Isaya 19:12 - Digo Bible

¹² Vino a phaphi nyo atuo enye ikima? Haya naakuambire mambo ambago Mwenyezi Mlungu, Mlungu wa majeshi akapanga chinyume cha Misiri.

Isaya 19:12 Referans Kwoze

1 Akorintho 1:20

Kpwa hivyo huambedze kuhusu hara ambao ni alachu? Tsona huambedze kuhusu hara ambao anadziamba anamanya sana shariya za Chiyahudi, au atu a wakati hinyu ambao ni alachu a kugomba? Mlungu wahuonyesa kukala atu ambao ni alachu kulengana na ikima ya dunia hino ni ajinga kpweli.

Arumi 9:17

Mana Mlungu wamuamba Farao hivi, “Nákuricha moyo makusudi nikuhumire uwe kuonyesa atu uwezo wangu, ili dzina rangu ritangazwe dunia ndzima.”

Jeremia 2:28

Kpwani yo milungu yenu mriyoitengeza enye i kuphi? Iricheni iunuke napho inaweza kukutivyani wakati wa shida! Mana dza vyo midzi yenu irivyo minji ndivyo milungu yenu, mwimwi atu a Juda.

Isaya 44:7

Ni ani ariye dza mimi? Naagombe na aike wazi mambo garigohendeka hangu niriphoimarisha atu angu pho kare, naagombe mambo ndigokala siku zedzazo.

Isaya 14:24

Mwenyezi Mlungu, Mlungu wa majeshi akaapa hivi, “Manyani kukala indakala dza nchivyokusudiya, indatimiya kama nchivyopanga.

Isaya 5:21

Shaka hiro kpwa hinyo adzionao ana ikima, aho adzionao ni erevu.

Aamuli 9:38

Ndipho Zebuli achimuamba Gaali, “Kudzikaryako kuphaphi vino, uwe yeamba, ‘Abimeleki ni ani hata humuhumikire?’ Higa ni go majeshi urigogabera. Tuluka vivi sambi ukapigane nago.”

Obadiya 1:8

“Mwenyezi Mlungu anaamba, Siku iyo nindabananga-bananga enye ikima osi a Edomu atu enye ufahamu kahi ya milima ya Esau.