Hosea 9:1 - Digo Bible

¹ Mwi Aiziraeli musihererwe, musitine-tine kpwa raha dza atu a mataifa ganjina asiomanya Mlungu. Mwimwi simwi aaminifu kpwa Mlungu wenu, munamendza maripho ga umalaya kahi za mwatu mwa kuwagira.

Hosea 9:1 Referans Kwoze

Hosea 10:5

Atu a Samariya andakakama kpwa chizuka cha ndzau cha Bethi-Aveni. Atue andarira, hata alavyadzi-sadaka ariochiabudu nao andarira, aho ariochiabudu kpwa yo ngumaye, andarira mana yo ngumaye yauswa.

Hosea 4:12

Atu angu anapiga mburuga kula kpwa vizuka vya mihi nao nkumanyiswa maneno ni fwimbo. Roho ya umalaya ikaangamiza nao akamricha Mlungu wao.

Jeremia 44:17

Ela hundahenda hurichoapa kuchihenda. Hundamfukizira uvumba mlungu aihwaye Malikiya wa mlunguni na kummwagira sadaka za vinwadzi dza vyo hurivyokala huchihenda swiswi na akare ehu, afalume ehu na vilongozi ehu arivyohenda hiko midzi ya Juda na kpwenye barabara za Jerusalemu. Wakati hinyo kala huna chakurya cha kutosha, tahutsowere chitu na tahuphahirwe ni utu wowosi uyi.

Jakobo 5:1

Sambi phundzani mwi matajiri, nakuambirani, rirani na mjute sana kpwa sababu ya mashaka ndigokuphahani!

Jakobo 4:16

Ela mbona munadzikarya na kuhenda ngulu? Kuhenda ngulu dza hivyo ni makosa.

Amosi 6:13

mwimwi munaohererwa kpwa kushindwa kpwa mudzi wa Lo-Debari, mwimwi mdzikaryao kpwa kuamba, “Nyo mudzi wa Karinaimu tahuyauteka kpwa mkpwotse wehu enye?”

Amosi 3:2

“Kahi za mataifa gosi ga duniani, nkakutsambulani mwimwi bahi. Kpwa hivyo nindakutiyani adabu kpwa dambi zenu zosi.”

Hosea 5:7

Taakarire aaminifu kpwa Mwenyezi Mlungu, mana avyala ana wa vuweni. Andaangamiza phamwenga na minda yao wakati wa sikukuu za kulumbwa kpwa mwezi.

Hosea 5:4

Mahendo gao gakaagbwira ngi hadi taaweza kumuuyira Mlungu wao. Mana yo roho ya umalaya i mwao mioyoni, nao taammanya Mwenyezi Mlungu.

Hosea 2:12

Iyo mizabibuye na mitiniye, ambayo mwenye waamba, ‘Ihi ni maripho gangu nrigoriphiwa ni azembe angu,’ ndaibananga. Nindaihenda ikale tsaka, na matundage gariwe ni nyama a tsakani.

Ezekieli 21:10

ukanolwa uolage, ukatsuswa ili umeke dza limeme. “ ‘Dze, hundahererwa kpwa sababu ya fwimbo ya utawala ya mwanangu Juda? Nyo upanga unabera fwimbo za aina iyo.

Ezekieli 20:32

“ ‘Na go muazago mwenu mioyoni tagandakala bii, mana munaamba, “Swiswi nahukale dza atu a mataifa na makabila ga tsi zanjina ambao anaabudu vizuka vya mihi na vya mawe.”

Sonono za Jeremia 4:21

Mwimwi atu a Edomu na Usi; hererwa na kupiga njerejere! Ela manyani kukala cho chikombe chindafika ko kpwenu, namwi mundalewa hadi mvule nguwo zenu, mkale chitsaha.

Isaya 17:11

Sambi manyani kukala hata mkaihenda imere siku iyo iyo mriyoiphanda tamundavuna chochosi chinono siku iyo ya sonono na mavune gasigo na dawa.

Amosi 8:10

Nindagaluza sikukuu zenu zikale siku za chiriro, na mawira genu gosi gakale ga chiriro. Nindakuhendani mvwale nguwo za magunia, na chila chitswa chinyolwe chiphala. Siku iyo ndaihenda ikale ya chiriro dza cha mutu achiyefwererwa ni mwanawe wa macheye, na mwishirowe, indakala dza siku ya utsungu.”

Zaburi 73:27

Hiye adzitengaye nawe kpwa kpweli andaangamia anayekutsamalala, undamuangamiza.

Amosi 4:5

Reheni sadaka za shukurani za mikahe yotiywa hamira, na mdzikarye kpwa sadaka za hiyari mlavyazo, mana munamendza kuhenda hivyo, mwi atu a Iziraeli!” Mwenyezi Mlungu anaamba.

Jeremia 2:19

Uyio mwenye undakutiya adabu, na kuasiko kundakudemurira. Vivi manya kukala, kumricha Mwenyezi Mlungu, Mlunguo na kusamuogopha, ni utu uyi na wa kulumiza, Mwenyezi Mlungu, Mlungu wa majeshi anaamba.

Jeremia 2:20

Hangu kare wavundza gogolo nrirokufunga chisha uchikata kowa nrizokufungira uchiamba, ‘Sindakuhumikira.’ Nawe uchidzizamisa kuvoya milungu yanjina kpwenye chila chidzango chire na tsini ya chila muhi mkpwulu.

Ezekieli 16:15

“ ‘Ela wakuluphira unonoo na kumanyikanako kpwa kuhenda udiya, uchilala na chila mutu yetsupira phephi, na unonoo uchikala wakpwe.

Ezekieli 16:30

“ ‘Mwenyezi Mlungu anaamba: Nyo moyoo ni mui chiasi gani hata uhende mambo gosi higa, avi umalaya asiye na haya?