Isaya 56:12 - Digo Bible

¹² Aho nkuamba, “Ndzoni, hunwe uchi wa zabibu, hata hulewe, na muhondo indakala dza vi rero au hata zaidi.”

Isaya 56:12 Referans Kwoze

Zaburi 10:6

Nkudziambira mwao mioyoni, “Sindashindwa ngʼo. Sindaphaha tabu ta kare na kare.”

Isaya 5:22

Shaka hiro kpwa hinyo ario masujaa a kunwa uchi na atu amanyikanao kubiganya madzuchi.

Misemo 27:1

Usidzikarye na siku ya muhondo mana kumanya siku ya rero kundagbwani.

1 Akorintho 15:32

Ichikala mino náheha na atu asiru hiko Efeso kpwa sababu za chibinadamu tu, munaona náphaha fwaida yani? Siyaphaha rorosi! Kpwa hivyo ichikala atu a kufwa taafufuka, “Nahurye na hunwe mana muhondo hundafwa.”

Hosea 4:11

na akadzitiya umalaya, uchi mufu na uchi muitsi ambao nkuusa ufahamu.

Misemo 23:35

Nawe undaamba, “Akanipiga ela sikarumira, akanibumbunda, ela sisikirire tse! Nndalamuka rini mino nkanwe tsona?”

Tito 1:7

Mana chilongozi ahusikaye na kazi ya Mlungu, ni lazima akale bila lawama. Asikale wa kudziunula, watsukizi, mlevi, mkorofi wala mutu anayedziendzera mali isiyo ya halali.

Luka 21:34

“Dzimanyirireni sedze mkavwererwa ni kurya kunji, kulewa, na shuuli za maisha, ama siku ya mwisho indakpwedzakugbwirani gafula

Jeremia 18:18

Chisha nyo atu achiamba, “Ndzoni humpangire njama Jeremia, mana go mafundzo ga shariya kula kpwa alavyadzi-sadaka tagandaangamika, wala ushauri wa atu a ikima, wala neno ra Mlungu kutsupira manabii. Ndzoni hugombe vii kumuhusu na husigatiye manani gosi agombago.”

Isaya 5:11

Shaka hiro aho araukirao kpwendanwa uchi, na kukala kuko hadi usiku wa manane, hadi uchi ualevye tsetsetse.

Misemo 20:1

Uchi wa zabibu nkureha chibero na uchi wowosi nkusababisha fujo na mutu akosezwaye ni vitu hivyo kana ikima.

Muhubiri 2:24

Takuna dzambo nono zaidi kpwa mwanadamu kuriko kurya, kunwa na kudziburudisha na mapato ga kaziye. Gaga nago námanya gala mikononi mwa Mlungu.

Isaya 5:12

Kpwenye karamu zao ana ngephephe na chinanda, tamburini, chivoti na uchi. Ela taajali mahendo ga Mwenyezi Mlungu wala kuona kazi za mikonoye.

Nahumu 1:10

Dza miya ichiyolingana-lingana na mibuwa mifu, mwimwi alevi mundaochwa.

Ayubu 24:23

Iye nkuahenda anaomuadamira akale salama, ela matsoge ganalola njira zao.

Amosi 4:1

Phundzani higa, mwi achetu a Samariya, mnonao dza ngʼombe ziriswazo vinono za Bashani, muonerao achiya na kutesa agayi, ambao mkuambira alume enu, “Haya reheni uchi hunwe!”