Isaya 38:12 - Digo Bible

¹² Nyumba yangu ikangʼolwa na kuhalwa dza hema ra mrisa. Uhai wangu nkaukuba dza mfumadzi akubavyo chitambaa, Mlungu akanikata dza chitambaa chikatwavyo kula kpwenye mbao ya kufumira naye kala ananimarigiza chila siku.

Isaya 38:12 Referans Kwoze

Aeburania 1:12

Uwe undavikundza dza kandzu, vindaparara, ela uwe kundagaluka na miakayo taina mwisho.”

2 Akorintho 5:1

Mana hunamanya kukala vibanda hivi husagalamo hipha duniani, yani miri yehu, vichibanangbwa, swiswi hundakala na nyumba zanjina kula kpwa Mlungu, yani miri miphya. Nyumba hizo zindadumu hata kare na kare hiko mlunguni mana tazidzengbwa ni anadamu.

Zaburi 73:14

Mana nateseka dii yosi na chila ligundzu natiywa adabu.

Jakobo 4:14

Mwimwi tammanya maisha genu ndivyokala muhondo! Mana maisha genu ni dza guro ambaro nkutuluka kpwa muda alafu rikayaya.

2 Akorintho 5:4

Kpwa mana wakati bado hucheresagala ndani ya vibanda vya hipha duniani, hunapiga hofwi kpwa kuremererwa sana. Si kukala hunalonda kuricha vibanda vyehu ambavyo nkubanangika, hata. Hulondaro ni husagale ndani ya nyumba zisizobanangika ili vira vibanangikavyo vimizwe tse ni uzima wa kare na kare.

Isaya 13:20

Tamundakala tsona na atu, tamundasagalwa chivyazi hadi chivyazi. Takuna Mwarabu ndiyechita hemare wala mrisa ndiyetindizha mifugoye.

Isaya 1:8

Mudzi wa Jerusalemu ukarichwa dza muweka kpwenye munda wa mizabibu dza chibanda kpwenye munda wa matikiti madzi dza mudzi uchiozangirwa.

Zaburi 119:23

Dzagbwe akulu ananipangira njama mbii, mino mtumishio ndaririkana shariyazo.

Zaburi 102:11

Siku zangu zikakala avi ni chivurivuri cha dziloni ninanyala dza nyasi.

Zaburi 31:22

Mino náogopha nchiamba, “Nikatengbwa kure na Mwenyezi Mlungu.” Ela wasikira chiriro changu nriphokuririra uniterye.

Ayubu 17:1

Nkavundzika moyo, siku zangu zikasira, mbira i tayari kpwa sababu yangu.

Ayubu 14:2

Iye nkubumuka dza ruwa, chisha akanyala, nkuuka mairo dza chivurivuri na kukoma kuishi.

Ayubu 6:9

kalapho Mlungu angekubali kunisaga-saga, na kurichira mkpwonowe uniolage!

Ayubu 4:20

Akalao azima ligundzu na ichifika dziloni akafwa, anaangamia ta kare na kare bila atu kujali.

Zaburi 90:5

Uwe ukusisa uzima wa anadamu dza viratu ndoso. Anadamu ni dza nyasi zimerazo ligundzu,