Biblia Todo Logo
Bib sou entènèt

- Piblisite -




Isaya 25:11 - Digo Bible

11 Nao andagolosa mikono yao kujeza kutuluka kula mo ndani dza vira mutu agolosavyo mikonoye ili aojorere. Mlungu andatsereza kudzikarya kpwao dzagbwe ana ujuzi.

Gade chapit la Kopi




Isaya 25:11
26 Referans Kwoze  

Ela hivi sambi Mwenyezi Mlungu anaamba, “Bada ya miaka mihahu, utajiri wa Moabu undaangamika phamwenga na atue osi. Na ndiotiya andakala achache sana, tsona anyonje.”


Hukasikira Moabu inavyodzikarya, irivyo na ngulu kutsupa chiasi, ela kudzikaryakpwe si chitu.


Huno ndio mpango nrionao kpwa ajili ya dunia yosi na huno ndio uwezo ndioonyesa mataifa gosi.”


Kpwa hivyo Mwenyezi Mlungu watsukizwa ni atue, achigolosa mkpwonowe achiapiga na kuabwaga. Myango yasumba na nyufu zao zichikala dza uchafu barabarani. Hata bada ya higa gosi, tsukizize tazidzangbwedigirika na mkpwonowe uchere goloka chinyume chao.


Mutu wa shobo andahendwa anyenyekee, na atu a ngulu andatserezwa. Mwenyezi Mlungu macheye ndiye ndiyetogolwa siku hiyo.


Ela Mlungu anahuonera mbazi zaidi. Ndiyo mana Maandiko ganaamba, “Mlungu anapinga anaodzikarya, na kuaonera mbazi a pole.”


na achishinda viumbe vyosi vii vyokala na uwezo. Tsona achivigbwiza haya kpwa kuamanyisa atu osi kuhusu ushindi wa Jesu ariouphaha msalabani.


Vivi mimi Nebukadineza namtogola, namuunula na kumuishimu mfalume wa mlunguni, mana kazize zi sawa na njiraze ni za haki, na nyo adziunulao iye anaweza kuatsereza.


Nindamtiya adabu Beli ko Babeli, nimuhendese ahaphike vyo arivyomiza. Go mataifa ganjina tagandamlunga tsona. Kuta za Babeli zikagbwa.


Tsi ya Moabu indabanangbwa na taindakala taifa tsona kpwa sababu yadziunula mbere za Mwenyezi Mlungu.


Kutwa ndzima náagolosera mkpwono atu arioasi anyendekao kpwenye njira zisizo kala nono, atu alungao maazo gao,


Kpwa hivyo nindamupha mtalo phamwenga na akulu, naye andaganya zewe phamwenga na enye mkpwotse, kpwa kukala wadzilavya hadi afwe, waolangbwa phamwenga na atu ayi. Iye wahala dambi za anji na kuavoyera ili Mlungu aaswamehe.


dza ukame kpwenye tsi isiyonya mvula. Ela uwe Mwenyezi Mlungu undakomesa maadui gehu dza dzuwa rizibwavyo ni ingu, ndivyo ambavyo wira wa hinyo atu jaili undakomeswa.


Mwenyezi Mlungu anaamba, “Nindareha mashaka duniani na kuatiya adabu atu osi ayi kpwa sababu ya dambi zao. Chila ariye na ngulu ndamuhenda anyenyekee na ndamtiya adabu chila mutu mwenye ngulu na jaili.


Mwenyezi Mlungu, Mlungu wa majeshi kpwa nguvuze andahenda maadui gagbwe dza panda za muhi chizokatwa. Hinyo akulu zaidi anaodzikutula andatserezwa.


Chisha andaademurira kpwa usiru na kuatishira kpwa tsukizi, aambe,


Hukasikira ko kudziunula kpwa Moabu, iye ana ngulu sana Hukasikira kuhusu kudzikudulakpwe, chiphuryeche na anavyodzilika mwakpwe moyoni.


Onyesa tsukizizo nyinji, umlole adzikpwezaye, umtsereze.


Menyani pangani hiko myambani na madibwani mdzifwitse kutisha kpwa Mwenyezi Mlungu na nguma ya ukuluwe.


chinyume cha chila mnara urio mure sana na chila ukuta wa ngome


Ela siku zedzazo nindastawisha Moabu tsona,” Mwenyezi Mlungu anaamba. Uno ndio uamuli kuhusu Moabu.


Swiv nou:

Piblisite


Piblisite