Isaya 35:7 - Digo Bible

⁷ Tsi ichiyokola dzuwa indakala ziya ra madzi, mtsanga uchiouma kpwa kukosa mvula undagota vidzuho vya madzi. Hiko kusagalako diya-mbewa magugu manji gandamera.

Isaya 35:7 Referans Kwoze

Mahendo 26:18

ukaangʼaze matso, ili atuluke jizani na ainjire mwangani, na ariche kutawalwa ni Shetani na akubali utawala wa Mlungu. Nao aswamehewe dambi zao na aphahe nafwasi phamwenga na ariotengbwa kpwa sababu ya kunikuluphira.’

Isaya 49:10

Taandakala na ndzala wala chiru, taandapigbwa ni dzuwa ra weruni, mana iye aaoneraye mbazi, andaalongoza, kanda-kanda za vidzuho vya madzi.

Johana 4:14

ela mutu ndiyenwa madzi ndigomupha mimi, kandahenda chiru hata kare na kare. Higo madzi ndigomupha gandakala dza pula za muho urehao uzima wa kare na kare.”

Isaya 34:13

Madzumbage ga afalume na ngomeze zindaodzala miya. Diya-mbewa na mbuni ndio ndiosagala himo.

Maono 18:2

Naye achigomba na raka ra dzulu, achiamba, “Mudzi mkpwulu wa Babeli ukagbwa, nyo mudzi mkpwulu he, ukagbwa! Mudzi hinyo vivi ukakala makalo ga chila aina ya mashetani na pepho. Piya ukakala phatu pha chila aina ya nyama a mapha achafu asiolondwa ni atu.

Johana 7:38

Mutu yeyesi anikuluphiraye, vidzuho vya madzi ga uzima vindatuluka kula mwakpwe moyoni, kama Maandiko gagombavyo.”

Isaya 13:22

Mafisi gandarira mo mwenye minara ya urindzi na makala kusagala mumo mwenye madzumba manono-manono ga chitajiri. Wakatiwe u phephi na sikuze tazindaenjerezwa.”

Luka 13:29

Atu kula mlairo wa dzuwa, na mtswerero wa dzuwa, kula vurini na kula mwakani, andakpwedza karamuni kpwenye ufalume wa Mlungu.

Mathayo 21:43

“Kpwa hivyo nakuambirani kukala ufalume wa Mlungu undauswa kula kpwenu na uhewe atu anjina ambao andauvyarira matundage.”

Isaya 29:17

Bado muda mchache tu, Lebanoni indagaluzwa kukala munda wenye rutuba na munda wenye rutuba undakala tsaka.

Isaya 19:6

Mikono ya myuho indanuka lovu na vidzuho vya Misiri vindaswena madzi alafu viume. Magugu na nyasi zanjina zimerazo kanda-kanda ya muho zindanyala.

Zaburi 107:35

Nkugaluza jangbwa rikala visima vya madzi, na tsi kavu ikakala na pula za madzi.

Isaya 30:25

Siku iyo atu anji andaolagbwa na minara kubanangbwa, madzi gandajera kula myango mire na vidzango vire.

Isaya 41:18

Nindaihenda myuho ijere kula dzulu za vidzango na pula za madzi zihumbuke madeteni. Nindagaluza weru ukale madimbwi ga madzi na pharipho kpwalala phakale vidzuho vya madzi.

Isaya 43:20

Nyama a tsakani andaniishimu, makala na mbuni andaniishimu, mana nikaapha madzi weruni na myuho ko jangbwani, ili nianwese atu angu nrioatsambula,

Isaya 48:21

Taayasikira chiru ariphoalongoza ko jangbwani, waatuluzira madzi kula mwambani. Waahula mwamba, madzi gachijera kpwa nguvu.”

Ezekieli 47:8

Achiniamba, “Madzi gaga ganajera kuelekea seemu za mlairo wa dzuwa na kujera hadi tsi ya kugbwa ya Araba, na gainjirapho Bahari ya Munyu, go madzi ga munyu gandakala pepho.

Aamuli 6:38

Naye Mwenyezi Mlungu achihenda kama arivyogomba. Gidioni aripholamuka siku ya phiri, wahala hira chingo achiiminya gara manena goodzaza chibakuli tele cha madzi.