Isaya 16:3 - Digo Bible

³ Hupheni ushauri, amulani. Dzagbwe ni saa sita za mutsi, vihendeni vivuri-vuri vyenu vikale dza usiku. Afwitseni hinyo ariozolwa na msisalate achimbizi.

Isaya 16:3 Referans Kwoze

Isaya 32:2

Chila mmwenga wao andakala dza phatu pha kudzifwitsa pha kudzichinga na phuto kali, dza chidzuho cha madzi hiko jangbwani na dza pepho ya mwamba mkpwulu wakati wa dzuwa ngerengere kpwenye tsi isiyomera chitu.

1 Afalume 18:4

na wakati Jezebeli ariphoaolaga manabii a Mwenyezi Mlungu, Obadiya wahala manabii gana mwenga, achiafwitsa mirongo mitsano-mitsano ndani ya pango na kala achiaphirikira chakurya na madzi.

Aeburania 13:2

Tsona musiriche kukaribisha ajenio osi mwenu madzumbani, mana anjina ariohenda hivyo akaribisha malaika bila kumanya.

Mathayo 25:35

Mana nákala na ndzala namwi mchinipha chakurya, nákala na chiru namwi mchinipha madzi ga kunwa, nákala mjeni namwi mchinikaribisha.

Zakariya 7:9

“Mwenyezi Mlungu, Mlungu wa majeshi anaamba hivi, ‘Lavyani uamuli wa haki, muonerane mbazi na mmendzane.

Danieli 4:27

Kpwa hivyo uwe mfalume, phundza ushauri wangu. Richa kuhenda dambi na uhende haki. Richa makosago kpwa kuonera mbazi aonerwao, mendzerepho siku za kuongokerwako, nkuenjerezwa.”

Jeremia 22:3

Mwenyezi Mlungu anaamba kukala muhende ga haki na garigo sawa. Mteryeni achiyetiywa mikononi mwa atu ayi achiomuiyira malize. Musiahendere mai ajeni, anachiya na magungu wala msimwage mlatso wa mutu asiye na makosa kahi ya tsi ihi.

Jeremia 21:12

mwi atu a nyumba ya Daudi! Mwenyezi Mlungu anaamba hivi: Lavyani uamuli wa haki ligundzu, okolani iye achiyefutwa kpwa nguvu, kula mikononi mwa iye amuoneraye. Bila ya hivyo tsukizi zangu zindatuluka dza moho ambao tauweza kuzimwa, kpwa sababu ya mahendo genu mai.’

Isaya 56:8

Mwenyezi Mlungu akusanyaye Aiziraeli ariotsamizwa kpwa lazima anaamba, “Nindamkusanyira anjina, mbali na aho ambao akusanywa kare.”

Isaya 25:4

Mana ukakala ngome ya agayi, ngome ya hiye anayehitaji wakati wa hajaye. Phatu pha kuchimbirira wakati wa tabu; pepho wakati wa dzuwa kali mana pumuzi ya hinyo atishao ni dza phuto ripigaro ukuta,

Isaya 9:6

Mana mwana akavyalwa kpwa sababu yehu, hukahewa mwana mlume, ambaye andakala mtawala wehu. Dzinare andaihwa, Mshauri wa ajabu, Mlungu mwenye nguvu, Baba wa kare ta kare, Mfalume wa Amani.

Isaya 1:17

Dzifundzeni kuhenda garigo sawa, hakikishani haki inahendwa, teryani atu aonerwao kanirani anachiya, na mkanire magungu.”

Aamuli 9:15

Nao muhi wa miya uchijibu hira mihi uchiamba, ‘Ichikala kpweli mnalonda nikale mtawala wenu, ndzoni msagale tsini ya chivurivuri changu. Ela ichikala tamlonda kuhenda hivyo, phahi moho nautuluke kula mwangu miyani ukaoche mierezi ya Lebanoni.’ ”

Isaya 58:7

Ni kuganya chakurya chenu na ario na ndzala, na kuapha makalo achiya asio na makalo. Kumupha nguwo mutu ariye chitsaha, na kusaricha kumterya mduguo.