Isaya 41:24 - Digo Bible

²⁴ Mwimwi vizuka si chitu, chisha tamuna uwezo wowosi. Iye anayekutsambulani ni tsukizo.

Isaya 41:24 Referans Kwoze

1 Akorintho 8:4

Phahi, kuhusu vyakurya vyolaviwa sadaka kpwa vizuka, hunamanya kala chizuka si chochosi himu duniani na Mlungu ni mmwenga tu.

Zaburi 115:8

Aho aitengezao, na aho aikuluphirao, andakala dza iyo.

Isaya 41:29

Lola, milungu yosi ni bure, kazi yao si chitu, vizuka vyao ni dza phepho tu.”

Jeremia 10:8

Takuna rorosi ra kudzifundza kula kpwa milungu yao, mana milungu iyo ni mihi tu,

Maono 17:5

Na phakpwe chilanguni kala phakaandikpwa dzina ambaro manage kala ikafwitsika. Dzina renye ni hiri: Mudzi Mkpwulu wa Babeli Mayo wa Adiya Osi na wa Vitu Vikolo hipha Duniani.

Jeremia 10:14

Chila mutu ni mzuzu na kana amanyaro, chila mfuli wa zahabu nkutiywa waibu ni vizukavye, mana vizukavye ni vya handzo, navyo tavisoha.

Isaya 66:24

Nao andatuluka kondze, kpwendalola nyufu za atu arioasi, nazo zindakala zinariwa ni mabulu chila wakati na kuochwa ni moho ambao taufwa bii. Andakala ni utu wa kutsukiza kpwa atu osi.”

Isaya 37:19

Atsupha milungu yao mohoni na kuibananga-bananga kpwa sababu kala siyo milungu ya kpweli, ela kala ni vizuka vya mihi na mawe vyotsongbwa ni anadamu.

Kumbukumbu 27:15

“ ‘Naalaniwe mutu yeyesi ndiyetengeza chizuka cha kutsonga au cha chuma cha kuyayusha na achiabudu. Chizuka ni chitu cha kutsukiza mbere ya Mwenyezi Mlungu, Mlungu wenu, mana ni chitu ambacho chatengezwa na mikono ya mwanadamu.’ Na atu osi andajibu aambe, ‘Amina!’

Kumbukumbu 7:26

Usitiye mwako nyumbani chitu cha kutsukiza Mlungu, sedze ukatengbwa kpwa ajili ya kuangamizwa dza chitu hicho. Vimeneni na kuvibera kpwa sababu ni vitu virivyotengbwa ili viangamizwe tsetsetse.”

Misemo 3:32

Mana atu ayi ntsukizo kpwa Mwenyezi Mlungu, ela ye nkuamini atu ambao njira zao zagoloka.

Misemo 28:9

Mutu akahalaye kusikira shariya hata mavoyoge ganatsukiza Mlungu.

Jeremia 10:5

Vizuka vyao ni dza dzogofyo kpwenye munda wa madzungu, vinyemere zii, chisha vihenda tsukulwa, mana taviweza kunyendeka. Msiviogophe mana taviweza kukuhenderani mambo mai wala kuhenda utu wowosi mnono.”

Jeremia 10:15

Tavina mana yoyosi, ni vitu vya kuberwa, wakati wa kutiywa adabu vindaangamika.

Kumbukumbu 7:25

Ochani milungu yao ya vizuka. Msiaze feza wala zahabu zovwikpwa milungu yao, wala msizihale mkazihenda zenu. Kuhenda hivyo ni muhego kpwenu na ni dzambo rinaromtsukiza Mwenyezi Mlungu, Mlungu wenu.