Isaya 53:10 - Digo Bible

¹⁰ Ela Mwenyezi Mlungu kala akalonda amguphyule na amuhende agaye, dzagbwe Mwenyezi Mlungu anamuhenda akale sadaka ya kuusa dambi, iye andachiona chivyaziche na maishage gandakala mare, na kutsupira iye alondaro Mwenyezi Mlungu rindaongokerwa.

Isaya 53:10 Referans Kwoze

Arumi 8:32

Mlungu kayamfwitsa mwanawe mwenye, ela wamlavya afwe kpwa ajili yehu hosi. Phahi, ichikala wahupha mwanawe mwenye, vivyo hivyo andahujaliya mambo manji manono.

2 Akorintho 5:21

Jesu kayahenda dambi hata chidide! Ela Mlungu wamuhenda avi kala ana dambi, ili kpwa kuungana naye ariphofwa huphahe kukala na haki ya Mlungu.

Agalatia 3:13

Shariya zinatiya lana, ela Jesu wahukombola na lana iyo kpwa kutiywa lana ye mwenye, ariphoolagbwa msalabani. Kama Maandiko gaambavyo, “Mutu yeyesi ndiyeolagbwa kpwa kutsomekpwa muhini andalaniwa.”

Zakariya 13:7

Mwenyezi Mlungu, Mlungu wa majeshi anaamba, “Lamuka, we upanga, ukavamie mrisa wangu, kala chinyume cha hiye ariye phephi nami. Mpige ye mrisa, ili go mangʼondzi na mbuzi zitsamukane nami nindavamia nyo ana.”

Aefeso 1:5

Mlungu waonato na achikata shauri kuhuhenda anae. Wahenda hivyo kpwa gara hurigohenderwa ni Jesu Masihi, kulengana na mpangowe na vyomhamira.

Arumi 6:9

Kpwa sababu Jesu wafufuka, hunamanya kukala kandafwa tsona, mana chifo tachimuweza.

Isaya 53:12

Kpwa hivyo nindamupha mtalo phamwenga na akulu, naye andaganya zewe phamwenga na enye mkpwotse, kpwa kukala wadzilavya hadi afwe, waolangbwa phamwenga na atu ayi. Iye wahala dambi za anji na kuavoyera ili Mlungu aaswamehe.

Maono 1:18

Phundza, mimi ndimi uzima! Kala nkafwa ela vino ni mzima hata kare na kare! Na ndimi nriye na funguwo za Chifo na kuzimu.

1 Petero 2:24

Jesu mwenye wahala dambi zehu achizihenda avi ni zakpwe hata achikotwa msalabani, ili swiswi husitawalwe tsona ni dambi ela hukale na masagazi gamhamirago Mlungu. Iye walumizwa, ili mphole.

Arumi 8:8

Phahi alungao asili ya chibinadamu taaweza kumuhamira Mlungu.

Johana 12:24

Nakuambirani kpweli, mbeyu isiyozikpwa mtsangani, inasala iyo mbeyu bahi. Ela ichizikpwa inamera, na ivyale sana.

Mathayo 3:17

Chisha kpwatuluka sauti kula mlunguni ichiamba, “Hiyu ni mwanangu nimmendzaye, naye ananihamira sana.”

Isaya 46:10

Kula pho mwandzo nátabiri ndigokpwedzahendeka, pho kare nátangaza mambo ndigohendeka. Náamba kukala mipango yangu indafwaulu, nami ndahenda gosi nrigokusudiya kugahenda.

Isaya 42:1

Lola ye mtumishi wangu, nimlongozaye, nriyemtsambula, ambaye ananihamira, nikatiya Roho yangu ndaniye, naye andagaamula mataifa kpwa haki.

Aeburania 9:14

Ela mlatso wa Jesu una nguvu zaidi sana! Unatakasa mioyo yehu ili husienderere kuhenda gara garehago chifo, ela humhumikire Mlungu aishiye. Mana kpwa nguvu za ye Rohowe, Jesu wadzilavya kpwa Mlungu dza sadaka isiyo na ila yoyosi.

Aeburania 7:27

Jesu kalondwa kulavya sadaka chila siku dza akulu a alavyadzi-sadaka a kare vyokala achihenda. Aho kala achihenda hivyo kpwandza kpwa sababu ya kudziusira dambi zao, alafu kuusira dambi za ayawao. Ela iye walavya sadaka limwenga ariphodzilavya msalabani na ichitosha wakati wosi.

Aeburania 2:13

Tsona anaamba, “Ndamkuluphira Mlungu.” Na piya anaamba, “Himi hipha phamwenga na ana nriohewa ni Mlungu.”

Aefeso 5:2

Mendzanani wakati wosi, dza viratu Jesu arivyohumendza hata achifwa kpwa sababu yehu. Wadzilavya dza sadaka imuhamirayo Mlungu.

Aefeso 1:9

na achihumanyisa mpangowe wa siri, arioupanga hangu kare kulengana na viratu arivyoona vinamhamira. Wakata shauri kumuhumira Jesu

Luka 1:33

Naye andakala mfalume wa atu a chivyazi cha Jakobo hata kare na kare, na utawalawe taundakala na mwisho.”

Mathayo 17:5

Wakati acheregomba, kpwatserera ingu dzereru richiafwinika na kuchituluka sauti kula mo inguni ichiamba, “Hiyu ni mwanangu, nammendza naye ananihamira sana. Muogopheni!”

Zefania 3:17

Mwenyezi Mlungu, Mlunguo a kahiyo, iye ndiye sujaa ndiyekuhenda uturye maaduigo. Andafwahirwa sana ni uwe, kpwa mendzwaye andakujaliya maisha maphya. Naye andahererwa kpwa ajiliyo na kupiga kululu za furaha,

Mika 7:18

Takuna Mlungu ariye dza uwe anayeswamehe dambi na kusalola makosa ga atu a urisiwe ariosala kutiywa adabu. Uwe kutsukirwa na ikakala ni bahi hata kare na kare, ela unaonato kuhuonyesa mendzwa isiyosika.

Danieli 9:24

“Muda wa miaka mirongo sabaa kano sabaa ukaikpwa kpwa ajili ya atuo na kpwa ajili ya mudzio mtakatifu, ili kukomesa uasi, dambi, kutakasa uyi na kureha haki hata kare na kare, kutiya muhuri unabii wa ruwiya na kupakpwa mafuha pho Phatu Phatakatifu Zaidi.

Ezekieli 37:25

Andasagala kpwenye tsi nriyomupha mtumishi wangu Jakobo, tsi ambayo akare enu asagala. Aho andakala kuko na ana aho na adzukulu aho hata kare na kare, naye mfalume dza mtumishi wangu Daudi, ndiye ndiyekala mkpwulu wao ta kare na kare.

Ezekieli 33:11

Aambire, ‘Kpwa kpweli dza niishivyo Mwenyezi Mlungu anaamba, sifwahirwa ni chifo cha mutu mui, ela ninahamirwa ni iye agalukaye, akaricha njiraze mbii na akale moyo. Richani njira zenu, richani! Kpwa utu wani mufwe mwi atu a Iziraeli?’

Jeremia 32:41

Nindahamirwa ni kuahendera manono na kuaika kahi ya tsi ihi na moyo wangu wosi na roho yangu yosi.’

Zaburi 149:4

Mana Mwenyezi Mlungu nkuhamirwa ni atue, naye nkuapha anyenyekevu ushindi.

Zaburi 147:11

Ela Mwenyezi Mlungu ahamirwa ni hinyo amuogophao, hinyo adamirao mendzwaye isiyosika.

Zaburi 89:29

Uvyaziwe ndauhenda uenderere kukala afalume, na utawalawe taundakala na mwisho dza mlunguni kurivyo.

Zaburi 72:17

Dzinare naridumu hata kare na kare, sifwaye nono naienderere wakati wosi dzuwa rialapho! Atu naahumire dzinare kuvoya baraka na mataifa ganjina gosi gamuihe ariyeajaliwa.

Zaburi 22:30

Vivyazi vyedzavyo vindamhumikira, vindasemurirwa habari za Mwenyezi Mlungu.

2 Athesalonike 1:11

Mlungu wakutsambulani ili mkale atue. Naswi hunakuvoyerani chila wakati msagale vira mlondwavyo, ili aone munafwaha kutsambulwa. Piya hunavoya akupheni uwezo wa kuhenda manono muazago, kpwa sababu ya kumkuluphira Jesu.

Isaya 9:7

Uwezo wa utawalawe taundakala na mwisho, amaniye indaenderera hadi kare na kare. Andatawala kula Jerusalemu dza mfalume Daudi, na auhende ufalumewe ukale na nguvu. Siku zosi andatawala na kpweli na haki kula sambi hata kare na kare. Mwenyezi Mlungu, Mlungu wa majeshi andahakikisha higa gakahendeka.

Zaburi 89:36

Chivyaziche chindaenderera hata kare na kare na utawalawe undadumu mbere zangu dza dzuwa.

Zaburi 72:7

Wakati wa maishage gosi haki indatawala na kukale na amani hadi mwezi ukale taupho tsona!

Zaburi 69:26

Mana anaagayisa hinyo urioatiya adabu, na hinyo urioatiya vironda anaalumiza zaidi.

Zaburi 21:4

Wakuvoya uzima, nawe uchimupha, wamupha siku nyinji za kuishi, kare na kare.

Zaburi 110:3

Anajeshio andadzilavya kukuhumikira kpwa kumendza kpwao siku ndiphophiya vihani. Dzulu ya myango mitakatifu barobaroo andakulunga, dza manena ga ligundzu.

Johana 1:29

Siku ya phiriye Johana waona Jesu anatsoloka, naye Johana achiamba, “Hiyu ndiye Mwana ngʼondzi wa Mlungu ausaye dambi za atu osi!

Isaya 54:3

Mana undaenea uphande wa kulume na wa kumotso. Chivyazicho chindahala mataifa ganjina na atu andasagala kpwenye midzi iriyokala magandzo.

Isaya 61:9

Atu a chivyazi chao andamanyikana kahi za mataifa, andamanyikana kahi za makabila ga atu. Osi ndioaona andaamba hano ni atu ariojaliwa ni Mwenyezi Mlungu.

Isaya 66:22

Mwenyezi Mlungu anaamba, “Dzina renu na vivyazi vyenu vindadumu dza viratu mlunguni kuphya na tsi nyiphya ndiyoiumba ndivyoenderera kukalako.”

Isabu 7:15

mwana ndzau mmwenga, turume mwenga, mwana turume mmwenga wa mwaka mmwenga kpwa ajili ya sadaka ya kuochwa,

Zaburi 22:31

Atu ambao taadzangbwevyalwa, andatangazirwa kukala Mlungu ndiye ariyetivya atue na kuapha haki.

Isaya 49:4

Ela nchiamba, “Nkahenda kazi ya bure, nkatsupha nguvu zangu bure bila sababu, ela kpwa kpweli haki yangu ina Mwenyezi Mlungu, na zawadi yangu ina Mlungu wangu.”

Johana 13:32

Na nchingʼaza atu matso kala Mlungu ni mkpwulu, Mlungu naye andaonyesa ukulu wangu nirio nao pha sambi.