Isaya 41:22 - Digo Bible

²² “Vireheni vizuka vyenu vihuambire kundakalani. Navihuambire ni mambo gaphi garigohendeka pho kare, ili hugaririkane na humanye gandasababisha utu wani, au vihutangazire mambo ndigokpwedza.

Isaya 41:22 Referans Kwoze

Isaya 45:21

Tangazani na mwedze mdzihehere, uzanani mashauri phamwenga. Ni ani ariyetabiri mambo gano hangu kare? Ni ani ariyegatangaza hangu kare? Dze si mimi Mwenyezi Mlungu? Takuna Mlungu wanjina isiphokala mimi, Mlungu mwenye haki na muokoli. Takuna Mlungu wanjina isiphokala mimi.

Isaya 48:14

Dzikusanyeni phamwenga mwimwi mosi, musikize! Ni chizuka chiphi chotabiri mambo higa? Iye amendzwaye ni Mwenyezi Mlungu, andatimiza lengore chinyume cha Babeli, na kushambuliya Akalidayo.

Isaya 46:10

Kula pho mwandzo nátabiri ndigokpwedzahendeka, pho kare nátangaza mambo ndigohendeka. Náamba kukala mipango yangu indafwaulu, nami ndahenda gosi nrigokusudiya kugahenda.

Isaya 44:7

Ni ani ariye dza mimi? Naagombe na aike wazi mambo garigohendeka hangu niriphoimarisha atu angu pho kare, naagombe mambo ndigokala siku zedzazo.

Johana 16:14

Andaonyesa ukulu wangu, mana andaphokera gangu na akumanyiseni.

Johana 13:19

Nakuambirani mambo higa hivi sambi, kabila tagadzangbwehendeka, ili gachihendeka mkale mundaamini kukala mimi ndimi hiye Yetsambulwa.

Isaya 42:9

Lola, mambo ga kpwandza gahendeka, nami ninahubiri mambo maphya, ninakuambirani gago kabila tagadzangbwehendeka.”

Isaya 41:26

Ni ani ariyetabiri higa kula mwandzo ili hugamanye? Au kabila gahendeke ili huambe, ‘Wagomba kpweli.’ Taphana hata mmwenga ariyehumanyisa, taphana hata mmwenga ariyehuonyesa, taphana ariyesikira maneno genu.

Isaya 48:3

“Mimi nátangaza mambo ga kare hangu kare, gago gatuluka mwangu kanwani, nami nchigasema, chisha nágahenda gafula nago gachitimiya.

Isaya 45:22

Nigalukirani mimi mtivywe, mwi atu a dunia ndzima, mana mimi machiyangu ndimi Mlungu na takuna wanjina.