Isaya 24:13 - Digo Bible

¹³ Mana hivi ndivyo ndivyokala kahi za dunia na kahi za mataifa gosi. Indakala dza phara mzaituni ukutiswapho au dza zabibu za mwisho-mwisho wakati wa kutsembweswa.

Isaya 24:13 Referans Kwoze

Isaya 1:9

Napho Mwenyezi Mlungu, Mlungu wa majeshi, kahusazirire moyo atu achache hungekala dza atu a Sodoma yani hungeigana na atu a Gomora.

Maono 3:4

Ela kuna afuasi achache ko Saridi ambao taagalunga higo mahendo ga dambi. Phahi andakala phamwenga nami nao andavwikpwa nguwo nyereru, mana atu hinyo anafwaha.

Mathayo 24:22

Ela Mlungu wapanga kare kuphunguza siku za mateso kpwa ajili ya atu arioatsambula. Kala Mlungu kahendere hivyo, takungesala mutu.”

Mika 2:12

Kpwa kpweli ndakukusanyani phamwenga mwimwi atu a Jakobo. Ndaakusanya phamwenga atu a Iziraeli achiosala. Ndaareha phamwenga dza mangʼondzi kpwenye chaa, dza mifugo phao marisani, napho phandakala na atu anji.

Ezekieli 7:16

Na nyo ndiotiya andachimbirira myangoni, ambako andarira dza njiya a deteni; chila mmwenga andakala anasononekera dambize.

Jeremia 44:28

Na nyo ndiochimbira upanga na kuuya tsi ya Juda kula tsi ya Misiri andakala achache sana. Phahi atu osi a Juda ndiotiya andamanya ni neno ra ani risirogaluka, ni rangu au ni rao.

Isaya 6:13

Dzagbwe seemu mwenga ya kumi indakala ikasala mumo, indaochwa tsona. Ela dza chisichi cha mvure au muhi uihwao mwaloni chitsephulavyo bada ya kukatwa ndivyo ndivyokala yo mbeyu takatifu kpwenye yo tsi.”

Alawi 19:9

“Mvunapho mavuno ga mwenu mindani, msivune kabisa hadi kpwenye miphaka ya minda wala msiuye kpwendatsembwesa.

Isaya 27:12

Siku hiyo, Mwenyezi Mlungu andakusanya atue Iziraeli mmwenga-mmwenga, kula muho wa Yufurati hadi chidzuho cha Misiri, dza viratu mutu awagavyo nganu na kutuluza mtsere.

Mika 7:1

Mimi nahenda ya bure tse! Sindaphaha rorosi. Ni dza vira bada ya atu kukusanya matunda ga vuri, bada ya atu kutsembwesa. Taphana hata tsana ya zabibu wala tini ya kuivwa ya kurya mimi nriye na ndzala sana.

Isaya 17:4

“Siku iyo nguma ya Jakobo indaphunguka dza mutu mziho aondavyo akasala mifupha.