Isaya 5:11 - Digo Bible

¹¹ Shaka hiro aho araukirao kpwendanwa uchi, na kukala kuko hadi usiku wa manane, hadi uchi ualevye tsetsetse.

Isaya 5:11 Referans Kwoze

Arumi 13:13

Hukaleni na tabiya nono dza viratu wakati wa namutsi, wala husikaleni atu akuhenda sharee za kunwa uchi na kufwiha chimalaya, wala kuzinga, wala kuheha au wivu.

Isaya 5:22

Shaka hiro kpwa hinyo ario masujaa a kunwa uchi na atu amanyikanao kubiganya madzuchi.

Misemo 20:1

Uchi wa zabibu nkureha chibero na uchi wowosi nkusababisha fujo na mutu akosezwaye ni vitu hivyo kana ikima.

Agalatia 5:21

chidzitso, ulevi, sharee za kunwa uchi na kuvwina chimalaya, na mambo ganjina ga kuigana na higo. Nakuonyani tsona kama nrivyokuonyani awali, atu ahendao mambo higo taandarisi ufalume wa Mlungu.

1 Akorintho 6:10

aivi, achoyo, alevi, asengenyadzi, na aiyirao atu kuhumira nguvu: hinyo osi taandarisi ufalume wa Mlungu bii.

Luka 21:34

“Dzimanyirireni sedze mkavwererwa ni kurya kunji, kulewa, na shuuli za maisha, ama siku ya mwisho indakpwedzakugbwirani gafula

Isaya 28:1

Shaka hiro kpwa alevi a Efuraimu enye ngulu; hinyo ambao unono wao ni dza maruwa ndigo nyala, maruwa gophandwa dete renye rutuba, dzulu ya vilongozi achiogbwa photsi kpwa a tele uchi.

Habakuki 2:15

Shauriye hiye amuhendaye myawe alewe kpwa kumkota uchi ili aphahe kumuona chitsaha.

Misemo 23:32

Mana mwisho unangʼata dza nyoka, kulumakpwe ni dza kuratu kpwa kuondzwa ni bafwe.

1 Samueli 25:36

Abigaili ariphotsoloka kaya, Nabali kala akahenda karamu dza ya chifalume. Kala amwakpwe nyumbani anaburudika na akalewa kabisa. Kpwa sababu iyo kayamugombekeza hadi kuriphocha.

2 Samueli 19:35

Nina miaka mirongo minane rero. Hipha sambi siweza kutafwautisha garigo manono na mai kpwangu. Sisikira mtswano wa chochosi nryacho au ninwacho. Vivi siweza kusikira vinono sauti za aimbadzi. Simendze kukala mzigo kpwa bwana wangu mfalume.

Isaya 22:13

Ela lola! Atu akahererwa na kuhamirwa, anatsindza ngʼombe na mangʼondzi na kurya nyama na kunwa uchi! Enye munaamba, “Nahurye na hunwe mana muhondo hundafwa.”

Isaya 24:9

Takuna tsona mtswano wa kuimba ko mangbweni. Uchi undakala utsungu kpwa hinyo anwadzi.

Isaya 28:3

Iyo tadzi ya alevi a Efuraimu anayoihendera ngulu indavyogbwa-vyogbwa.

Isaya 56:12

Aho nkuamba, “Ndzoni, hunwe uchi wa zabibu, hata hulewe, na muhondo indakala dza vi rero au hata zaidi.”

Habakuki 2:5

Uchi unamchenga, kpwa kudzikaryakpwe kandaoya bii. Kpwa kukala ni mtoni, katosheka dza kuzimu na chifo, anaakusanyira mataifa ganjina gosi na anateka atu osi akale akpwe.”