Isaya 48:13 - Digo Bible

¹³ Mkpwono wangu ndio urioika msingi wa dunia, na mkpwono wangu wa kulume uchitandaza ko mlunguni, ninaphoziamurisha nyenyezi, nkudzikusanya phamwenga.

Isaya 48:13 Referans Kwoze

Isaya 40:26

Unulani matso genu mlole ko dzulu, ni ani ariyeumba zo nyenyezi mzionazo? Iye azilongozaye dza jeshi na kuzimanya isabuye, aziihaye zosi, chila mwenga na dzinare. Kpwa kukala ana nguvu nyinji, na uwezo mkpwulu, taphana hata mwenga isiyokalapho.

Isaya 45:18

Mana Mwenyezi Mlungu anaamba kukala iye ndiye ariyeumba mlunguni, naye ni Mlungu. Iye waumba dunia naye achiyiika imara, kayayiumba ikale tuphu, ela wayiumba ili isagalwe ni atu. Iye anaamba, “Mimi machiyangu ndimi Mwenyezi Mlungu, na takuna wanjina.

Zaburi 102:25

Pho kare, uwe waika misingi ya dunia, na ko mlunguni ni kazi ya mikonoyo.

Kutsama 20:11

Mana kpwa siku sita, Mwenyezi Mlungu waumba mlunguni, duniani, baharini na vyosi virivyo mumo. Achioya siku ya sabaa, ndiyo mana Mlungu wajaliya yo Siku ya Kuoya na achiihenda takatifu.

Isaya 42:5

Mwenyezi Mlungu, ariyeumba mlunguni na achikutandaza, ariyetandaza tsi na mavunoge, aaphaye pumuzi atu a tsi, aaphaye uhai aho aishio mumo ndiye aambaye hivi:

Isaya 40:12

Ni ani ariyepima madzi na fumbare, na kupima ko mlunguni na mikonoye? Ni ani ariyetiya vumbi ra dunia kpwenye pishi, au kuipima myango kpwa kuhumira ratili, na vidzango kpwa kuhumira mizani?

Isaya 40:22

Iye ndiye asagalaye dzulu ya mviringo wa dunia, na nyo asagalao mumo ni dza mabandzi, iye ndiye atandazaye ko dzulu mlunguni dza paziya, na kukukudula dza hema ra kusagala atu.

Zaburi 147:4

Ndiye apangaye nyenyezi zikale ngaphi, na kuzipha zosi madzina gao.

Ayubu 37:18

dze, unaweza kukudula mlunguni dza iye ahendavyo, na kukuhenda kukale kufu dza chilolo cha shaba ichiyotsuswa?

Arumi 4:17

na vivyo vinagbwa sawa na Maandiko gaambago, “Nkakuhenda mkarengbwa wa mataifa manji.” Phahi, mbere za hiye Mlungu ariyemkuluphira, afufulaye atu a kufwa na kuhenda mambo ambago tagako gakakalako, Burahimu ndiye mkare wehu.

Isaya 40:21

Dze, tammanyire? Au tamsikirire? Vino, tamuambirirwe hangu mwandzo? Dze, tamyagaelewa hangu kuumbwa kpwa dunia?

Isaya 45:12

Ni mimi nriyeumba dunia na nchimuumba mwanadamu dzuluye. Mikono yangu ndiyo iriyotandaza ko mlunguni, na nchilagiza kukale nyenyezi ko mlunguni.

Isaya 51:13

Kpwa utu wani mumyale Mwenyezi Mlungu, ariyekuumbani, ariyetandaza ko mlunguni na achiika misingi ya dunia? Kpwa utu wani muishi kpwa wuoga chila siku kpwa sababu ya tsukizi za iye anayekuonerani, wakati anapanga kukuolagani? Dze, zo tsukizize vino ziphaphi?

Isaya 44:24

Mwenyezi Mlungu mkombolio, ariyekuumba ndanini mwa mayoo, anaamba hivi, “Mimi, ndimi Mwenyezi Mlungu niriyeumba vitu vyosi, ni ani ariyekala phamwenga nami nriphohenda hivyo? mimi machiyangu ndimi niriyetandaza mlunguni na tsi.

Jeremia 51:15

Mlungu ndiye ariyeumba tsi kpwa uwezowe, achiimarisha dunia kpwa ikimaye na kpwa kuelewakpwe achitandaza mlunguni.