Isaya 49:14 - Digo Bible

¹⁴ Ela atu a Sayuni aamba, ‘Mwenyezi Mlungu akahuricha, Mwenyezi Mlungu akahuyala.’

Isaya 49:14 Referans Kwoze

Isaya 40:27

Mwi atu a chivyazi cha Jakobo, kpwa utu wani munalalamika na kuamba, ‘Mwenyezi Mlungu kamanya tabu zehu, Mlungu wehu kajali haki zehu.’

Sonono za Jeremia 5:20

Kpwa utu wani unaenderera kuhuyala? Mbona ukahuricha kpwa muda mure?

Jeremia 23:39

Kpwa hivyo, lola, ndakuusani phamwenga na nyo mudzi nriokuphani mwimwi na akare enu nikakutsupheni kure nami.

Zaburi 31:22

Mino náogopha nchiamba, “Nikatengbwa kure na Mwenyezi Mlungu.” Ela wasikira chiriro changu nriphokuririra uniterye.

Zaburi 22:1

Mlungu wangu, Mlungu wangu, mbona ukaniricha? Nakuvoya na kuula, ela msadao u kure nami.

Zaburi 13:1

Ee Mwenyezi Mlungu undaniyala hata rini? Dze, undaniyala hata kare na kare? Undanilozera kogo hadi rini?

Isaya 49:13

Ko dzulu mlunguni na kuimbe na raha, tsi naihererwe na myango yiimbe. Mana Mwenyezi Mlungu akaaphoza marenda atue, na andaaonera mbazi atue ariogayiswa.

Isaya 49:15

Dze, mchetu anaweza kuyala mwanawe aamwaye na asimuonere mbazi mwanawe wa kumvyala? Hata napho iye anaweza kuyala, ela mimi sindakuyalani bii!

Isaya 54:6

Mana Mwenyezi Mlungu andakuiha dza mchetu ariyerichwa ni mlumewe na achisononeswa moyowe, dza mchetu wa uhanani arichwavyo ni mlumewe, Mlunguo anaamba.

Ezekieli 33:10

“Na uwe mwanadamu, aambire atu a Iziraeli, ‘Mwimwi munaamba, “Makosa gehu na dambi zehu zi dzulu yehu, naswi zikahuondeza, hunawezadze kukala moyo?” ’

Jeremia 31:3

Mwenyezi Mlungu wahutsembukira pho kare achiamba, “Nikakumendzani na mendzwa isiyosika na nkaenderera kukala muaminifu kpwenu.