Isabu 21:25 - Digo Bible

²⁵ Aiziraeli ateka midzi yosi ya Aamori hata Heshiboni na vidzidzivye vyosi na achisagala mumo.

Isabu 21:25 Referans Kwoze

Amosi 2:10

Mimi nákutuluzani kula tsi ya Misiri, nchikulongozani kutsupira jangbwani kpwa muda wa miaka mirongo mine, ili muimiliki tsi ya Aamori.

Ezekieli 16:53

“ ‘Nami nindauyizira Sodoma na anae achetu, Samariya na anae achetu phamwenga na uwe, kuongokerwa kpwenu,

Ezekieli 16:49

Lola, makosa ga mwenenu mchetu Sodoma na anae achetu ni higa: Kudziunula na kusaterya achiya na akutsowa, dzagbwe kala akaongokerwa na kala ana chakurya chinji.

Ezekieli 16:46

Mvyereo mchetu kala ni Samariya, ariyesagala na anae achetu uphandeo wa vurini. Na mdideo mchetu kala ni Sodoma, ariyesagala na anae achetu uphandeo wa mwakani.

Jeremia 48:45

Achimbizi andaendza urindzi ko Heshiboni nao akakosa mkpwotse mana moho ukatuluka ko Heshiboni. Chenje ya moho ila nyumbani mwa Sihoni; nayo ikaocha chilangu cha Moabu, tadzi ya ana a chilume a hinyo amendzao viha.

Jeremia 48:34

Kululu za chiriro chao zinasikirika kula Heshiboni hadi Eleale na Jahazi, kula Soari hadi Horonaimu na Egilathi-Shelishiya. Mana go madzi ga Nimurimu piya gakauma.

Jeremia 48:2

Tsi ya Moabu taindatogolwa tsona. Ko Heshiboni atu andaipangira njama mbii aambe, ‘Ndzoni hurikomese ro taifa!’ Mwi a koma namwi mundaolagbwa, upanga undakulungani.

Isaya 15:4

Atu a Heshiboni na Eleale anarira sana na sauti zao zinasikirwa hadi kufika Jahazi. Kpwa sababu iyo anajeshi a Moabu achiotsukula silaha anakota kululu kuno anakakama kpwa wuoga.

Wira wa Selemani 7:4

Singoyo yagoloka dza mnara wa pembe za ndzovu. Matsogo ganangʼala dza vidibwa vya madzi ga Heshiboni, virivyo kanda-kanda ya ryango riihwaro Bathi-Rabimu. Pulayo yaima dza mnara wa Lebanoni, mnara ulolao uphande wa Damasikasi.

Kumbukumbu 2:12

Hipho kare Ahori piya asagala hiko Seiri, ela atu a chivyazi cha Esau achiazola na kuaolaga. Halafu achisagala nyo enye seemu iyo dza arivyohenda Aiziraeli kpwenye tsi ariyohewa ni Mwenyezi Mlungu ikale mali yao).

Isabu 21:31

Phahi Aiziraeli asagala kahi ya tsi ya Aamori.

Isabu 21:26

Heshiboni wakala ni mudzi mkpwulu wa Sihoni, mfalume wa Aamori. Sihoni kala akapigana na mfalume mmwengawapho ariyetawala Moabu na achiihala tsiiye yosi hadi muho wa Arinoni.

Aamuli 11:26

Vivi sambi ni muda wa miaka magana mahahu hangu Aiziraeli asagale tsi ya Heshiboni na vidzidzivye, Aroeri na vidzidzivye na midzi yosi iriyo kanda-kanda ya muho Arinoni, kpwa nini tamyaikombola wakati hinyo?

Isabu 32:3

“Atarothi, Diboni, Jazeri, Nimura, Heshiboni, Eleale, Sebamu, Nebo na Beoni,

Joshuwa 24:8

Nákurehani hadi tsi ya Aamori ariosagala uphande wa phiri wa muho Joridani. Aho apigana namwi viha, nami nchikuhendani muaturye. Náangamiza mbere zenu na tsi yao mchiihala ichikala yenu.