Isaya 11:11 - Digo Bible

¹¹ Siku iyo Mwenyezi Mlungu andagolosa mkpwonowe aauyize hinyo atue achache ariosala. Atu ndiosala kula Ashuru, Misiri, Pathirosi, Kushi, Elamu, Shinari, Hamathi na kula visuwani na pwani za kure.

Isaya 11:11 Referans Kwoze

Mika 7:12

Wakati hinyo atu andakpwedza kpwako uwe Jerusalemu, kpwa uphande wa mlairo wa dzuwa, andala Ashuru na muho Yufurati, na uphande wa mwakani, andala Misiri, na kula bahari hadi bahari, na kula mwango hadi mwango.

Arumi 11:26

Na taifa rosi ra Iziraeli rindaokolwa. Na gaga ganagbwa sawa na Mlungu arivyogomba, kukala: “Muokoli andala Sayuni, na andahenda chivyazi cha Jakobo ariche kumrema Mlungu.

Isaya 10:20

Siku ziredza ambapho Aiziraeli ariosala, yani atu a chivyazi cha Jakobo taandaadamira tsona taifa ririroatiya adabu. Ela andamkuluphira chikpweli-kpweli Mwenyezi Mlungu, Mtakatifu wa Iziraeli.

Hosea 11:11

Andauya kuno anakakama dza nyama wa mapha kula Misiri, na dza njiya kula tsi ya Ashuru. Mimi ndaauyiza mwao midzini mimi Mwenyezi Mlungu nkaamba.

Isaya 66:19

“Nindaika ishara yangu kahi-kahi yao, chisha nindahuma anjina aho ariotiya kula mataifa gaga aphiye Tarishishi, Puli na Ludi (anajeshi ahumirao maha) na Tubali na Javani, na visuwa vya kure ambavyo tavidzangbwesikira togo zangu au kuona nguma yangu. Nao andatangaza nguma yangu kahi ya mataifa.

Isaya 42:4

Iye kandaremwa wala kufwa moyo hadi ndiphoimarisha uamuli wa haki duniani, visuwa vindakuluphira shariyaze.

Isaya 24:15

Mwi atu a mlairo wa dzuwa mtogoleni Mwenyezi Mlungu, murio kanda-kanda ya pwani togolani nguma ya Mwenyezi Mlungu, Mlungu wa Iziraeli.

Isaya 10:9

Akateka kare midzi ya Kalino, Karikemishi, Hamathi, Aripadi, Samariya na Damasikasi.

Mwandzo 11:2

Atu ariphokala anatsama uphande wa mlairo wa dzuwa, afika tsi ya kugbwa hiko Shinari na achisagala kuko.

Mwandzo 10:22

Ana a Shemu kala ni Elamu, Ashuru, Arifakisadi, Ludi na Aramu.

Mwandzo 10:10

Ufalumewe waandza na midzi ya Babeli, Ereku, Akadi na Kaline, iriyokala tsi ya Shinari.

2 Akorintho 3:16

Ela mutu amgalukirapho Bwana, achilize nkufwenulwa.

Arumi 11:15

Ayahudi ariphomrema Jesu, Mlungu naye waarema na achigbwirana na atu asio kala Ayahudi. Hipho Mlungu ndiphoakubali Ayahudi tsona, indakala avi atu a kufwa akafufulwa!

Zakariya 9:2

Piya anamanyirira tsi ya Hamathi yophakana na tsi ya Hadiraki, na kumanyirira midzi ya Tiro na Sidoni, mana atu a kuko ni enye ikima nyinji.

Zakariya 5:11

Achinijibu achiniamba, “Anariphirika tsi ya Babeli akaridzengere nyumba ya ibada. Yo nyumba ndiphokamilika andaika ro bweko mumo.”

Zefania 2:11

Mwenyezi Mlungu andaaogofyera, mana andabananga-bananga milungu yosi kpwenye yo tsi, na atu a pwani zosi andamsujudiya kuko kpwenye tsi zao.

Hosea 1:11

Atu a Juda na a Iziraeli andaungana atsambule chilongozi mmwenga; nao andaenjerezeka na kuongokerwa kahi ya tsi yao kpwa kukala yo siku ya Jeziriili indakala siku kulu.”

Danieli 11:18

Chisha andagalukira tsi za pwani, na nyinji andaziteka. Ela mkpwulu wa jeshi ra chijeni andakomesa ko kudzikaryakpwe na amuhende ye mfalume wa vurini auye kpwao kpwa waibu.

Danieli 8:2

Mo ruwiyani, nádziona ni ngome ya Susa, iriyo jimbo ra Elamu, nami kala ni kanda-kanda ya muho Ulai.

Ezekieli 30:14

Nami ndahenda tsi ya Pathirosi ikale gandzo mudzi wa Soani niutiye moho, na nitiye adabu mudzi wa No.

Ezekieli 27:6

Akutengezera makafi kuhumira mbao za mialoni kula Bashani na achikutengezera seemu ya dzulu ya kusagala mo melini kuhumira mbao za miteashuru kula pwani ya Kupuro. Mbao hizo zapambwa na pembe za ndzovu.

Jeremia 49:23

Kuhusu Damasikasi. “Atu a midzi ya Hamathi na Aripadi akaangalala, mana akasikira habari mbii. Anakakamwa ni miri kpwa wuoga, akayugika dza bahari ambayo taihurira.

Jeremia 44:1

Hiri ndiro neno ambaro Mwenyezi Mlungu wamuambira Jeremia kuhusu Ayahudi osi ariokala anasagala Misiri, haswa midzi ya Migidoli, Tapanesi, Memufisi na tsi ya Pathirosi.

Jeremia 31:10

Phundzani neno ra Mwenyezi Mlungu aambavyo mwi mataifa, naritangazwe tsi za kure za pwani, amba, “Iye ariyetsamula Aiziraeli andaakusanya,” naye andaaroroma dza mrisa aroromavyo mangʼondzige.

Jeremia 25:25

afalume osi a Zimuri, Elamu na Medi;

Isaya 45:14

Mwenyezi Mlungu anaamba hivi, “Utajiri wa Misiri na vitu vya kula Kushi vindakala vyako, nao Aseba, atu ario are, andakulunga, nao andakala ako, andakulunga kuno akafungbwa silisili. Andakusujudiya na akuvoye aambe, ‘Kpwa kpweli Mlungu a phamwenga nawe, na takuna Mlungu wanjina.’

Isaya 42:12

Naamuphe Mwenyezi Mlungu utukufu, na atangaze ngumaze visuwani.

Isaya 42:10

Muimbireni Mwenyezi Mlungu wira muphya, mtogoleni kpwa mawira duniani kosi. Mtogoleni kpwa mawira mwimwi muphiyao baharini. Mtogoleni mwimwi viumbe vyosi vya bahari, visuwa na osi asagalao mumo.

Isaya 11:16

Kundakala na barabara kulu kula Ashuru kpwa ajili ya atue ariosala dza viratu irivyokala wakati Aiziraeli ariphola Misiri.

Zaburi 68:22

Mwenyezi Mlungu waamba, “Nindauyiza maadui kula Bashani, nindaauyiza kula vivwa vya bahari.

Mwandzo 14:1

Wakati uho, Amurafeli mfalume wa Shinari, Arioko mfalume wa Elasari, Kedorilaoma mfalume wa Elamu na Tidali mfalume wa Goimu,

Esta 10:1

Sambi mfalume Ahasuero watoza atu kodi ya lazima. Wahenda hivi kpwenye tsi za bara, pwani na hata visuwani.

Isaya 1:9

Napho Mwenyezi Mlungu, Mlungu wa majeshi, kahusazirire moyo atu achache hungekala dza atu a Sodoma yani hungeigana na atu a Gomora.

Isaya 19:21

Mwenyezi Mlungu andadzionyesa kpwa Amisiri, nao andakubali mamlakage. Andalavya sadaka za kuochwa na sadaka zanjina. Andaika naziri kpwa Mwenyezi Mlungu na aziuse.

Isaya 19:22

Mwenyezi Mlungu andaipiga Misiri, alafu aiphoze. Nao andagaluka kumlola iye, naye andaphundza mavoyo gao na aaphoze.

Isaya 37:31

Hinyo atu ariosala a nyumba ya Juda, andakala dza mihi imerayo mizi tsini, na kuvyala matunda.

Ezekieli 29:14

Nami nindaauyizira kuongokerwa kpwao na niauyize tsi ya Pathirosi iriyo mwakani mwa Misiri, tsi arikovyalwa na kuko andakala na ufalume wa hali ya tsini.

Ezekieli 32:24

“Atu a Elamu a kuko, mbira ya mfalume wao ikazungulukpwa ni mbira za jeshire kulu, hara arioolagbwa na upanga. Aho ariotishira atu a tsi ya ario moyo, afwa bila kutiywa tsatsani achitserera kuko. Agbwirwa ni waibu phamwenga na nyo atsererao mbirani.

Ezekieli 38:8

Bada ya miaka minji ndakulagiza ukavamie tsi ambayo ikahurira bada ya viha, ambayo atue naakusanya na nchiauyiza kula mataifa ganjina manji nao achisagala bila ya chiwewe cha viha. Uwe undavamia myango ya Iziraeli, ambayo kala ni magandzo bila ya atu kpwa muda mure, ela kuko atu anaishi kpwa usalama.

Danieli 1:2

Phahi Mwenyezi Mlungu wamtiya mfalume Jehoyakimu mikononi mwa Nebukadineza phamwenga na seemu ya miyo ya nyumba ya kuvoya Mlungu. Naye achiitsukula hadi tsi ya Shinari, achendayiinjiza phatu pha kuikira hazina kpwenye nyumba ya mlunguwe.

Mwandzo 2:13

Muho wa phiri unaihwa Gihoni; unazunguluka tsi yosi ya Kushi.

Kumbukumbu 9:29

Mana, hinya ni atuo na urisio, atu ambao waakombola kpwa uwezoo, atu urioatuluza we mwenye Misiri.’ ”

2 Afalume 17:24

Tsona mfalume wa Ashuru wareha atu kula Babeli, Kutha, Ava, Hamathi na Sefarivaimu na kuaika midzi ya Samariya phatu pha atu a Iziraeli ariotsamizwa. Aihala midzi iyo na achikala himo.

Isaya 21:2

Nkaonyeswa ruwiya ya kuogofya: Wa kusalata anasalata, wa kubananga anabananga. Ambuka uwe tsi ya Elamu, zangira uwe Umedi! Ndasisa kuula kosi arikosababisha.

Isaya 22:6

Anajeshi kula Elamu akagbwiririra maryaka na ana magari ga viha na anajeshi akuhumira farasi. Na jeshi ra Kiri ritayari na ngaoze.

Isaya 49:12

Lola, andakpwedza kula kure, anjina andatuluka kula vurini, anjina kula mtswerero wa dzuwa na anjina kula seemu ya Sinimu.

Hosea 11:10

Andamlunga Mwenyezi Mlungu, iye andanguruma dza simba, na angurumapho anae andakpwedza kula mtswerero wa dzuwa kuno anakakama.

Zakariya 8:7

Mwenyezi Mlungu, Mlungu wa majeshi waenderera kuamba hivi, ‘Ni phephi nitivye atu angu kula tsi za mlairo wa dzuwa na mtswerero wa dzuwa,