Isaya 10:4 - Digo Bible

⁴ Mundahalwa mateka, au mufwe vihani. Na bado Mwenyezi Mlungu andakala achere na tsukizi, na andaenderera kuitiya adabu Iziraeli.

Isaya 10:4 Referans Kwoze

Isaya 5:25

Kpwa hivyo Mwenyezi Mlungu watsukizwa ni atue, achigolosa mkpwonowe achiapiga na kuabwaga. Myango yasumba na nyufu zao zichikala dza uchafu barabarani. Hata bada ya higa gosi, tsukizize tazidzangbwedigirika na mkpwonowe uchere goloka chinyume chao.

Jeremia 37:10

Na hata mchiturya jeshi rosi ra Babeli munaropigana naro hata asale achiolumizwa bahi mwao mahemani, aho andaunuka edze aoche mudzi uhu.’ ”

Isaya 9:12

Wahuma Aaramu kula mlairo wa dzuwa na Afilisti kula mtswerero wa dzuwa achedzashambuliya Iziraeli na kuimiza yosi, na bado Mwenyezi Mlungu achere na tsukizi, na andaenderera kuitiya adabu Iziraeli.

Kumbukumbu 32:30

Mutu mmwenga anawezadze kuaturya atu elufu mwenga, na atu airi akaweza kuzoresa atu elufu kumi, isiphokala Mwamba wao ukale ukaaguza, isiphokala Mwenyezi Mlungu akale akaarichira tsari?

Hosea 9:12

Hata akarera anache, chisha mino ndaaolaga osi. Shaka rao, pho ndiphoaricha.

Isaya 66:16

Mana kpwa moho na upangawe, Mwenyezi Mlungu andalavya uamuli chinyume cha atu osi, nao anji ni hara ndioolagbwa ni Mwenyezi Mlungu.

Isaya 34:3

Nyufu zao zindarichwa bila kuzikpwa. Zindaola na zinuke lovu. Myango indalwamiswa ni milatso yao.

Isaya 24:22

Andaikpwa phamwenga dibwani dza mabusu, alafu atiywe jela kpwa muda wa kukola, ndipho atiywe adabu.

Isaya 22:2

Mwimwi murio na hoyo, mudzi wa amani, mudzi wenye furaha. Atuo ariofwa taayaolagbwa na upanga wala taafwere vihani.

Isaya 9:21

Mbari ya Manase na ya Efuraimu zashambuliyana alafu zichiungana na kuvamia Juda. Ela bada ya higo gosi Mwenyezi Mlungu bado akaatsukirirwa na andaenderera kuatiya adabu Aiziraeli.

Isaya 9:17

Kpwa hivyo Mwenyezi Mlungu kahamirwa ni barobaro aho wala kaaonera mbazi anachiya na magungu, mana osi taamendze Mlungu na akakala ayi, osi anagomba mai. Na bado Mlungu akatsukirwa na mkpwonowe u tayari kuatiya adabu.

Alawi 26:17

Nindakulozerani kogo ili mpigbwe ni maadui genu. Hara anaokutsukirirwani andakutawalani namwi mundachimbira kpwa wuoga hata napho taphana anayekuzoresani.

Jeremia 4:8

Kpwa hivyo vwalani magunia, sononekani na mrire, mana tsukizi siru za Mwenyezi Mlungu tazidzangbwehuukira.”

Isaya 9:11

Mwenyezi Mlungu akaatiya nguvu aviha a Resini akale chinyume cha Iziraeli akagafyakatsira maadui gao.

Isaya 9:16

Hinyo anaolongoza hinya atu anaalongoza chimakosa na anaolongozwa anakosera njira.

Isaya 9:20

dza nyama a tsakani avamiavyo na kurya chila ariye phephi hata napho ni mdugu, ela bado taatosheka.

Jeremia 15:2

Na ndiphokuuzani kuamba, ‘Swino huphiyephi?’ mundaambira, Mwenyezi Mlungu anaamba hivi, Aho achiopangirwa kufwa, andafwa, na nyo ndioolagbwa na upanga, andaolagbwa na upanga. Na ndioolagbwa ni ndzala, andaolagbwa ni ndzala, na ndiohalwa mateka, andahalwa.