Isaya 10:12 - Digo Bible

¹² Mwenyezi Mlungu anaamba, ndiphomala kuhenda achigopanga kuhendera Jerusalemu na Mwango wa Sayuni, andamtiya adabu mfalume wa Ashuru kpwa vira arivyo na ngulu na kudzikarya.

Isaya 10:12 Referans Kwoze

2 Afalume 19:31

Mana ko Jerusalemu, kundatuluka atu ndiosala, na kula mwango wa Sayuni, kundatuluka chikundi cha atu ndiotiya. Mendzwa nyinji ya Mwenyezi Mlungu, Mlungu wa majeshi, ndiye ndegahenda gaga.

Jeremia 50:18

Kpwa hivyo, Mwenyezi Mlungu, Mlungu wa majeshi, Mlungu wa Iziraeli anaamba, ‘Nindamtiya adabu mfalume wa Babeli na tsiiye, dza nrivyotiya adabu mfalume wa Ashuru.

Isaya 65:7

Ndakuriphizani makosa genu phamwenga na makosa ga akare enu,” Mwenyezi Mlungu anaamba. “Kpwa kukala mwafukiza uvumba myangoni chisha mchinikufuru ko vidzangoni, ndakuriphizani kulengana na mahendo genu ga kare.”

1 Petero 4:17

Wakati wa uamuli ukafika, na Mlungu andaandza na kuamula atue. Sambi ichikala uamuli undaandza na swiswi atue enye, dze nyo asiokubali neno ra Mlungu ela hukumu yao taindakala ya kutisha zaidi?

Mathayo 15:19

Mana moyoni mwa mutu, ndimo asili ya maazo mai, gamuhendago akaolaga, akahenda uzembe, udiya, wivi, ushaidi wa handzo, na lisengenyo.

Mathayo 12:33

Jesu achienderera kugomba, achiamba “Mchiroroma muhi vinono mundaphaha matunda manono, ela msiphouroroma vinono, mundaphaha matunda mai. Mana muhi nkumanyikana kpwa matundage.

Danieli 4:37

Vivi mimi Nebukadineza namtogola, namuunula na kumuishimu mfalume wa mlunguni, mana kazize zi sawa na njiraze ni za haki, na nyo adziunulao iye anaweza kuatsereza.

Ezekieli 31:14

Gosi higo ni kpwa sababu phasikale na muhi kanda-kanda ya muho ndiodziunula kpwa sababu ya chimoche, au chirereche chisifike mainguni. Kusikale na mihi yanjina iphahayo madzi vinono ndiyofika ure hinyo, mana yosi yapangirwa kufwa, iphiye tsini kahi ya anadamu afwao, phamwenga na nyo atsererao mbirani.

Ezekieli 31:10

“ ‘Kpwa hivyo Mwenyezi Mlungu anaamba hivi: Kpwa kukala wakala mure na kuika chirereche kahi ya maingu nao uchihenda ngulu kpwa chimoche,

Isaya 50:11

Ela mwimwi mosi muasao moho, na kudzitengezera silaha za vimwindi mchivyoviasa, humirani mwanga wa moho wenu na wa vimwindi vyenu mchivyoviasa. Ela Mwenyezi Mlungu andasababisha nyo myoho wenu ukuangamizeni.

Isaya 27:9

Kpwa njira ihi, uyi wa chivyazi cha Jakobo undatsuswa, vivi ndivyo dambize ndivyoswamehewa kabisa, andabananga-bananga mwatu mwa kulavira vizuka sadaka, na kusaga-saga mawe gosi ga mwatu himo hadi gakale chokaa, taphana viguzo vya Ashera au mwatu mwa kufukizira uvumba ndimosala.

Isaya 9:9

na osi hadi chila mmwenga kahi za Efuraimu na mudzi mkpwulu wa Samariya achikala anamanya. Ela akala a kudzikarya na visoto, nao achiamba,

Isaya 5:15

Atu andatserezwa na enye ngulu andahendwa anyenyekee.

Isaya 2:11

Mutu wa shobo andahendwa anyenyekee, na atu a ngulu andatserezwa. Mwenyezi Mlungu macheye ndiye ndiyetogolwa siku hiyo.

Misemo 30:13

Kuna atu a kudziunula, akubera chila achionacho!

Zaburi 76:10

Hakika tsukizizo chinyume cha anadamu zindahenda ulikpwe, na ndiosazwa ni tsi zizo andakuabudu wakati wa sikukuuzo.

Zaburi 21:10

Andaangamiza chivyazi chao duniani, ana aho taandasala kahi za anadamu.

Zaburi 18:27

Unaativya atu a pole, ela unaatsereza atu adziunulao.

Zaburi 76:5

Asikari masujaa akafutwa vitu vyao vyohala zewe, vino arere na kogo, taphana hata mmwenga wa nyo masujaa a viha, ariyeweza kuunula mkpwono.

Isaya 24:21

Wakati hinyo Mwenyezi Mlungu andatiya adabu vitu vyosi virivyo na uwezo ko mlunguni na afalume hipha duniani.

Isaya 27:7

Mwenyezi Mlungu kakaitiya Iziraeli adabu kali dza arivyotiya adabu maadui gao, wala kakaaolaga anji dza arivyoolaga maadui gao.

Isaya 29:14

Kpwa sababu iyo ndahenda tsona kazi ya kuangalaza kahi ya atu aha. Nindahenda kazi ya kuangalaza na vilinje. Ikima ya enye ikima indaangamika na kumanya kpwa atu a kpwao amanyao, kundafwitswa.”

Isaya 33:1

Shaka hiro uwe uriyebananga atu angu, kala kudzangbwebanangbwa, ela vivi undabanangbwa. Shaka hiro uwe uriyesalata atu angu, kala kudzangbwesalatwa, ela vivi undasalatwa. Ndiphomala kubananga na kusalata nawe undabanangbwa na usalatwe.

Isaya 37:23

Ukamnyetera na kumlaphiza ani? Ukamdemurira ani? Ni ani uchiyemlola na matso ga chibero? Ni iye Mtakatifu wa Iziraeli!

Isaya 37:29

Kpwa vira ukanitsukirirwa na nkasikira kudzikaryako, ndatiya chiloo changu mwako pulani na nkutiye lijamu mwako kanwani. Ndakuuyiza na yo njira uriyokpwedzera.’ ”

Jeremia 25:29

Mana lola, ninaandza kuuhenda mai mudzi uihwao kpwa dzina rangu, dze, ikale mudzi huno undaepuka kutiywa adabu? Taandaepuka bii, mana atu osi aishio duniani naatayarishira upanga, Mwenyezi Mlungu, Mlungu wa majeshi.’

Jeremia 50:32

Uwe mwenye ngulu, undakpwala na ugbwe, na taphana ndiyekuterya kuima. Nindaasa moho mo mwako midzini, nao undaocha osi akuzungulukao.

Isabu 24:24

Meli zindakpwedza kula Kupuro, nazo zindashambuliya Ashuru na Eberi, ela zizo nazo zindaangamizwa.”

Kumbukumbu 32:27

ela naogopha ngulu za maadui gao, sedze gakaamba kukala gakafwaulu kuaolaga, nami Mwenyezi Mlungu sikahenda chitu katika mambo higa!”

Misemo 21:4

Matso ga shobo na moyo wa ngulu na mambo mai, gosi higo ni dambi.

Isaya 2:12

Mana kundakala na siku ya Mwenyezi Mlungu, Mlungu wa majeshi chinyume cha atu enye ngulu na kudziunula na chinyume cha vyosi chivyounuka,

Danieli 11:45

Iye andachita mahemage makulu kahi-kahi ya bahari na nyo mwango mtakatifu urio mnono. Ela andaolagbwa kuko, mana taphana ndiyemterya.”