Hosea 9:7 - Digo Bible

⁷ Siku za kutiywa adabu zikatimu, siku za kuvuna urichophanda ikafika. Aiziraeli naagamanye gago. Nabii munamuona ni mzuzu, na mutu alongozwaye ni roho munamuamba ana koma. Kpwa sababu ya dambi zenu nyinji mkummena sana.

Hosea 9:7 Referans Kwoze

Mika 7:4

Hiye ariye mnono kahi yao ni dza muhi wa miya, na ye aambwaye ana chadi cha kuhenda garigo sawa ni mui kuriko chitsaka cha miya. Wakati wa kutiywa adabu ukafika, wakati uriohadzwa ni arindzio, yani manabii, vivi nyo atu a phephi na kutatizika.

2 Afalume 9:11

Jehu ariphouya kpwa atumishi a bwanawe, mmwenga wao wamuuza, “Kuna shida yoyosi? Hiyu mutu wa koma analondani?” Jehu waajibu achiamba, “Si munammanya hiyu mutu na go gakpwe agombago?”

Mariko 3:21

Atu a kpwao kaya ariphosikira, aphiya kpwendamuhala mana atu kala anaamba, “Ana koma!”

Ezekieli 13:3

Mwenyezi Mlungu anaamba, ‘Shaka hiro mwi manabii azuzu mlungao maazo genu enye wala tamuonere ruwiya yoyosi!

Sonono za Jeremia 2:14

Manabiigo gakakuonera ruwiya ya handzo na ya kuchenga, aho taayafwenula uyio ili akurekebishe, ela akakuonera ruwiya ya handzo na ya kuangamiza.

Jeremia 10:15

Tavina mana yoyosi, ni vitu vya kuberwa, wakati wa kutiywa adabu vindaangamika.

Isaya 10:3

Siku iredza ambayo Mlungu andakutiya adabu kali, anajeshi kula tsi za kure andakpwedza akuvamie. Taphandakala na yeyesi wa kukuterya ndipholonda kuchimbira kutiywa adabu, wala taphandakala na phatu pha kufwitsa maliyo.

2 Akorintho 5:13

Ichikala atu anahuona kama hu atu a koma si chitu kpwehu, mana hunamhumikira Mlungu. Na ichikala atu anahuona kama hu atu azima, phahi ni kpwa fwaida yenu.

Luka 21:22

Kpwa sababu siku hizo zindakala ni siku za kutiywa adabu ili gosi goandikpwa ndani ya Maandiko ga Mlungu gatimiye.

Mika 2:11

Ichikala mutu wa handzo amendzaye kuchenga atu andakpwedza aambe, “Ndakutabiriani kukala kundakala na uchi munji na vinwadzi vya kulevya,” Muhubiri iye andamendzwa ni atu hinya!

Ezekieli 13:10

Kpwa kukala anachenga atu angu na kuaambira, “Kuna amani,” wakati takuna amani, piya atu adzengapho ukuta mnyonje nyo nkuupaka chokaa,

Jeremia 29:26

Mwenyezi Mlungu mwenye akakutsambula ukale mlavyadzi-sadaka badala ya Jehoyada, ukale muimirizi wa nyumba ya Mwenyezi Mlungu. Chila anayedzihenda wa koma na kulavya unabii undamfunga magongo maguluni na silisili singoni.

Maono 16:19

Ndipho mudzi mkpwulu wa Babeli uchiganyika seemu tahu na midzi mikulu ya mataifa ganjina ichibanangbwa-banangbwa yosi. Naye Mlungu kayayala kutiya adabu nyo mudzi wa Babeli. Mana waulazimisha ugbwabire chikombe cha uchi mufu wa tsukizize.

Zefania 3:4

Manabiige ni ajeuri na a handzo. Alavyadzie-sadaka akatiya najisi pho phatu phatakatifu na kuvundza shariya za Mlungu.

Amosi 8:2

Iye achiniuza achiamba, “Amosi, unaonani?” Nami nchimuamba, “Naona chikaphu cha matunda maivu.” Ndipho Mwenyezi Mlungu achiniamba, “Mwisho wa atu angu Aiziraeli ukafika, sindagaluza nia yangu kuhusu kuatiya adabu.

Hosea 9:8

Iye nabii phamwenga na Mlungu wangu, ndiye mrindzi wa atu a Efuraimu. Ela akahegbwa dza nyama wa mapha chila njira atsupirayo, akamenwa hata kahi ya nyumba ya Mlunguwe.

Ezekieli 38:23

Phahi vivyo ndivyo ndivyodzionyesa kukala nina nguvu na ni mtakatifu na nidzimanyise mbere za mataifa manji. Ndipho andamanya kukala mimi, ndimi Mwenyezi Mlungu.’

Ezekieli 25:17

Nindaariphiza chiasi chikulu chisha kpwa tsukizi niatiye adabu, nao andamanya kukala mimi, ndimi Mwenyezi Mlungu.’ ”

Jeremia 46:21

Anajeshi a kukodishwa ario nao, ni dza ndama chizonona. Aho piya akagaluka na kuchimbira phamwenga, taakaweza kuvumirira, mana siku yao ya kuangamizwa ikafika, wakati wao wa kutiywa adabu.

Jeremia 16:18

Nami nindaariphiza kano mbiri ya uyi wao na dambi zao. Mana akainajisi tsi na vizuka vyao visivyo na uhai na kuodzaza tsi ya urisi wangu na vizuka vya kutsukiza.”

Jeremia 11:23

Tsona taphana mutu ndiyetiya, mana nindareha mashaka kpwa atu a Anathothi mwaka wao wa kutiywa adabu ndiphofika.”

Jeremia 8:11

Anaphoza vironda vya atu angu dzulu-dzulu tu na kuamba kukala, kuna amani, wakati takuna amani.

Jeremia 6:14

Akafunga rejereje vironda vya atu angu na kuamba, ‘Amani, amani,’ wakati takuna amani.

Isaya 44:25

Ndimi niikaye wazi handzo ra manabii a handzo, na kuahenda apigi a mburuga aonekane azuzu, nigaluzaye marifwa ga enye ikima na kugahenda gakale uzuzu.

Isaya 34:8

Mana Mwenyezi Mlungu ana wakatiwe wa kuriphiza chisasi. Wakati ambapho andaakanira atu a mudzi wa Sayuni chinyume cha atu a tsi ya Edomu na mataifa ganjina.

Isaya 26:11

Uwe Mwenyezi Mlungu ukaaunurira mkpwonoo ili uatiye adabu, ela taauona. Ariche aone vira unavyoamendza atuo na agbwirwe ni haya. Moho urioikira maaduigo nauaoche.

Jeremia 23:13

Kahi ya nyo manabii a Samariya nkaona dzambo ra kutsukiza. Aho atabiri kpwa dzina ra Baali nao achiangamiza atu angu Aiziraeli.

Jeremia 25:14

Nyo atu a Babeli andahendwa atumwa ni mataifa ganjina manji na afalume a mkpwotse, nindaaripha kulengana na mahendo na kazi za mikono yao.’ ”

Ezekieli 9:10

Nami sindaasaza wala kuaonera mbazi, ela go arigohenda ndaahika enye.”

Hosea 8:13

Ananilavira sadaka na kurya zo nyama za sadaka ela mimi tazinihamira. Mwenyezi Mlungu andatambukira makosa gao, na aatiye adabu kpwa ajili ya dambi zao, nao andauya Misiri.

Hosea 14:1

Mwimwi Aiziraeli, muuyireni Mwenyezi Mlungu, Mlungu wenu, kpwa kukala dambi zenu ndizo chizokuhendani mugbwe.

Hosea 5:9

Siku ya kutiywa adabu, Efuraimu indakala gandzo. Ndatangazira mbari za Iziraeli go ndigokala kpweli.