Isaya 17:2 - Digo Bible

² Midzi inayozunguluka Aroeri indakala wekee bila atu nayo indakala weru wa kurisa vyaa vya mangʼondzi na taphana ndiyegaogofyera.

Isaya 17:2 Referans Kwoze

Ezekieli 25:5

Nindauhenda mudzi wa Raba ukale weru wa kurisa ngamia na tsi yosi ya Amoni ikale vyaa vya mangʼondzi na mbuzi. Ndipho mundamanya kukala mimi, ndimi Mwenyezi Mlungu.

Jeremia 7:33

Zo nyufu za atu aha zindakala chakurya cha nyama a mapha na nyama a tsakani, napho taphandakala na mutu wa kuashinga.

Zefania 2:6

Tsi yenu ya pwani indahendwa weru wa kurisa na kudzengbwa vibanda vya arisa na vyaa vya mangʼondzi na mbuzi.

Mika 4:4

Ela chila mmwenga andasagala tsini ya mzabibuwe na muhiwe wa mtini, na takuna ndiyeaogofyera, mana Mwenyezi Mlungu, Mlungu wa majeshi akagomba.

Kumbukumbu 2:36

Kuandzira Aroeri, mudzi urio kanda-kanda ya Dete ra Arinoni, hura mudzi wanjina urio kpwenye dete hiri na eneo rosi hadi tsi ya Giliadi, taphana mudzi wowosi ambao tahuyaweza kuuturya. Mwenyezi Mlungu watiya midzi yosi mwehu mikononi.

Isabu 32:34

Atu a Gadi achidzenga tsona midzi ya Diboni, Atarothi, Aroeri,

Jeremia 48:19

Imani kanda-kanda ya njira muone, mwi msagalao Aroeri! Muuzeni ye mlume azolaye na mchetu achimbiraye; auzeni, ‘Kukahendekani?’

Kumbukumbu 3:12

Huriphoihala tsi hiyo, nchiapha mbari ya Rubini na Gadi seemu ya kuandzira uphande wa vurini wa Aroeri phephi na Dete ra Arinoni hadi nusu ya seemu za myango za Giliadi, phamwenga na midziye.

Isaya 7:21

Siku iyo mutu andafuga mwana ngʼombe mmwenga na mangʼondzi mairi.

Isaya 5:17

Alafu ana ngʼondzi andarisa avi ni phao marisani, ndama na ana mbuzi andarisa magandzoni.

Joshuwa 13:16

yaandzira Aroeri kanda-kanda ya Dete ra Arinoni na mudzi uriokala kahi-kahi ya dete hiro phamwenga na tsi yosi ya kugbwa ya Medeba.

Ayubu 11:19

Uwe undalala na taphana ndiye kuondosa, na anji andakuendza uaterye.

Isaya 7:22

Ela andaphaha maziya manji hata akale na maziya ga mtindi, mana chila ndiyesala kpwenye tsi andanwa maziya ga mtindi na asali.

Isaya 27:10

Mudzi uriozungulusirwa ngome ukakala gandzo, undatsamwa na kurichwa dza jangbwa, hiko ndiko ambako ngʼombe zindarisa na kutindizha.

Ezekieli 39:26

Andayala waibu wao na vira ambavyo taakarire aaminifu kpwangu ndiphokala asegere salama kpwenye tsi yao bila ya kuyugbwa ni yeyesi.

Joshuwa 13:25

yakala Jazeri, midzi yosi ya Giliadi na nusu ya tsi ya Aamoni hadi Aroeri iriyo mlairo wa dzuwa wa Raba,