Isaya 35:5 - Digo Bible

⁵ Ndiphokpwedza, vipofu andahewa uwezo wa kuona na masito andasikira.

Isaya 35:5 Referans Kwoze

Isaya 29:18

Wakati hinyo masito andaweza kusikira maneno ga hicho chitabu na matso ga vipofu gandaona kahi za upofu na jiza.

Zaburi 146:8

Mwenyezi Mlungu nkuvugula matso vipofu. Mwenyezi Mlungu nkuaunula achioremererwa ni mizigo. Mwenyezi Mlungu anamendza atu a haki.

Johana 9:39

Chisha Jesu achiamba, “Nákpwedza himu duniani ili vipofu aone, nao adzihendao anaona, akale vipofu. Nami, nindaahukumu hinyo adzihendao anaona.”

Isaya 50:4

Mwenyezi Mlungu akanifundza ga kugomba, ili niatiye moyo achioremwa. Chila ligundzu ananilamusa ili niphahe kuphundza mambo alondago kunifundza.

Mathayo 12:22

Phahi, Jesu wareherwa mutu yekala na pepho zomuhenda chipofu na bwibwi. Achimphoza hata achiandza kugomba na kuona.

Mathayo 21:14

Vipofu na viswere anji amlunga hiko ndani ya Nyumba ya Kuvoya Mlungu, naye achiaphoza.

Luka 4:18

“Roho Mtakatifu a phamwenga nami, mana wanitsambula niarehere achiya habari nono. Akanihuma niatangazire afungbwa kuvugulwa kpwao na niatangazire vipofu kala andaona, kuaika huru aonerwao,

Isaya 42:16

Nindaalongoza vipofu kpwenye njira ambazo taadzangbwezitsupira. Nindagaluza jiza rikale mwanga mbere zao, na kuhenda tsi iriyo magome-magome ikale sawa-sawa. Higa ndigo mambo ndigogahenda nami sindaaricha.

Aefeso 5:14

Mwanga ndio uhendao vitu vionekane. Ndiyo mana atu nkuamba: “Lamuka we urereye! Ngʼalwa ni matso, wala usikale dza lufu. Naye Jesu andakungʼazira.”

Isaya 43:8

Arehe nyo atu asioona dzagbwe ana matso, nyo ario masito dzagbwe ana masikiro.

Misemo 20:12

Sikiro rinarosikira na dzitso rinaroona, vilungo viiri hivi vyatengezwa ni Mwenyezi Mlungu.

Kutsama 4:11

Ndipho Mwenyezi Mlungu achimuamba, “Ni ani yemupha mwanadamu mromo? Ni ani amuhendaye mutu akale masito ama bwibwi? Ni ani yemupha mwanadamu matso ama ni ani amuhendaye chipofu? Dze, siye mimi, Mwenyezi Mlungu?

Mahendo 26:18

ukaangʼaze matso, ili atuluke jizani na ainjire mwangani, na ariche kutawalwa ni Shetani na akubali utawala wa Mlungu. Nao aswamehewe dambi zao na aphahe nafwasi phamwenga na ariotengbwa kpwa sababu ya kunikuluphira.’

Johana 11:37

Ela anjina achiamba, “Ichikala wamvugula matso chipofu, washindwa ni utu wani kuzuwiya Lazaro asifwe?”

Isaya 48:8

Uwe kudzangbwegasikira wala kugamanya, hangu kare sikiroro kala rikazibwa. Mana námanya unahenda mambo kpwa kuchenga, na kukala hangu uvyalwe u muasi.

Ayubu 33:16

ndipho nkuavugula masikiro gao, na kuaogofyera kpwa kuakanya,

Jeremia 6:10

Nigombe na ani na kumkanya ani hata asikire? Lola, masikiro ni mazito, taaweza kusikira; lola, neno ra Mwenyezi Mlungu anaribera, taafwahirwa ni ro neno.

Isaya 42:18

Phundzani mwi visoto, lolani mwi vipofu, muweze kuona.

Isaya 50:5

Mwenyezi Mlungu akanisodola masikiro, nami siyakala muasi, na siuyire nyuma.