Isaya 58:11 - Digo Bible

¹¹ Naye Mwenyezi Mlungu andakulongoza siku zosi, na kutosheleza mahitaji kahi ya tsi kavu, na kuitiya nguvu mifuphayo, nawe undakala dza munda wenye madzi, na dza chisima sichouma madzi.

Isaya 58:11 Referans Kwoze

Johana 4:14

ela mutu ndiyenwa madzi ndigomupha mimi, kandahenda chiru hata kare na kare. Higo madzi ndigomupha gandakala dza pula za muho urehao uzima wa kare na kare.”

Jeremia 31:12

Andakpwedza aimbe na raka ra dzulu pho mwango wa Sayuni, andahererwa kpwa sababu ya unono wa Mwenyezi Mlungu, kpwa mtsere, uchi na mafuha niaphago, na kpwa mangʼondzi na ngʼombe piya. Maisha gao gandakala dza minda iriyo na chinemi, nao taandakala na sonono tsona.

Zaburi 32:8

Mlungu anaamba: “Ndakufundza na nikuonyese njira ambayo inafwaha uilunge. Ndakushauri na nkumanyirire.

Isaya 49:10

Taandakala na ndzala wala chiru, taandapigbwa ni dzuwa ra weruni, mana iye aaoneraye mbazi, andaalongoza, kanda-kanda za vidzuho vya madzi.

Johana 16:13

Ela ye Roho Mtakatifu ndiphokpwedza, andakulongozani kulunga chila chitu cha kpweli. Iye kandagomba gakpwe mwenye, ela andakuambirani higo ndigosikira na ndigokpwedzahendeka.

Zaburi 25:9

Iye nkualongoza anaogbwa maguluni kuhenda garigo sawa na kuafundza njiraye.

Wira wa Selemani 4:15

Uwe u pula za madzi himo mindani, chisima cha madzi gajerago, kula myango ya Lebanoni.

Misemo 11:25

Mutu alavyaye na moyo mmwenga andaongokerwa, na amnwesaye myawe madzi naye andanweswa.

Misemo 3:8

Iyo indakala dawa mwako mwirini, na chitu cha kutiya nguvu mifuphayo.

Ezekieli 36:35

Atu andaamba, “Tsi iriyokala weru vivi ikakala dza munda wa Edeni, na midzi yokala magandzo, yokala wekee bila chitu, yobomolwa-bomolwa vivi inasagala atu na ikadzengerwa ngome.”

Zaburi 92:14

Andaenderera kuvyala matunda hata ukareni chila wakati indakala mitsanga-mitsanga na yenye nguvu.

Hosea 13:5

Mimi ndimi nriyekutundzani ko weruni, kahi ya tsi ya dzuwa kali.

Jeremia 17:8

Iye ni dza muhi uriophandwa kanda-kanda ya madzi, ambao miziye inafika pho muhoni, kandaogopha wakati wa kazikazi, mana makodzage gandaenderera kukala maitsi. Mwaka wa ukame taundaricha kuvyala matunda.

Misemo 28:25

Mutu mchoyo nkusunganya atu ahehe, ela mutu akuluphiraye Mwenyezi Mlungu andaongokerwa.

Zaburi 73:24

Uwe unanilongoza kutsupira mashauri unagonipha na mwishirowe undaniphokera katika utukufuo.

Zaburi 48:14

kukala yuyu ni Mlungu, Mlungu wehu hata kare na kare. Andakala chilongozi wehu hata kare na kare.

Zaburi 37:19

Taandagaya wakati wa mashaka, na wakati wa ndzala andakala na chakurya cha kukola.

Zaburi 33:19

ili aativye na chifo na kuaika moyo wakati wa ndzala.

Zaburi 107:9

Mana nkumuusira chiru hiye ariye na chiru, na kumvunisa enye ndzala na vitu vinono.

Ayubu 5:20

Wakati wa ndzala andakuokola usihirike, na vihani andakutivya na upanga.

1 Athesalonike 3:11

Hunavoya Baba Mlungu mwenye na Bwana wehu Jesu ahutengezere njira ili hwedze vi sambi sambi.

Isaya 61:11

Mana, dza viratu tsi ituluzavyo mimea, na viratu munda uhendavyo mbeyu zikamera, ndivyo Mwenyezi Mlungu ndivyoreha haki na togo kahi za mataifa gosi.

Misemo 13:4

Atu avivu nkutamani na kaphaha chitu, ela gaazwago ni atu a chadi nkutimizwa.

Isaya 33:16

ndio ambao andasagala dzulu, phatu pharipho salama, na chimbiriro rao rindakala ngome iriyo mwambani. Andakala na chakurya na madzi ga kutosha wakati wosi.

Johana 7:38

Mutu yeyesi anikuluphiraye, vidzuho vya madzi ga uzima vindatuluka kula mwakpwe moyoni, kama Maandiko gagombavyo.”

Isaya 27:3

“Mimi Mwenyezi Mlungu ndimi nchimanyiriraye, ndachimwagira madzi mara kpwa mara. Ndachirinda usiku na mutsi sedze mutu akachibananga.

Isaya 41:17

Achiya na akutsowa anaendza madzi ela taphana, chila mmwenga lilimire rikakpwalala kpwa chiru. Mimi Mwenyezi Mlungu nindaajibu, mimi Mlungu wa Iziraeli sindaaricha.

Isaya 57:18

Nikaona mahendo gao, ela nindaaphoza, nindaalongoza na kuaphoza marenda tsona inyo asononekao.

Isaya 66:14

Mundiphoona mambo gago, mioyo yenu indahererwa, namwi mundapwipwita dza mjina, na atu andamanya kukala uwezo wa Mwenyezi Mlungu u phamwenga na atumishie, ela andagatsukirira maaduige.

Kumbukumbu 15:4

“Taphana hata mmwenga ndiyekala mchiya kahi yenu mana kpwenye yo tsi ambayo Mwenyezi Mlungu, Mlungu wenu anakuphani ikale yenu andakujaliyani sana,

Zaburi 1:3

Mutu hiye ni dza muhi uriophandwa kanda-kanda ya vidzuho, ambao nkuvyala matunda kpwa mingaye, na makodzage taganyala. Na chila ahendaro, nkuongokerwa.

Zaburi 84:7

Anaenderera kuphaha nguvu zaidi na zaidi Mlungu mkpwulu kushinda milungu yosi andaonekana Sayuni.

Isaya 44:4

Chivyazicho chindatsephula dza nyasi phatu phenye madzi, chindatsephula dza miandzi kanda-kanda ya vidzuho.