Isaya 44:20 - Digo Bible

²⁰ Iye nkurya ivu na moyowe uchiochengeka nikumuangamiza, asiweze kutivya rohoye au kuamba, ‘Rino ririro mkpwono wangu wa kulume si handzo?’ ”

Isaya 44:20 Referans Kwoze

Arumi 1:28

Tsona, atu hinyo arema ilimu ya kpweli kuhusu Mlungu, ndipho naye Mlungu achiaricha alunge maazo gao mai. Nao achihenda mambo ambago tagafwaha kuhendwa.

Hosea 12:1

Atu a Efuraimu ni dza mutu adzirisaye phepho, ni dza mutu asindaye kuzoresa phepho ra mlairo wa dzuwa. Akaenjereza handzo na kuhumira mabavu. Anaika chilagane na Ashuru, na kuphirika mafuha ga zaituni Misiri.

Zaburi 102:9

Ivu rikakala ndicho chakurya changu, matsozi ganatsanganyika na chinwadzi changu

Ayubu 15:31

Asidzichenge kukuluphira chitu chisicho na mana, mana kandariphiwa chochosi.

2 Timothi 2:13

Husiphokala aaminifu, iye andakala muaminifu, mana kaweza kudzikahala mwenye.

Arumi 1:25

Aricha kuamini ukpweli kuhusu Mlungu na achilunga mafundzo ga handzo. Ahumikira na kuabudu viumbe badala ya Muumba, ambaye ni atogolwe hata kare na kare! Amina.

Hosea 4:12

Atu angu anapiga mburuga kula kpwa vizuka vya mihi nao nkumanyiswa maneno ni fwimbo. Roho ya umalaya ikaangamiza nao akamricha Mlungu wao.

Maono 18:23

Phapho taphandaaka taa tsona. Wala takundakala na sharee za bwana arusi wala bibi arusi, yani takundalólwana tsona bii. Mudzi wa Babeli undahendwa hivi kpwa kukala ahendadzi-bishara himo akala atu akulu na ayi a dunia. Na sababu ya atu hinyo kukala matajiri ni sababu mataifa ganjina gosi gachengbwa ni utsai wa nyo mudzi.

Maono 13:14

Na kpwa vira rahewa uwezo wa kuhenda vilinje kpwa ajili ya rira dzinyama ra kpwandza, rachenga atu osi aishio duniani. Raambira atu atsonge chizuka kpwa kuishimu rira dzinyama ra kpwandza rolumizwa na upanga, ela richienderera kuishi.

Maono 12:9

Kpwa hivyo riro dzoka richitsuphiwa duniani. Naro ndiro rira dzoka ra kare riihwaro Ibilisi au Shetani richengaro atu osi ahende dambi. Richitsuphiwa duniani phamwenga na malaikae.

2 Timothi 3:13

Ela atu ayi na alimu a handzo andaenderera kuchenga ayawao na kuchengbwa, nao andazidi kukala ayi.

1 Timothi 4:2

Alimu dza hinya ni anafiki na atu a handzo, na zamiri zao zafwa, nazo taziweza kuzuwiya uyi.

Luka 15:16

Waaza kurya chakurya chokala anarisa nguluwe, ela takuna mutu yeyesi yemupha chitu.

Habakuki 2:18

Chizuka china mana yani, chitu chihendacho tengezwa ni mwanadamu? Nacho ni mfwano unaochenga atu. Ye mutu achitengezaye nkukuluphira kazi ya mikonoye. Mana ni chizuka sichoweza kugomba.

Jeremia 16:19

Ee Mwenyezi Mlungu uriye nguvu yangu na ngome yangu, uriye kuluphiro rangu wakati wa tabu, ko kpwako mataifa ganjina gandakulunga kula pembe za dunia na kuamba, “Sowe zenu taayakala na chitu isiphokala milungu ya handzo ambayo taiyaafwaha chitu.

Isaya 59:13

Hukakuasi na kukurema uwe Mwenyezi Mlungu, hukakuricha uwe Mlungu wehu, hukaonera atu na kukuasi uwe, hukatunga maneno ga handzo mioyoni mwehu na kugagomba.

Misemo 15:14

Mutu wa achili ana hamu ya kuphaha marifwa, ela azuzu anaenderera na uzuzu wao.

Ayubu 15:2

“Dze, mutu wa ikima nkujibu na maneno ga upuzi, na kuodzaza ndaniye na phepho ra mlairo wa dzuwa?

Zaburi 115:4

Milungu yao ni ya feza na zahabu, yotengezwa ni anadamu.

Zaburi 144:8

ambao kanwa zao nkugomba handzo, na ambao mikono yao ya kulume nkulavya ushaidi wa handzo.

Zaburi 144:11

Nitivya na unikombole kula mikononi mwa ajeni, ambao kanwa zao zi tele handzo, aunulao mikono yao ya kulume na kulavya ushaidi wa handzo.

Isaya 47:10

Ukakuluphira uyio nawe ukaamba, ‘Taphana anionaye.’ Ikima na marifwago ganakuangamiza unaphodziambira mwako moyoni, ‘Ni mimi bahi, takuna wanjina.’

Isaya 57:11

Kala unamuogopha ani ariyekuhenda ukakame hadi uchigomba handzo, bila kunitambukira wala kuniaza? Dze, tamniogopha kpwa kukala nákunyamarirani hangu kare?