Isaya 52:2 - Digo Bible

² Unuka udzikutekute vumbi, usagarire chihi cha endzi uwe Jerusalemu. Dzivugule silisili mo mwako singoni, uwe mwana mchetu wa Sayuni uriyetekpwa.

Isaya 52:2 Referans Kwoze

Luka 4:18

“Roho Mtakatifu a phamwenga nami, mana wanitsambula niarehere achiya habari nono. Akanihuma niatangazire afungbwa kuvugulwa kpwao na niatangazire vipofu kala andaona, kuaika huru aonerwao,

Jeremia 51:50

Mwimwi muchiochimbira upanga, musiime, endererani kuphiya! Mtambukireni Mwenyezi Mlungu ko kure mriko, na musiiyale Jerusalemu.

Jeremia 51:45

Mwi atu angu, tulukani kula kahize! Chila mmwenga naachimbize rohoye chimbirani tsukizi za Mwenyezi Mlungu!

Isaya 61:1

Roho wa Mwenyezi Mlungu a phamwenga nami, mana Mwenyezi Mlungu akanipaka mafuha nihubiri habari nono kpwa achiya. Akanihuma niphoze marenda atu ariovundzika mioyo, nitangazire atumwa uhuru wao, na kuvugulwa kpwa afungbwa.

Isaya 51:14

Aho ariotekpwa achendafungbwa andavugulwa upesi. Taandafwa na kuzikpwa wala taandakosa chakurya.

Maono 18:4

Chisha nchisikira sauti yanjina kula mlunguni, yoamba, “Atu angu, tulukani hiko kpwakpwe sedze mkagbwirana naye kuhenda dambize. Mana mchituluka tamundatiywa adabu naye.

Zakariya 2:6

Mwenyezi Mlungu anaamba, “Haya! Haya! Chimbirani kula tsi ya vurini, mana nkakutsamulani chila uphande.

Luka 21:24

Atu anjina andaolagbwa vihani na anjina andahalwa mateka kuphirikpwa tsi tafwauti-tafwauti duniani. Jerusalemu indatekpwa na itawalwe ni atu ambao sio Ayahudi hadi wakati wao ndiphosira.”

Isaya 29:4

Undatserezwa, na kula pho vumbini undavoya msada kpwa sauti ya pokopoko sautiyo indakala avi ni ya pepho.

Isaya 3:26

Mudzi wosi undarira na kukala na sonono, Jerusalemu, indasagala photsi dza mchetu, kpwa sababu atue taapho.

Isaya 51:23

Nami ndachitiya mikononi mwa nyo ariokugayisani, ariokuhendani mlale barabarani, na achikuvyogani dza mtsanga, na kutsupa dzulu ya myongo-myongo yenu.”

Isaya 49:21

Phapho ndipho ndiphogomba chimoyo-moyo uambe, ‘Ni ani ariyenivyarira ana hano? Náfwererwa na nchikala siweza kuphaha anjina, nchihalwa mateka nchiphirikpwa kure. Vino ni ani ariyearera hano? Kala nkarichwa machiyangu, vino hano alaphi?’ ”

Jeremia 51:6

Chimbirani kula Babeli, chila mutu naachimbize rohoye! Musiangamizwe kpwa ajili ya dambize, mana uhu ni wakati wa Mwenyezi Mlungu kudziriphiza andamripha kulengana na uyiwe.

Isaya 9:4

Undavundza gogolo rinaroaremerera, gongo ririro phao mafuzini, fwimbo ya hiye anayeaonera. Dza vira irivyokala wakati wa kushindwa kpwa Midiani.

Isaya 10:27

Siku iyo Mwenyezi Mlungu andaaoyeza atue na utumwa. Gogolo ra Ashuru ririro mwako singoni rindavundzwa na kuuswa.

Isaya 14:25

Ndamʼbananga iye Muashuru ariye kpwenye tsi yangu na nimvyoge-vyoge dzulu ya myango yangu. Ndaausira atu angu gogolo ra Aashuru na mizigo ambayo kala akaitsukula.

Isaya 60:1

Unuka ungʼale, kpwa kukala mwangao ukedza, na nguma ya Mwenyezi Mlungu ikakutsembukira.

Ezekieli 34:27

Mihi indavyala matunda na tsi indalavya mavuno, nayo indakala salama kpwao aho kusagala, nao andamanya kukala mimi, ndimi Mwenyezi Mlungu ndiphovundza magogolo gao na kuativya kula mikononi mwa hara arioahenda atumwa.

Zakariya 2:7

Haya! Chimbirani mwi atu a Sayuni msagalao Babeli.”