Isaya 40:6 - Digo Bible

⁶ Sauti yaamba, “Kota kululu!” Nami nchiamba, “Nikote kululu niambedze?” Atu osi ni dza nyasi, na unono wao ni dza maruwa ga weruni.

Isaya 40:6 Referans Kwoze

Zaburi 102:11

Siku zangu zikakala avi ni chivurivuri cha dziloni ninanyala dza nyasi.

Ayubu 14:2

Iye nkubumuka dza ruwa, chisha akanyala, nkuuka mairo dza chivurivuri na kukoma kuishi.

Isaya 58:1

“Piga kululu, usiriche. Piga kululu dza tarumbeta. Atangazire atu angu makosa gao, na uambire atu a nyumba ya Jakobo dambi zao.

Zaburi 92:7

Dzagbwe atu ayi anakula dza nyasi nao ahendao mai achioongokerwa, mwisho wao ni kuangamika hata kare na kare.

Jeremia 31:6

Mana siku indafika arindzi andakota kululu ko myango ya Efuraimu, aambe, ‘Unukani hukaambuke Sayuni, kpwa Mwenyezi Mlungu, Mlungu wehu.’ ”

Jeremia 2:2

“Phiya ukaatangazire chingʼangʼa atu a Jerusalemu asikire. Aambire Mwenyezi Mlungu anaamba hivi, ‘Nátambukira uaminifuo wa wanacheni, urivyokala uchinimendza dza bibi harusi, na urivyonilunga ko jangbwani, kpwenye tsi isiyovyala chochosi.

Isaya 40:3

Phundzani, kuna sauti ya mutu akotaye kululu ko weruni iambayo, “Tayarishani njira ya Mwenyezi Mlungu, mtayarishireni Mlungu wenu njira kulu ya kugoloka ko weruni.

Isaya 37:27

Ndiyo mana enyezie a midzi iyo achikala akasira nguvu, akavundzika mioyo na kunyala, akala dza mimea ya mundani, dza nyasi tsanga, dza nyasi zimerazo dzulu ya nyumba, ziumazo kabila ya kuphera.

Isaya 12:6

Kotani kululu na muimbe kpwa kuhererwa mwimwi atu a Sayuni, mana Mtakatifu wa Iziraeli ni mkpwulu kahi yenu.”

Hosea 5:8

Pigani gunda ko Gibeya, na mpige tarumbeta ko Rama. Pigani kululu za viha ko Bethi-Aveni hulongozeni kuphiya vihani mwi atu a Benjamini.

Isaya 51:12

“Mimi ndimi ninaye kuphozani marenda. Kpwa utu wani mumuogophe mwanadamu ambaye andafwa na aole dza nyasi?

Zakariya 1:14

Phahi ye malaika yekala akagomba nami achiniamba nikote kululu niambe kukala Mwenyezi Mlungu, Mlungu wa majeshi anaamba hivi, “Mimi nina wivu sana kpwa ajili ya Jerusalemu na Sayuni.