Isabu 16:22 - Digo Bible

²² Ela Musa na Aruni adzibwaga chimabumabu achiamba, “Ee Mlungu, Mlungu uphaye viumbe vyosi pumuzi ya uhai, dze, ikale undatsukirirwa atu osi kpwa dambi ya mutu mmwenga?”

Isabu 16:22 Referans Kwoze

Isabu 27:16

“Nakuvoya Mwenyezi Mlungu, Mlungu uriye chandzo cha anadamu osi kukala moyo, utsambule mutu ndiyelongoza atu aha,

Zakariya 12:1

Ujumbe wa Mwenyezi Mlungu kuhusu tsi ya Iziraeli. Mwenyezi Mlungu ariyetandaza ko mlunguni, ariyeika misingi ya dunia na ariyeumba roho ya mwanadamu anaamba hivi,

Ayubu 12:10

Uzima wa chila chiumbe u mwakpwe mkpwononi, na mphuye wa anadamu osi.

Aeburania 12:9

Tsona hwakala na baba zehu a himu duniani ariohutiya adabu na bado huchiaishimu. Phahi hunalondwa humuishimu zaidi ye Baba wa roho zehu, ili hukale na uzima.

Muhubiri 12:7

Mana hipho ndipho vumbi rindauya mtsangani na roho imuuyire Mlungu ariyeiumba.

Arumi 5:18

Kpwa hivyo phahi, viratu atu osi vyoamulwa kpwa sababu ya kosa ra mutu mmwenga, vivyo hivyo atu osi anaphaha haki na kuhewa uzima kpwa kazi ya haki ya mutu mmwenga.

Isaya 57:16

Sindashindana na atu siku zosi, wala kukala na tsukizi za kpwenderera, mana nchihenda hivyo atu angu nrioaumba mwenye andavundzika mioyo sana.

2 Samueli 24:17

Daudi ariphomuona malaika ariyekala anaolaga atu kpwa kuarehera ukongo mui, wagomba na Mwenyezi Mlungu achiamba, “Lola, mimi ndimi niriyekosa, ni mimi niriyekosera. Ela gano mangʼondzi gakahendani? Phahi nitiya adabu mimi na nyumba ya baba.”

Isabu 16:45

“Dzitengeni na atu aha ili niaangamize mara mwenga.” Ela Musa na Aruni achidzibwaga chimabumabu.

Isabu 14:5

Chisha Musa na Aruni achidzibwaga chimabumabu mbere za Aiziraeli osi.

Mwandzo 18:32

Chisha Burahimu achiamba, “Usitsukirwe ee Mwenyezi Mlungu, navoya nigombe tsona limwenga. Dze, muchiphahikana atu kumi?” Naye achijibu achiamba, “Kpwa sababu ya nyo atu kumi, sindauangamiza.”

1 Akorintho 13:7

Mendzwa nkuvumirira gosi, na nkuamini gosi bila kukata tamaa. Na mendzwa nkpwenderera hata ichifikira wakati ambao mambo ni mafu.

2 Samueli 24:1

Mwenyezi Mlungu waatsukirirwa tsona Aiziraeli, na achimchenga-chenga Daudi akale chinyume chao. Achimuamba, “Phiya ukaaolange atu osi awezao kupiga viha a Iziraeli na a Juda.”

Isabu 16:4

Musa ariphogasikira maneno higo, wadzibwaga photsi chimabumabu.

Alawi 4:3

“Ichikala mlavyadzi-sadaka mkpwulu ndiye achiyehenda dambi hata akatiya atu makosani, phahi hiye andamlavira Mwenyezi Mlungu mwana ndzau asiyekala na chirema akale sadaka ya kuusa dambi.

Alawi 10:6

Alafu Musa achimuambira Aruni na anae, Eliazari na Ithamari, “Msidimule nyere zenu wala kukpwanyula nguwo zenu kpwa chiriro, la sivyo mundafwa na kuarehera Aiziraeli osi chivyamwenga tsukizi za Mwenyezi Mlungu. Ela ndugu zenu, yani nyumba yosi ya Iziraeli, anaweza kurira kpwa sababu ya moho hinyo Mwenyezi Mlungu achioreha.

Isabu 16:23

Mwenyezi Mlungu achigomba na Musa achimuamba,

Joshuwa 22:18

Mbona mkaricha kulunga ga Mlungu? Ichikala rero mundamuasi Mwenyezi Mlungu, muhondo andatsukirira kundi rosi ra Aiziraeli.

Jeremia 32:27

“Lola, mimi, ndimi Mwenyezi Mlungu, Mlungu wa anadamu osi. Ni utu wani nisiouweza?

Jeremia 38:16

Ndipho mfalume Zedekiya achimuapira Jeremia chisiri achimuamba, “Dza vyo Mwenyezi Mlungu aishivyo, iye anayehuhenda husohe, mimi sindakuolaga wala kukulavya kpwa nyo alondao kukuolaga.”

Ezekieli 18:4

Lola, uhai wa osi ario moyo ni wangu, uhai wa mwana na wa ise wosi ni wangu. Ye mutu ndiyehenda dambi ndiye ndiyefwa.

Zaburi 99:6

Musa na Aruni kala ni kahi za alavyadzie-sadaka, Samueli piya ni kahi za hara ariomvoya Mwenyezi Mlungu. Amririra Mwenyezi Mlungu naye achiajibu.