Hosea 7:1 - Digo Bible

¹ Chila nilondapho kuphoza Aiziraeli, naona dambi za Aefuraimu mahendo mai ga Samariya ganaikpwa wazi. Kpwa mana anamendza kugomba handzo, aivi anavundza nyumba za atu na kuiya, akora anafuta atu vitu mo njira-njira.

Hosea 7:1 Referans Kwoze

Hosea 7:13

Ni shaka rao, mana akanichimbira. Andaangamizwa, mana aniasi. Ningeakombola, ela anagomba handzo kunihusu.

Hosea 6:4

Ela Mwenyezi Mlungu anaamba, “Nikuhendeni utu wani mwi atu a Efuraimu? Nikuhendeni utu wani mwi atu a Juda? Mendzwa yenu ni dza guro, nkuuma dza manena ga ligundzu.

Luka 19:42

achiamba, “Naaza kala rero mnamanya mambo garehago amani! Ela tamyamanya.

Hosea 4:2

Kazi yenu ni kulani, kuchenga, kuolaga, kuiya na kuzinga. Atu ahendao mambo chimabavu, hipha na hipha anaolaga ayawao.

Luka 13:34

“Ee, mwi atu a Jerusalemu! Mkuolaga manabii na kuapiga mawe ariohumwa kpwenu. Mara ngaphi náaza kukuikani phamwenga dza kolo ra kuku rifwinikavyo anae mwakpwe maphani, ela mwi mwakahala!

Mathayo 23:37

Jesu waenderera kugomba, achiamba, “Ee maye, mwi atu a Jerusalemu! Mkuolaga manabii na kuapiga mawe ariohumwa kpwenu. Mara nyinji náaza kukuikani phamwenga dza kolo ra kuku rifwinikavyo anae mwakpwe maphani, ela mwi mwakahala!

Mika 6:16

Mkagbwira malagizo ga mfalume Omuri na mahendo gosi ga mfalume Ahabu na chivyaziche, na mkalunga mila zao. Kpwa hivyo ndakuangamizani ndahenda atu enu anyeterwe, mataifa gosi gandakuberani.”

Amosi 8:14

Na aho aapao kpwa kuhadza chizuka cha Samariya na kuamba, ‘Dza mlunguo aishivyo uwe Dani,’ na ‘Dza mlungu wa Beeri-Sheba aishivyo,’ aho andagbwa na taandaunuka tsona.”

Hosea 11:12

Atu a Efuraimu akanizunguluka na handzo, atu a Iziraeli ikanizunguluka na kuchenga, ela Juda ndiye anyendekaye phamwenga na Mlungu. Juda ndiye ambaye achere muaminifu kpwa iye Ariye Mtakatifu.

Hosea 10:5

Atu a Samariya andakakama kpwa chizuka cha ndzau cha Bethi-Aveni. Atue andarira, hata alavyadzi-sadaka ariochiabudu nao andarira, aho ariochiabudu kpwa yo ngumaye, andarira mana yo ngumaye yauswa.

Hosea 8:9

Aho akakala dza foro atangaye-tangaye macheye, mana akota kuphiya Ashuru. Aefuraimu akadziguza kpwa azembe.

Hosea 8:5

Chizuka chenu cha ndama nkachimena, mwimwi atu a mudzi wa Samariya, nami nkakutsukirirwani. Mundaenderera kukala akolo hadi rini?

Hosea 5:1

Mwi alavyadzi-sadaka phundzani! Hegani masikiro, mwi Aiziraeli! Phundzani mwi atu a nyumba ya mfalume! Mana hukumu ihi ni yenu; Mana mukakala muhego ko Mizipa, na nyavu chizohegbwa ko Tabori.

Hosea 4:17

Richanani na atu a Efuraimu, mana aho akagbwirana na vizuka.

Ezekieli 23:4

Mvyere kala anaihwa Ohola na mdidewe kala anaihwa Oholiba. Náalóla achivyala ana alume na achetu. Ohola ni Samariya na Oholiba ni Jerusalemu.

Ezekieli 16:46

Mvyereo mchetu kala ni Samariya, ariyesagala na anae achetu uphandeo wa vurini. Na mdideo mchetu kala ni Sodoma, ariyesagala na anae achetu uphandeo wa mwakani.

Jeremia 51:9

Hungemphoza Babeli, ela kaweza kuphola. Nahumricheni, chila mutu naauye kpwao, mana hukumuye ikafika mlunguni, na ikaunulwa hata ko mainguni.

Isaya 59:12

Mana makosa gehu ni manji mberezo, chisha dambi zehu zinatuluza ushaidi kuuhusu, kpwa kukala huna makosa, na uyi wehu hunaumanya.

Isaya 28:1

Shaka hiro kpwa alevi a Efuraimu enye ngulu; hinyo ambao unono wao ni dza maruwa ndigo nyala, maruwa gophandwa dete renye rutuba, dzulu ya vilongozi achiogbwa photsi kpwa a tele uchi.

Ezekieli 24:13

“ ‘Kutuzo ni udiyao. Mana najeza kukutakasa ela kuyaera bii, phahi kundaera tsona hadi ndiphoricha kukutsukirirwa.

Hosea 11:8

Nkale ndaweza kukurichani mwi atu a Efuraimu? Ndawezadze kukulavyani mwi atu a Iziraeli? Vino nindaweza kukuhenda dza mudzi wa Adima? Ndawezadze kukuhenda dza mudzi wa Seboimu. Nkagalukpwa ni moyo, nkedzerwa ni mbazi.

Isaya 59:13

Hukakuasi na kukurema uwe Mwenyezi Mlungu, hukakuricha uwe Mlungu wehu, hukaonera atu na kukuasi uwe, hukatunga maneno ga handzo mioyoni mwehu na kugagomba.

Isaya 59:14

Uamuli wa haki ikaikpwa kanda na haki i kure naswi, kpweli ikarichwa kotini uaminifu taupho.

Hosea 12:1

Atu a Efuraimu ni dza mutu adzirisaye phepho, ni dza mutu asindaye kuzoresa phepho ra mlairo wa dzuwa. Akaenjereza handzo na kuhumira mabavu. Anaika chilagane na Ashuru, na kuphirika mafuha ga zaituni Misiri.

Hosea 12:2

Mwenyezi Mlungu ana lau na Juda. Andamtiya adabu Jakobo kulengana na tabiyaze na kumripha kulengana na mahendoge.

Amosi 3:9

Tangazani kahi za zo ngome za Ashidodi, na mo mwenye ngome za tsi ya Misiri, Muambe, “Dzikusanyeni dzulu ya myango Samariya, mlole zo fujo nyinji na kuonerana kuriko mumo.”

Amosi 3:10

Mwenyezi Mlungu anaamba, “Taamanya kuhenda haki aho atu aikao mali mwao ngomeni arizoziphaha kpwa kuhumira fujo.”