Isaya 1:10 - Digo Bible

¹⁰ Sikirani neno ra Mwenyezi Mlungu wehu mwi mtawalao Sodoma. Sikirani shariya za Mlungu wehu mwi atu a Gomora!

Isaya 1:10 Referans Kwoze

Maono 11:8

Na hizo nyufu zao zindarichwa barabara ya mudzi mkpwulu, ambako Bwana wao wakotwa misumari msalabani. Na mudzi hinyo kpwa chiroho ni dza mudzi wa Sodoma na tsi ya Misiri.

Ezekieli 16:49

Lola, makosa ga mwenenu mchetu Sodoma na anae achetu ni higa: Kudziunula na kusaterya achiya na akutsowa, dzagbwe kala akaongokerwa na kala ana chakurya chinji.

Amosi 9:7

“Dze, mwi kpwangu simwi dza Akushi, mwi atu a Iziraeli,” Mwenyezi Mlungu anaamba. “Dze, mino siyatuluza Aiziraeli kula tsi ya Misiri, na Afilisti kula Kafutori na Aaramu kula Kiri?

Ezekieli 16:46

Mvyereo mchetu kala ni Samariya, ariyesagala na anae achetu uphandeo wa vurini. Na mdideo mchetu kala ni Sodoma, ariyesagala na anae achetu uphandeo wa mwakani.

Jeremia 23:14

Ela kahi ya nyo manabii a Jerusalemu nkaona utu wa kutsukiza aho nkuzinga na kulunga njira za handzo; nkuungana mikono na ahendao mai, hata phasikale na mutu wa kurichana na kuhenda mai. Kpwangu osi ni dza atu a Sodoma, na atu a Jerusalemu ni ayi dza atu a Gomora.”

Isaya 3:9

Nyuso zao zinashuhudiya chinyume chao, mana anahenda dambi chingʼangʼa bila kufwitsa dza Sodoma. Shaka hiro! Mana akadzirehera enye uyi.

Kumbukumbu 32:32

Mana mzabibu wao ni mzabibu wa Sodoma, na ula minda ya Gomora. Zabibuze zina sumu, tsanaze zi utsungu.

Arumi 9:29

Ni dza viratu arivyotabiri nabii Isaya hipho kare, phoamba: “Kala Mwenyezi Mlungu, Mlungu wa majeshi kayahusazira chivyazi cha Aiziraeli, phahi hungekala hwasira dza atu a Sodoma na hungeigana na atu a Gomora.”

Amosi 3:8

Simba achinguruma, ni ani asiyeogopha? Mwenyezi Mlungu akaamba, ni ani ambaye kandatabiri?

Amosi 3:1

Phundzani ujumbe huno ambao Mwenyezi Mlungu akaugomba chinyume chenu mwi atu a Iziraeli, chinyume cha taifa rosi nrirorituluza kula tsi ya Misiri, nchiamba,

Jeremia 9:26

yani atu a Misiri, a Juda, a Edomu, a Amoni, a Moabu na osi asagalao tsi za kure za jangbwani. Kpwa mana mataifa gaga tagadzangbwetiywa tsatsani na hata yo nyumba yosi ya Iziraeli taadzangbwetiya tsatsa mioyo yao.”

Isaya 28:14

Phahi phundzani neno ra Mwenyezi Mlungu mwi atu a chibero mtawalao atu hinya asagalao Jerusalemu.

Isaya 8:20

Ela mwimwi gbwirani lagizo na fundzo ra Mlungu. Aho agombao higo taadzangbweona mwanga,

Mwandzo 13:13

Ela atu a Sodoma kala ni ayi, na akala anamuhendera Mwenyezi Mlungu dambi nyinji.

Isaya 30:9

Mana ni atu akaidi, asiolonda kusikira malagizo ga Mwenyezi Mlungu.

Isaya 33:22

Mwenyezi Mlungu ndiye muamuli wehu na mtawala wehu. Mwenyezi Mlungu ndiye mfalume wehu iye ndiye ndiyehutivya.

Ezekieli 13:2

“Mwanadamu, lavya unabii chinyume cha atu a Iziraeli anaotabiri, aambire hinyo atabirio kpwa kulunga maazo gao enye, ‘Risikireni neno ra Mwenyezi Mlungu!’

Mika 3:1

Alafu nchiamba, “Phundzani mwi vilongozi a Jakobo, mwimwi atawala a nyumba ya Iziraeli. Dze, simwi mlondwao kumanya haki?

Ezekieli 16:35

“ ‘Kpwa hivyo, uwe malaya, hega sikiro usikire vyo Mwenyezi Mlungu aambavyo.