Isaya 33:11 - Digo Bible

¹¹ Mipango yenu ni dza wiswa na mahendo genu ni dza mibuwa, tagaokola rorosi. Pumuzi zenu ni dza moho wa kukuangamizani.

Isaya 33:11 Referans Kwoze

Isaya 59:4

Taphana ashitakiye kpwa haki, na taphana adziheheraye kpwa kugomba kpweli. Mnakuluphira maneno mahuphu na kugomba handzo, na kupanga njama mbii za kuhenda uyi.

Zaburi 7:14

Phundza! Mutu mui nkugbwira mimba ya uyi, nkutsukula mimba ya kubananga, na kuvyala handzo.

Jakobo 1:15

Alafu tamaa zehu mbii zichiphera, zinavyala dambi, nayo dambi ichiphera inavyala chifo.

Mahendo 5:4

Hinyo munda uriphokala kudzangbweuguza kala ni wako, na uriphouguza, hizo pesa piya kala ni zako. Sambi, yakaladze hata uchiona uhende dzambo dza hiri? Phahi, kunchengere mimi binadamu myao, ela ukamchenga Mlungu.”

Isaya 26:18

Hwakala na mimba, huchihenda utsungu, ela hwakala dza ariyedzivugula phepho. Tahurehere wokofu kahi ya tsi yehu, wala kukala na chivyazi cha kukala himo.

Isaya 17:13

Dzagbwe atu a mataifa ganjina ananguruma dza mvumo wa madzi manji, achiademurira aho nkuchimbira kure kpwenye dza maphephe garigo mwangoni gaphepheruswavyo ni phepho na vumbi riunulwavyo dzulu ni phuto.

Isaya 5:24

Kpwa hivyo dza viratu moho uochavyo mibuwa mifu na nyasi zouma ziphyavyo na moho, mizi yao indaola na maruwa gao gandaphepheruswa dza vumbi. Mana akarema shariya ya Mwenyezi Mlungu, Mlungu wa majeshi na kubera neno ra Mtakatifu wa Iziraeli.

Isaya 1:31

Ariye na mkpwotse andakala kana pephe dza mabuwa, na kaziye indakala dza tsetse ya moho, osi andaphya phamwenga, wala taphandakala na wa kuzimya moho hinyo.

Zaburi 2:1

Kpwa utu wani atu a mataifa ganjina anapanga njama mbii? Mbona anapanga mambo ambago tagandahendeka?

Ayubu 15:35

Aho nkupanga fujo na kuhenda mai na mioyo yao nkupanga handzo.”

Zaburi 7:15

Nkutsimba dibwa ra ndani sana, chisha akagbwa mumo ye mwenye.

Isaya 9:17

Kpwa hivyo Mwenyezi Mlungu kahamirwa ni barobaro aho wala kaaonera mbazi anachiya na magungu, mana osi taamendze Mlungu na akakala ayi, osi anagomba mai. Na bado Mlungu akatsukirwa na mkpwonowe u tayari kuatiya adabu.