Isaya 46:12 - Digo Bible

¹² Niphundzani mwi atu a likakado, mwimwi murio kure na kuhenda haki.

Isaya 46:12 Referans Kwoze

Jeremia 2:5

Mwenyezi Mlungu anaamba hivi, “Akare enu aniphaha na kosa rani hata achiniricha na kuphiya kure nami? Aho alunga vizuka visivyo na mana na nyo enye achikala taana mana.

Isaya 46:3

Niphundzani, mwi atu a nyumba ya Jakobo, mwi atu a nyumba ya Iziraeli msereo, mwimwi nriokuroromani hangu ndanini mwa mayo zenu, nami nkakutsukulani hangu mriphovyalwa.

Zaburi 119:150

Hinyo anipangirao njama akanifikira phephi, ela aho a kure na shariyazo.

Aefeso 2:13

Mwakala kure na Mlungu, ela sambi kpwa sababu ya kuunganishwa na Masihi Jesu ariyefwa msalabani, mwarehwa phephi.

Isaya 48:4

Mana námanya uwe unalikakado, na singoyo taigaluzika, ni nyifu dza chuma, na chilangucho nchifu dza shaba.

Isaya 28:23

Hegani masikiro musikire sauti yangu. Phundzani higa nigombago.

Zaburi 119:155

Wokofu u kure na atu ayi, mana aho taaendza shariyazo.

Zaburi 76:5

Asikari masujaa akafutwa vitu vyao vyohala zewe, vino arere na kogo, taphana hata mmwenga wa nyo masujaa a viha, ariyeweza kuunula mkpwono.

Zaburi 49:1

Phundzani higa, mwimwi atu a mataifa gosi, hegani masikiro mwi mosi msagalao mumu duniani.

Aefeso 5:14

Mwanga ndio uhendao vitu vionekane. Ndiyo mana atu nkuamba: “Lamuka we urereye! Ngʼalwa ni matso, wala usikale dza lufu. Naye Jesu andakungʼazira.”

Mahendo 7:51

Phahi Stefano waamba, “Aa! Atu siosikira mwi! Maroho genu ni mafu na masikiro genu ni mazito kugbwira maneno ga Mlungu. Munahenda dambi dza akare enu. Chila wakati munampinga Roho Mtakatifu!

Isaya 48:1

Phundzani higa mwi atu a nyumba ya Jakobo, mwimwi muihwao na dzina ra Iziraeli, na mwimwi murio a chivyazi cha Juda. Mwimwi muapao kpwa dzina ra Mwenyezi Mlungu na kumhadza Mlungu wa Iziraeli, ela si kpwa kulunga kpweli wala haki.

Isaya 45:20

Dzikusanyeni na mwedze phamwenga mwi atu a mataifa muriosala! Aho atsukulao vizuka vyao vya kutsonga, na kuvoya milungu isiyotivya, ni azuzu.

Isaya 9:9

na osi hadi chila mmwenga kahi za Efuraimu na mudzi mkpwulu wa Samariya achikala anamanya. Ela akala a kudzikarya na visoto, nao achiamba,

Isaya 59:14

Uamuli wa haki ikaikpwa kanda na haki i kure naswi, kpweli ikarichwa kotini uaminifu taupho.

Isaya 64:6

Swiswi hosi hukakala dza mutu mkolo, na mahendo gehu gosi ga haki ni dza mademu machafu. Swiswi hosi hunanyala dza makodza, dambi zehu zinahuphepherusa dza makodza gaphepheruswavyo ni phepho.

Isaya 5:7

Mana munda wa mizabibu wa Mwenyezi Mlungu, Mlungu wa majeshi ni nyumba ya Aiziraeli na atu a Juda, ndio mbeyu yomhamira. Iye walola aone uamuli wa haki ela achiona uolagadzi, badala ya haki, achiona chiriro!

Isaya 28:14

Phahi phundzani neno ra Mwenyezi Mlungu mwi atu a chibero mtawalao atu hinya asagalao Jerusalemu.

Isaya 59:15

Kpweli taipho na iye arichaye uyi anakala muindzwa. Mwenyezi Mlungu waona kala takuna uamuli wa haki, vivyo taviyamuhamira.

Amosi 5:7

Shaka hiro mwimwi munaolafya atu haki zao kpwa kusalunga shariya, na kubera haki.

Habakuki 1:3

Kpwa utu wani unihende nione uyi na nigaye? Atu a kubananga na a fujo a mbere zangu, kuna kuheha na kukosana vivyo kpwa vivyo.