Isaya 55:9 - Digo Bible

⁹ “Dza vyo mlunguni kurivyo dzulu sana kuriko tsi, ndivyo njira zangu zirivyo dzulu kuriko zenu, na maazo gangu garivyo dzulu kuriko go genu.

Isaya 55:9 Referans Kwoze

Zaburi 103:11

Dza viratu mlunguni kurivyo dzulu sana kula duniani, vivyo ndivyo, mendzwaye isiyosika ni kulu kpwa hara amuogophao.

Mathayo 11:25

Wakati hinyo Jesu waamba, “Baba Mlungu, Bwana wa dzulu mlunguni na duniani, nakushukuru kpwa sababu waafwitsa atu a ilimu na marifwa mambo higa na uchiangʼazira atu akuluphirao dza anache.

Zaburi 77:19

Wahenda njirayo yatsupa na kahi-kahi ya bahari, wanyendeka dzulu ya madzi manji, ela nyayozo taziyaonekana.

Zaburi 36:5

Mendzwayo isiyosika ee Mwenyezi Mlungu inafika dzulu mlunguni nao uaminifuo unafika mainguni.

Zaburi 89:2

Nindaamba kukala mendzwayo isiyosika inadumu hata kare na kare, uaminifuo u imara dza mlunguni.

2 Samueli 7:19

Chisha higo gachikala tagatosha phako matsoni, ee Mwenyezi Mlungu, hadi ukanimanyisa mambo ndigohendeka chivyazi changu mimi mtumishio, miaka minji bada yangu. Dze, vino ndivyo unavyoashuulikiya atu, ee Mwenyezi Mlungu?

Isaya 14:24

Mwenyezi Mlungu, Mlungu wa majeshi akaapa hivi, “Manyani kukala indakala dza nchivyokusudiya, indatimiya kama nchivyopanga.

Zaburi 92:6

Hiri ni dzambo ambaro mzuzu kaweza kurimanya, mjinga kaweza kurielewa.