Isaya 16:12 - Digo Bible

¹² Hinyo Amoabu anaphoambuka kuphiya phatu pha dzulu pha ibada anadziremweza. Anaphophiya mizukani kpwendavoya piya tavindaokola bii.

Isaya 16:12 Referans Kwoze

Isaya 15:2

Atu a Diboni akaambuka kuphiya mwatu mwa dzulu mwa ibada kpwendarira Amoabu anaririra myango ya Nebo na Medeba. Osi akanyolwa viphala na kunyolwa vyeru vyao tsetsetse.

Jeremia 48:35

Mwenyezi Mlungu anaamba, Nindakomesa, iye alavyaye sadaka mwatu mwa dzulu mwa ibada na kufukizira uvumba milunguye, ko Moabu.

1 Afalume 18:29

Aenderera hivyo mutsi wosi hadi wakati wa kulavya sadaka ya dziloni. Ela takuyakala na sauti wala ariyeajibu wala ariyeajali.

Isabu 23:28

Phahi Balaki achimuhala Balaamu na achiphiya naye hadi dzulu ya mwango wa Peori, phatu ambapho uchikala dzuluze unaweza kuona ro jangbwa.

Isabu 23:14

Phahi Balaki achimuhala Balaamu achimphirika hadi weru wa Sofimu, dzulu ya mwango wa Pisiga. Hipho achidzenga mwatu sabaa mwa kulavira sadaka, na achilavya sadaka ya ndzau mwenga na turume mwenga dzulu ya chila phatu pha kulavira sadaka.

Isabu 22:39

Phahi Balaamu achiphiya phamwenga na Balaki hadi Kiriathi-Husothi.

Jeremia 48:46

Shaka hiro we Moabu! Atu a Kemoshi akaangamizwa; mana ana enu a chilume na a chichetu akatekpwa.

Jeremia 48:13

Atu a Moabu andagbwirwa ni waibu kpwa sababu ya mlungu Kemoshi, dza nyumba ya Iziraeli irivyophahwa ni waibu ariphokuluphira chizuka chokala Betheli.

Jeremia 48:7

Kpwa kukala mwakuluphira mahendo genu na utajiri wenu, mwimwi namwi mundahalwa mateka; na mlungu wenu aihwaye Kemoshi andatsamizwa kpwa lazima phamwenga na manabiige na maofisaage.

Jeremia 10:5

Vizuka vyao ni dza dzogofyo kpwenye munda wa madzungu, vinyemere zii, chisha vihenda tsukulwa, mana taviweza kunyendeka. Msiviogophe mana taviweza kukuhenderani mambo mai wala kuhenda utu wowosi mnono.”

Isaya 47:13

Ukaremwezwa ni ashauri anji urioaphaha. Haya vivi ariche hinyo ajuzi a nyenyezi atabirio chila mwezi, edze mbere akutivye na gago ndigokuphaha.

Isaya 37:38

Siku mwenga wakati Senakeribu ariphokala anaabudu ndani ya nyumba ya Nisiroki mlunguwe, anae airi, Adirameleki na Sharezeri amuolaga kpwa upanga, halafu achimbira achiphiya tsi ya Ararati. Halafu mwanawe Esarihadoni achitawala badalaye.

Isaya 26:16

Mwenyezi Mlungu, atuo ariphokala anagaya kpwa sababu unaatiya adabu, akuvoya sana.

Misemo 1:28

ndipho ndiphoniiha ela sindaihika, mundaniendza kpwa chadi ela tamundaniphaha.

2 Afalume 19:12

Dze, yo milungu ya mataifa goangamizwa ni ano baba, yani Gozani, Harani, Resefu na atu a Edeni asagalao mudzi uihwao Telasari yaweza kugativya?

2 Afalume 3:27

Hipho achimuhala mwanawe wa kpwandza ambaye angekala mfalume badalaye, achimlavya kukala sadaka ya kuochwa dzulu ya ukuta wa mudzi. Atu a Iziraeli ariphoona higo, atsukirwa sana. Phahi auricha mudzi hura na achiuya kpwao.

1 Afalume 11:7

Selemani wadzenga phatu pha dzulu pha kumlavira kafara Kemoshi, mlungu wa Amoabu yekala ni tsukizo na phatu pha dzulu pha kumlavira kafara Moleki, mlungu wa Aamoni yekala ni tsukizo, ko dzulu ya mwango urio uphande wa mlairo wa dzuwa wa Jerusalemu.

Isabu 24:17

Nrigoona kpwenye ruwiya tagadzangbwetimiya. Ela siku mwenga kundatsembuka mfalume dza nyenyezi, kula kpwa Jakobo, fwimbo ya utawala hiko Iziraeli. Iye andakuolagani mwimwi Amoabu, na kuangamiza atu osi a Sethi.

Isabu 22:41

Ligundzure Balaki waambuka na Balaamu hadi Bamothi-Baali. Kula kuko Balaamu achiweza kuona seemu ya Aiziraeli.

Isabu 21:28

Mana kpwaaka moho kula Heshiboni, moho kula mudzi wa Sihoni. Uchiocha Ari, mudzi wa Moabu, na uchiangamiza vilongozi a vidzango vyokala kanda-kanda ya muho Arinoni.

Isaya 16:13

Huno ndio ujumbe ambao Mwenyezi Mlungu walavya hipho kare kuhusu Moabu.