shariya, na matunda ga haki kukala dza muhi wa utsungu,

1 Afalume 21:10

Tsona, muike atu airi asiofwaha asagale kulolana naye amshuhudiye na amshitaki aambe, ‘Uwe ukamlani Mlungu na mfalume.’ Alafu mumphirike kondze, mumuolage kpwa kumpiga mawe!”

1 Afalume 21:11

Phahi, atumia na atu enye ishima a mudzi wa Jeziriili ahenda dza vyo Jezebeli arivyoalagiza. Kulengana na baruwa arizoahumira,

Zaburi 119:150

Hinyo anipangirao njama akanifikira phephi, ela aho a kure na shariyazo.

Hosea 7:1

Chila nilondapho kuphoza Aiziraeli, naona dambi za Aefuraimu mahendo mai ga Samariya ganaikpwa wazi. Kpwa mana anamendza kugomba handzo, aivi anavundza nyumba za atu na kuiya, akora anafuta atu vitu mo njira-njira.