Hosea 8:5 - Digo Bible

⁵ Chizuka chenu cha ndama nkachimena, mwimwi atu a mudzi wa Samariya, nami nkakutsukirirwani. Mundaenderera kukala akolo hadi rini?

Hosea 8:5 Referans Kwoze

Hosea 10:5

Atu a Samariya andakakama kpwa chizuka cha ndzau cha Bethi-Aveni. Atue andarira, hata alavyadzi-sadaka ariochiabudu nao andarira, aho ariochiabudu kpwa yo ngumaye, andarira mana yo ngumaye yauswa.

Jeremia 13:27

Nikaona maigo ga kutsukiza: kuzingako, kugayako kpwa mkpwatyo, umalayao na mahendo mai ugahenderago myangoni na mindani. Shaka hiro, uwe Jerusalemu! Undakala mchafu hadi rini?

Misemo 1:22

“Mwi msiomanya! Mnalonda kusamanya hadi rini? Na mwi enye chibero, mundamendza kubera hata rini? Namwi apumbavu! Mundazira marifwa hadi rini?

Mahendo 7:41

Wakati hinyo ndipho ariphotengeza chizuka cha mfwano wa ndzau. Achiilavira sadaka; ahendera sharee chitu ambacho ahendachitengeza nyo enye.

Hosea 8:6

Chizuka chichi chatengezwa Iziraeli, chatengezwa ni fundi wenu, nacho si Mlungu. Chizuka cha mwana ndzau cha Samariya, chindavundzwa vipande-vipande.

Jeremia 4:14

Mwi atu a Jerusalemu dzisafisheni, muuse mai mwenu moyoni ili mphahe kutivywa. Hadi rini maazo mai gandakala na nafwasi mwenu moyoni?

Isaya 45:20

Dzikusanyeni na mwedze phamwenga mwi atu a mataifa muriosala! Aho atsukulao vizuka vyao vya kutsonga, na kuvoya milungu isiyotivya, ni azuzu.

Kumbukumbu 32:22

Mana tsukizi zangu zikavuvurira moho, moho unaaka hadi tsini ya arizi, Undaocha dunia na vinavyovyalwa ndaniye, Undaitiya moho misingi ya myango.

Zaburi 19:13

Mrinde mtumishio asikale na makosa ga kusudi, usigariche gakanitawala nami ndakala sina lawama, sindaisabiwa kukala nina makosa makulu.

Jeremia 48:13

Atu a Moabu andagbwirwa ni waibu kpwa sababu ya mlungu Kemoshi, dza nyumba ya Iziraeli irivyophahwa ni waibu ariphokuluphira chizuka chokala Betheli.

Hosea 13:2

Na vivi anazidi kuhenda dambi. Anahumira feza zao kudzitengezera vizuka, anadzitengezera vizuka vya kupambwa vinono sana, na zosi ni kazi za mafundi mangungu. Kazi yao ni kuamba, “Aho nkulavya atu dza sadaka kpwa vizuka, na kudonera vyo vizuka vya ndama.”

Amosi 8:14

Na aho aapao kpwa kuhadza chizuka cha Samariya na kuamba, ‘Dza mlunguo aishivyo uwe Dani,’ na ‘Dza mlungu wa Beeri-Sheba aishivyo,’ aho andagbwa na taandaunuka tsona.”

2 Nyakati 13:8

Na vino sambi munaona mundaupinga ufalume wa Mwenyezi Mlungu unaolongozwa ni mbari ya Daudi, kpwa kukala mu ndulu ya atu namwi muna vizuka vya ana ngʼombe a zahabu muriotengezerwa ni Jeroboamu?

Hosea 10:8

Mo mwatu mwa dzulu mwa kuvoya vizuka ko Aveni mundabanangbwa, mana kuko ndiko Aiziraeli ahendako dambi. Miya na vidunga-dunga vindamera na vilingelinge mo mwatu mwa dzulu mwa kulavira sadaka, ndipho atu andaambira myango, “Hufwinikeni,” na vidzango, “Hugbwerereni.”

Mika 1:7

Vizukavye vyosi vya kutsongbwa vindavundzwa vipande-vipande, zawadize zosi za nyumba ya kuvoya Mlungu zindatiywa moho. Nindabananga vizukavye vyosi. Mana wakusanya zawadize zosi kula kpwa maripho ga umalaya, nazo zindahumika tsona kuripha maripho ga umalaya.”