Isaya 44:3 - Digo Bible

³ Mana nindamwaga madzi dzulu ya tsi kavu, na nindahenda vidzuho vya madzi kpwenye tsi ya kukpwalala. Nindamwaga Roho wangu dzulu ya chivyazicho, na nindaajaliya nyo ambao undaavyala.

Isaya 44:3 Referans Kwoze

Joeli 2:28

Phahi, bada ya higa kukala, nindamwaga Roho wangu dzulu ya atu osi. Ana enu alume kpwa achetu andatabiri. Atumia enu andaloha ndoso na ana enu alume andaona ruwiya.

Mahendo 2:17

‘Mlungu anaamba: Siku za mwisho anadamu osi nindaarehera Roho wangu. Ana enu, alume kpwa achetu andatangaza ujumbe kula kpwangu. Barobaro enu andaona ruwiya, nao atumia andaloha ndoso.

Isaya 59:21

Mwenyezi Mlungu anaamba, “Chichi ndicho chilagane changu nao, Roho wangu ariye ndani yenu, kandakurichani kula vi sambi, hata kare na kare. Na maneno gangu nrigogatiya mwenu kanwani, tagandauka mwenu kanwani, kanwani mwa ana enu, wala kanwani mwa adzukulu enu kula vivi sambi, hata kare na kare.”

Misemo 1:23

Kala mwaphundza mashauri gangu, ningeaambira garigo mwangu moyoni, namwi mngephaha marifwa.

Maono 21:6

Phahi achiniamba tsona, “Mambo vivi gakahendeka. Mimi ndimi Alifa na ndimi Omega, yani ndimi Mwandzo na ndimi Mwisho. Chila mutu ariye na chiru nindamupha madzi ga bure anwe kula pula za madzi, madzi garehago uzima.

Mahendo 2:39

Ahadi hino ni fwaida yenu, vivyazi vyenu na atu osi ario kure, ni ya mutu yeyesi ambaye Mwenyezi Mlungu wehu andamualika.”

Zakariya 12:10

“Nami nindaapha roho ya mbazi na mavoyo, atu a nyumba ya Daudi na asagalao Jerusalemu, ili ndiphomlola iye ariyemdunga fumo, amsononekere dza mutu amsononekeravyo mwanawe wa macheye na amririravyo mwanawe wa kpwandza.

Ezekieli 39:29

Nami sindaalozera kogo tsona, ndiphomwagira atu a Iziraeli Roho wangu, mimi Mwenyezi Mlungu nkaamba.”

Isaya 32:15

Hali indakala hivyo hadi Roho wa Mlungu ndiphohwedzera kula dzulu mlunguni, ndipho majangbwa gandakala minda yenye rutuba, na minda yenye rutuba indakala dza tsaka.

Mahendo 10:45

Ayahudi amukuluphirao Jesu okala akedza na Petero atezeka kpwa sababu zawadi ilayo kpwa Mlungu ambayo ni Roho Mtakatifu kala ikahewa atu hata ambao sio Ayahudi.

Zaburi 107:35

Nkugaluza jangbwa rikala visima vya madzi, na tsi kavu ikakala na pula za madzi.

Isaya 41:17

Achiya na akutsowa anaendza madzi ela taphana, chila mmwenga lilimire rikakpwalala kpwa chiru. Mimi Mwenyezi Mlungu nindaajibu, mimi Mlungu wa Iziraeli sindaaricha.

Joeli 3:18

Wakati hinyo kundakala na uchi munji wa zabibu hiko dzulu myangoni, na ko vidzangoni kundakala na maziya manji, chila chidzuho kpwenye tsi ya Juda chindajera madzi. Himo nyumbani mwa Mwenyezi Mlungu mundaomboka pula za madzi na madzige gandajera Dete ra Shitimu.

Mahendo 2:33

Phahi, Jesu wahalwa kuphiya mlunguni, asegere mkpwono wa kulume wa Mlungu, phatu pha ishima kulu sana, na waphokera Roho Mtakatifu kula kpwa Baba Mlungu ambaye kala akamlaga, naye wahupha swiswi ye Roho. Mambo higa mgasikirago na kugaona ganahakikisha maneno higa.

Ezekieli 34:26

Nindajaliya atu angu na nyumba zao zizungulukazo chidzango changu chitakatifu. Nindaahenda aphahe mvula kpwa wakatiwe, nayo indakala mvula ya baraka.

Isaya 61:9

Atu a chivyazi chao andamanyikana kahi za mataifa, andamanyikana kahi za makabila ga atu. Osi ndioaona andaamba hano ni atu ariojaliwa ni Mwenyezi Mlungu.

Maono 22:17

Roho Mtakatifu na hiye bibi arusi wa Mwana ngʼondzi anamuiha Bwana anaamba, “Ndzo.” Na atu osi ndiosikira mambo higo naambe, “Ndzo.” Yeyesi ariye na chiru alondaye madzi, naaedze anwe bure madzi ga uzima.

Isaya 48:21

Taayasikira chiru ariphoalongoza ko jangbwani, waatuluzira madzi kula mwambani. Waahula mwamba, madzi gachijera kpwa nguvu.”

Isaya 65:23

Taandahenda kazi ya bure, na ana aho taandaolagbwa ni makongo mai-mai, mana aho andakala atu ariojaliwa ni Mwenyezi Mlungu, aho phamwenga na vivyazi vyao.

Zaburi 63:1

Uwe Mlungu, u Mlungu wangu, nami nakuendza; roho yangu ina chiru nawe. Mwiri wangu unatunu nawe kahi ya tsi kavu isivyokala na madzi.

Isaya 49:10

Taandakala na ndzala wala chiru, taandapigbwa ni dzuwa ra weruni, mana iye aaoneraye mbazi, andaalongoza, kanda-kanda za vidzuho vya madzi.

Isaya 32:2

Chila mmwenga wao andakala dza phatu pha kudzifwitsa pha kudzichinga na phuto kali, dza chidzuho cha madzi hiko jangbwani na dza pepho ya mwamba mkpwulu wakati wa dzuwa ngerengere kpwenye tsi isiyomera chitu.

Mathayo 12:43

Jesu waenderera kugomba achiamba, “Pepho achimtuluka mutu, nkuphiya weruni achaendza phatu pha kuoya. Ela asiphophaha,

Ayubu 5:25

Chisha undamanya kukala chivyazicho chindakala chinji, atuo andakala anji dza nyasi za weruni.

Isaya 48:19

Chisha atu a chivyazicho angekala anji dza mitsanga, dzina rao taringeuswa au kufutwa mbere zangu.

Isaya 55:1

“Haya, chila mwenye chiru naaedze anwe madzi, na iye ambaye kana pesa naaedze agule arye. Ndzoni mugule uchi wa zabibu na maziya bila pesa na bila garama.

Ezekieli 36:27

Nami ndakutiyani Roho wangu, na nkuhendeni mgbwire malagizo gangu na shariya zangu.

Ezekieli 47:8

Achiniamba, “Madzi gaga ganajera kuelekea seemu za mlairo wa dzuwa na kujera hadi tsi ya kugbwa ya Araba, na gainjirapho Bahari ya Munyu, go madzi ga munyu gandakala pepho.

Hosea 10:12

Dziphandireni haki, mvune mendzwa isiyosika Tengezani mioyo yenu mana uhu ni wakati wa kumuendza Mwenyezi Mlungu, hadi edze akumwagireni mvula ya haki.

Mika 5:7

Hinyo ndiosala kahi za atu a Jakobo, andasagala kahi za atu a mataifa manji. Nao andakala dza umande kula kpwa Mwenyezi Mlungu, dza mawasa ga mvula nyasini ambago tagachelewa kpwa sababu ya mutu wala tagagodza anadamu.

Isaya 27:3

“Mimi Mwenyezi Mlungu ndimi nchimanyiriraye, ndachimwagira madzi mara kpwa mara. Ndachirinda usiku na mutsi sedze mutu akachibananga.

Joeli 2:27

Namwi mundamanya kukala ni kahi ya Aiziraeli na kukala mimi, ndimi Mwenyezi Mlungu, Mlungu wenu na badala yangu takuna wanjina. Atu angu taandatiywa waibu tsona hata kare na kare.

Joeli 3:1

Siku hizo na wakati uho ndiphouyiza utajiri wa Juda na Jerusalemu,