Isaya 4:2 - Digo Bible

² Siku iyo tsi ya Mwenyezi Mlungu indakala na rutuba na yenye nguma na mavunoge gandakala nguma ya Aiziraeli ariotiya nao andagaonera ngulu.

Isaya 4:2 Referans Kwoze

Zakariya 6:12

na umuambe kukala Mwenyezi Mlungu, Mlungu wa majeshi anaamba hivi: ‘Sikiza, hiyu ndiye mutu aihwaye Panda. Iye andatsephula kula pho phatuphe aripho na andadzenga luphya yo nyumba yangu.

Jeremia 23:5

“Lola, kpwa kpweli siku ziredza, Mwenyezi Mlungu anaamba, ndiphounula mutu wa haki kula chivyazi cha Daudi. Iye andakala mfalume, naye andahenda mahendo kpwa busara, kuhenda garigo haki na ga sawa kpwenye yo tsi.

Zakariya 3:8

Phahi phundza uwe Joshuwa, mlavyadzi-sadaka mkpwulu na ayao asagalao mberezo, mana aho ni ishara ya mambo manono gedzago. Mimi nindareha mtumishi wangu aihwaye Panda.

Isaya 27:6

Siku zedzazo Jakobo andahenda mizi, Iziraeli kutsephula na indabumula maruwa na kuiodzaza matunda dunia yosi.

Joeli 2:32

Indakala hiye ndiyemririra Mwenyezi Mlungu, andaokolwa, mana dzulu ya mwango Sayuni yani hiko Jerusalemu, kundakala na atu ariotiya, dza Mwenyezi Mlungu arivyoamba kukala, hinyo arioihwa ni Mwenyezi Mlungu andakala kahi ya hinyo ariotiya.

Jeremia 33:15

Siku zizo na wakati uho nindahenda Panda yenye haki itsephule kula chivyazi cha Daudi, naye andahenda haki na garigo sawa kpwenye yo tsi.

2 Akorintho 4:6

Mana Mlungu ndiye ariyeamba, “Mwanga naungʼale kula jizani.” Na hinyo mwangawe wauhenda ungʼale mwehu mioyoni ili huphahe mwanga wa kuelewa utukufuwe unaongʼala usoni pha Jesu.

Obadiya 1:17

Ela mwango wa Sayuni phandakala na atu ndiotiya napho phandakala phatakatifu. Atu a nyumba ya Jakobo ndiosala andahala tsona urisi wao kula kpwa maadui gao.

Jeremia 44:14

Taphana hata mmwenga kahi ya atu a Juda ariosala achiophiya Misiri, ndiyechimbira au kutiya au kuuya Juda. Dzagbwe anaaza kuuya na kuishi kuko, taandauya isiphokala atu achache tu ndiotiya.”

Isaya 60:21

Atuo osi andakala enye haki, nao andairisi tsi hata kare na kare. Aho ni mitse ambayo náiphanda mwenye, ni kazi ya mikono yangu, ili ionyese nguma yangu.

Isaya 53:2

Mana iye mtumishi wakula dza mutse mtsanga, na dza muzi kahi ya tsi kavu. Iye kana umbo au unono, ili huchimlola hummendze.

Zaburi 72:16

Tsi naijaliwe ikale na mtsere munji, masuche ganazugbwa kpwenye virere vya vidzango, matundage gakale dza ga Lebanoni, atu midzini akale anji dza nyasi!

2 Petero 1:16

Tahuyakuambirani adisi za handzo kpwa werevu, wakati huriphokuambirani kukala Bwana wehu Jesu Masihi andauya kpwa nguvu za Mlungu. Ela hwaona ukuluwe na matso gehu enye.

Johana 1:14

Tsona Neno rakala mutu, na achiishi phamwenga naswi. Naswi hwaona ukuluwe, ukulu wa mwana wa macheye yela kpwa Baba. Maishage gahuonyesa ukulu wa Mlungu, mana kala ni mutu wa mbazi nyinji tsona muaminifu.

Luka 21:36

Kpwa hivyo Kalani matso wakati wosi, na mvoye ili mphahe nguvu za kugatsupira mambo gago ndigohendeka, tsona muweze kuima mbere za ye Mutu Yela Mlunguni.”

Mathayo 24:22

Ela Mlungu wapanga kare kuphunguza siku za mateso kpwa ajili ya atu arioatsambula. Kala Mlungu kahendere hivyo, takungesala mutu.”

Zakariya 9:17

Atue andakala anono sana! Mtsere na uchi muitsi undaahenda avulana na asichana akale vitibwatibwa.

Joeli 3:18

Wakati hinyo kundakala na uchi munji wa zabibu hiko dzulu myangoni, na ko vidzangoni kundakala na maziya manji, chila chidzuho kpwenye tsi ya Juda chindajera madzi. Himo nyumbani mwa Mwenyezi Mlungu mundaomboka pula za madzi na madzige gandajera Dete ra Shitimu.

Ezekieli 7:16

Na nyo ndiotiya andachimbirira myangoni, ambako andarira dza njiya a deteni; chila mmwenga andakala anasononekera dambize.

Jeremia 44:28

Na nyo ndiochimbira upanga na kuuya tsi ya Juda kula tsi ya Misiri andakala achache sana. Phahi atu osi a Juda ndiotiya andamanya ni neno ra ani risirogaluka, ni rangu au ni rao.

Isaya 45:8

Ko dzulu mlunguni nakumwage haki dza ingu ra mvula, tsi naivuguke ili wokofu na haki vimere phamwenga. Mimi Mwenyezi Mlungu nikaviumba.

Isaya 30:23

Mwenyezi Mlungu andahenda mvula inye kpwa ajili ya mbeyu zenu mchizophanda. Minda yenu indavyala mtsere munji na mifugo yenu indaphaha nyasi nyinji za kurisa.

Isaya 11:4

Achiya na agayi andalamulwa na haki. Dunia indatiywa adabu kpwa nenore na atu ayi andaaolaga.

Zaburi 67:6

Tsi indavyala mavunoge, mana Mlungu wehu wahujaliya.

Kutsama 28:2

Undamshonera mwenenu Aruni mavwazi matakatifu ga mlavyadzi-sadaka. Mavwazi higo gandamuhenda akale mnono na mwenye ishima.

Isaya 26:1

Siku iyo wira huno undaimbwa kahi za tsi ya Juda. Swiswi huna mudzi urio na nguvu, mudzi urindwao na kutivywa ni Mlungu.

Isaya 60:15

Kpwa kukala warichwa na kuberwa, taphana mutu ariyetsupira kpwako, ela nindakuhenda ukale na nguma hata kare na kare, na furaha ya vivyazi vyosi.

Isaya 61:11

Mana, dza viratu tsi ituluzavyo mimea, na viratu munda uhendavyo mbeyu zikamera, ndivyo Mwenyezi Mlungu ndivyoreha haki na togo kahi za mataifa gosi.

Ezekieli 34:29

Nami nindaapha tsi ambayo inamanyikana kpwa mavunoge nao taandahirika na ndzala kpwenye yo tsi, wala kuberwa tsona ni atu a mataifa.

Ezekieli 36:8

“Ela mwimwi myango ya Iziraeli, mihi yenu indahenda panda na kuavyarira matunda atu angu Iziraeli, mana a phephi na kuuya kpwao.

Malaki 3:17

Mwenyezi Mlungu, Mlungu wa majeshi anaamba, “Andakala angu. Andakala hazina yangu ya samani siku iyo ya uamuli. Nami nindaaonera mbazi dza vira mutu amuoneravyo mbazi mwana amuhumikiraye.