Isaya 56:2 - Digo Bible

² Baha mutu ahendaye gaga na kugagbwira sana, agbwiraye Siku za Kuoya bila ya kuzivundza na kudzizuwiya asihende mai gogosi.”

Isaya 56:2 Referans Kwoze

Isaya 58:13

Ela msivundze Siku ya Kuoya. Msilunge muonago ni sawa siku yangu takatifu. Ihende Siku ya Kuoya ikale ya furaha na takatifu kpwa Mwenyezi Mlungu, muyiishimu na kuitogola.

Ezekieli 20:12

Tsona nchiapha siku zangu za kuoya dza ishara kahi zao, ili amanye kukala mimi Mwenyezi Mlungu, ndimi niatakasaye.

Zaburi 112:1

Haleluya. Mwenyezi Mlungu naatogolwe. Baha mutu amuogophaye Mwenyezi Mlungu, mutu ahamirwaye ni malagizoge.

Luka 11:28

Ela Jesu achimuamba, “Ni kpweli, ela ario na raha zaidi ni hinyo asikirao ujumbe wa Mlungu na akaukubali!”

Ezekieli 20:20

Ikani siku zangu za kuoya zikale takatifu ili zikale ishara kahi yenu na mimi, ili mmanye kukala mimi, ndimi Mwenyezi Mlungu, Mlungu wenu.”

Kutsama 20:10

ela siku ya sabaa ni Siku ya kuoya kpwa ajili ya Mwenyezi Mlungu, Mlunguo. Siku iyo usihende kazi yoyosi, uwe phamwenga na mwanao mlume au mwanao mchetu, mtumishio mlume au mtumishio mchetu, ngʼombeyo, pundao au nyamao yeyesi, piya mjeni asagalaye phako kaya.

Johana 13:17

Na kpwa vira mnamanya mambo higa, phahi mchigalunga mundaajaliwa.

Zaburi 106:3

Baha aho anaohenda haki, anaohenda garigo sawa wakati wosi!

Misemo 16:17

Njira ya mwenye haki nikudzitenga na mai, arindaye njiraye anarinda maishage.

Misemo 16:6

Kpwa mbazi na uaminifu dambi nkuuswa. Mutu anayemuogopha Mwenyezi Mlungu nkuricha kuhenda mai.

Misemo 14:16

Mutu wa achili nkumuogopha Mlungu na kuricha mai, ela azuzu taana makini na taajali.

Misemo 4:27

Usiaphuke kulume wala kumotso, dzitenge na mai.

Misemo 4:13

Gbwira sana mafundzo ga ikima usigariche gatsopoke, gatundzeto kpwani ni uzimao.

Zaburi 119:101

Nkadzizuwiya nsilunge njira mbii, ili niweze kugbwira nenoro.

Alawi 19:30

Gbwirani malagizo ga Siku zangu za Kuoya na kuishimu phatu phangu phatakatifu. Mimi, ndimi Mwenyezi Mlungu.

Kutsama 20:8

“Itambukire Siku ya Kuoya na uihende takatifu.

Maono 22:14

Baha atu afulao kandzu zao na kuzitsusa, ili aphahe ruhusa ya kuinjira nyo mudzi muphya kutsupira miryangoye na arye matunda ga muhi urehao uzima.

Luka 12:43

Ni baha hiye mtumishi ambaye siku tajiriwe achedza, andakutwa anahenda hivyo.

Isaya 56:6

Chisha ajeni adziungao na Mwenyezi Mlungu ili amuhumikire, aho amendzao dzina ra Mwenyezi Mlungu na kukala atumishie, aho agbwirao Siku ya Kuoya bila ya kuivundza na kugbwira chilagane changu ngingingi,

Zaburi 128:1

Baha mutu amuogophaye Mwenyezi Mlungu, alungaye njira za Mlungu.

Zaburi 37:27

Richa uyi uhende manono nawe undasagala kpwenye yo tsi hata kare na kare.

Zaburi 34:14

Richa mai, uhende manono, endza amani na usiiriche.

Nehemia 13:17

Phahi nádemurira akulu a Juda, nchiaambira, “Ni uyi wani huno muuhendao wa kubera Siku ya Kuoya?

Arumi 12:9

Amendzeni ayawenu chikpweli-kpweli. Richani kuhenda mai kabisa, ela mdine kuhenda manono di yosi.

Isaya 56:4

Mana Mwenyezi Mlungu anaamba vivi, “Atu a kutulwa agbwirao Siku zangu za Kuoya, na kutsambula ganifwahirago, na kuchigbwira chilagane changu ngingingi,

Muhubiri 7:18

Phahi gbwira ro lagizo ra kpwandza na ro ra phiri piya. Mana amuogophaye Mlungu andakala na chiasi.