Isaya 24:11 - Digo Bible

¹¹ Atu anarira kpwenye barabara kulu kpwa sababu ya uchi. Takuna raha tsona.

Isaya 24:11 Referans Kwoze

Hosea 7:14

Taaniririra kula mwao mioyoni, ela anamwagikpwa ni matsozi mwao vitandani, anadzikata-kata wakati anavoya milungu ya chijeni ili aphahe mtsere na uchi muphya nao akanilozera kogo.

Luka 16:25

Ela Burahimu achimuamba, ‘Mwanangu, umanye wakati kala unasagala ko duniani waphaha mambogo manono manono, kuno Lazaro anagaya. Ela sambi iye anafurahishwa hipha, na uwe unagaya.

Joeli 1:15

Siku ya Mwenyezi Mlungu indakala ya kutisha nayo i phephi, nayo indakpwedza na ubanangi kula kpwa Mwenye Nguvu Zosi.

Jeremia 48:33

Kuhamirwa na kuhererwa kukauswa kula yo tsi ya Moabu ya vyunga vya matunda; Nikahendesa uchi usijere kula pho phatu pha kuminyira zabibu; taphana mutu aziminyaye na njerejere; dzagbwe kuna kululu, ela sizo za kuhererwa.”

Isaya 32:13

na kpwa sababu ya tsi ya atu angu ambayo i tele miya. Sononekani kpwa sababu ya nyumba zenye raha kpwenye mudzi wenye raha wa Jerusalemu.

Isaya 16:10

Raha na njerejere za mavuno zikauswa, taphana aimbaye mo mindani. Takuna anayeminya zabibu himo mtengezwamo uchi, njerejere nkazisisa.

Isaya 9:19

Tsukizi za Mwenyezi Mlungu, Mlungu wa majeshi zinaocha tsi na atu anakala avi ni kuni za hinyo moho. Atu anagalukirana enye kpwa enye

Isaya 8:22

na hipha duniani ela andaona shida tuphu na jiza, tabu sana na chilungulungu cha jiza.

Misemo 31:6

Muphe uchi mutu ambaye ana shida nyinji mphirikire uchi mutu ambaye ana sonono ya moyo.

Zaburi 144:14

ngʼombe zehu zitsukule mizigo miziho chiyovunwa. Husivamiywe ni adui na kuvundzirwa kuta zehu, husitsamizwe kpwa lazima wala husikale na chiriro cha sonono!

Jeremia 14:2

“Tsi ya Juda ina chiriro na maryangoge gakarejera. Atue anasononeka pho photsi, na chiriro cha Jerusalemu chikafika dzulu.

Jeremia 46:12

Mataifa ganjina gakasikira uchivyotiywa waibu, atu osi duniani akasikira chirirocho mana asikari mmwenga andakpwala wanjina, osi andagbwa phamwenga.”

Joeli 1:12

Mizabibu ikauma mitini nayo ikanyala. Mikomamanga, mitende na mitofaa yani mihi yosi ya mundani yasira kuuma. Nao atu taana raha tsona.

Isaya 32:10

Mwimwi achetu munadziona mu salama ela ndani ya mwaka mmwenga mundakakama, mana minda ya mizabibu indafusa, na tamundavuna matunda gogosi.