Isaya 2:5 - Digo Bible

⁵ Mwi atu a nyumba ya Jakobo, ndzoni, nahunyendekeni kpwenye mwanga wa Mwenyezi Mlungu.

Isaya 2:5 Referans Kwoze

Aefeso 5:8

Kare mwimwi kala mu jizani, ela hangu mkale afuasi a Jesu, mu mwangani.

1 Johana 1:7

Ela huchisagala mwangani, dza vivyo iye arivyo mwangani, hundakala na umwenga swiswi enye na enye. Nao mlatso wa mwanawe Jesu uriomwagika ariphokotwa misumari msalabani undahuusira dambi zosi.

Luka 1:79

Undaangʼarira atu ario jizani, ambaro ni dalili ya chifo, na undahuelekeza maisha ga salama.”

1 Johana 1:5

Jesu wahuambira maneno higa, naswi hunakumanyisani kukala Mlungu ni mwanga, wala kpwakpwe takuna jiza rorosi.

Isaya 58:1

“Piga kululu, usiriche. Piga kululu dza tarumbeta. Atangazire atu angu makosa gao, na uambire atu a nyumba ya Jakobo dambi zao.

Isaya 2:3

Atu anji andakpwedza aambe, “Ndzoni huambuke mwango wa Mwenyezi Mlungu, huphiye nyumba ya Mlungu wa Jakobo ili ahufundze njiraze naswi huhende gara alondago.” Mana Shariya indala Sayuni na Neno ra Mwenyezi Mlungu rindala Jerusalemu.

Zaburi 89:15

Baha atu ariodzifundza kukutogola na mawira, anyendekao kpwenye mwanga wa unonoo, ee Mwenyezi Mlungu.

Zaburi 36:10

Enderera kuamendza hinyo anaokumanya, na kuativya ario na mioyo swafi.

Zaburi 89:16

Atu ahamirwao ni dzinaro dii yosi na kukutogola kpwa haki uriyo nayo.