Isaya 37:22 - Digo Bible

²² riri ndiro neno arirogomba Mwenyezi Mlungu kumuhusu iye: ‘Ye mwanamwali wa Sayuni, anakubera na kukunyetera, Ye msichana wa Jerusalemu, anasukasuka chitswache nyumazo wakati unachimbira.

Isaya 37:22 Referans Kwoze

Ayubu 16:4

Mimi piya ningegomba dza vyo mgombavyo, kalapho munatsupira gaga garigoniphaha ningegomba maneno chinyume chenu na kusukasuka chitswa changu.

Zakariya 2:10

Mwenyezi Mlungu anaamba, “Imbani na muhererwe mwi atu a Sayuni, mana nindasagala kahi yenu.”

Zefania 3:14

Imbani sana, mwi atu mkalao Sayuni! Kotani kululu, mwi Aiziraeli! Hererwani na mpige njerejere, mwi atu a Jerusalemu!

Sonono za Jeremia 2:13

Nigombeni kukuhusu? Nikulinganishe na chitu chani, uwe mwana mchetu wa Jerusalemu? Nikulinganishe na utu wani, ili niweze kukuphoza marenda, we mwanamwali, mwana mchetu wa Sayuni? Mana chirondacho china chivwa dza cha bahari. Ni ani awezaye kukuphoza?

Jeremia 14:17

Aambire hivi, ‘Richa nimwagikpwe ni matsozi usiku na mutsi, bila ya kusira, mana mwanamwali, yani atu angu akalumizwa vibaya, akapigbwa pigo risiropigbwa mutu.

Isaya 1:8

Mudzi wa Jerusalemu ukarichwa dza muweka kpwenye munda wa mizabibu dza chibanda kpwenye munda wa matikiti madzi dza mudzi uchiozangirwa.

Zaburi 9:14

ili niasimurire atu osi a Sayuni yani Jerusalemu mambo ganagohenda, nkutogole. Na nihererwe kpwa sababu ukanitivya.

Mathayo 27:39

Atu okala anatsupa phatu hipho amlaphiza na kusukasuka vitswa

Mathayo 21:5

“Aambireni atu a Jerusalemu: ‘Lolani, mfalume wenu aredza! Ni mpole, naye akapanda mwana punda.’ ”

Zakariya 9:9

Hererwani sana, mwi atu a Sayuni! Kotani kululu, mwi atu a Jerusalemu! Lolani, mfalume wenu aredza, iye ni wa haki, chisha ni mshindi, iye ni mpole, naye akapanda dzulu ya punda, akapanda dzulu ya mwana punda.

Amosi 5:2

Mwanamwali Iziraeli akagbwa, na kandaunuka tsona. Akarichwa macheye kpwenye tsiiye, taphana mutu wa kumuunula.

Sonono za Jeremia 1:15

Mwenyezi Mlungu waarema masujaa osi ariokala kahi yangu, waiha mkpwutano chinyume changu ili aapige ahana angu. Mwenyezi Mlungu akamvyoga-vyoga ye mwanamwali, mwana mchetu wa Juda, dza zabibu zivyogbwavyo.

Isaya 62:11

Mwenyezi Mlungu andatangaza dunia yosi, “Aambire atu a Sayuni kukala, ‘Lolani, muokoli wenu aredza, aredza na zawadize na mariphoge.’ ”

Isaya 10:32

Rero maadui gakaima mudzi wa Nobu na ganajeza ngumi mwango wa Sayuni urio Jerusalemu.

Zaburi 31:18

Miromo igombayo handzo nainyamazwe, igombayo maneno mai kuhusu atu a haki kpwa shobo na chibero.

1 Samueli 17:36

Mtumishio naajaliwa kuolaga simba na dubu na hiyu Mfilisti asiyedekpwa andakala dza mmwenga wao, kpwa sababu akalaphiza majeshi ga Mlungu ariye moyo.

Isaya 23:12

Kundakala na raha tsona uwe mwanamwali wa Sidoni unayeonerwa. Uka uphiye Kupuro, na kuko piya kundaoya bii.

2 Afalume 19:21

Riri ndiro neno arirogomba Mwenyezi Mlungu kumuhusu iye, ‘Ye mwanamwali wa Sayuni, anakubera na kukunyetera. Ye msichana wa Jerusalemu, anasukasuka chitswache nyumazo wakati unachimbira.

Isaya 47:1

Mwenyezi Mlungu anaamba, “Tserera usagale photsi uwe mwanamwali wa Babeli, sagala photsi phasipho na chihi cha utawala, we msichana wa Akalidayo, mana kundaihwa tsona mwenye mwiri laini na mnono.

Jeremia 18:16

Andaihenda tsi yao itishe, ikale chitu cha kuberwa ta kare na kare. Atu ndiotsupa na phapho andaangalala na kusukasuka vitswa.

Sonono za Jeremia 2:15

Osi atsupao na njira anapiga makofi kpwa kukubera, anapigira mishoni ye mwana mchetu wa Jerusalemu na kusukasuka vitswa vyao. “Dze, uno ndio mudzi kala uchiihwa ukamilifu wa unono fwahiro ra dunia?”