Hosea 5:3 - Digo Bible

³ Atu a Efuraimu naamanya na atu a Iziraeli kpwangu taaweza kudzifwitsa. Aefuraimu anahenda umalaya, Aiziraeli akadzinajisi.

Hosea 5:3 Referans Kwoze

Amosi 3:2

“Kahi za mataifa gosi ga duniani, nkakutsambulani mwimwi bahi. Kpwa hivyo nindakutiyani adabu kpwa dambi zenu zosi.”

Maono 3:15

Mimi namanya mahendo genu ni ga loho-loho. Phahi mino nakuambirani kukala baha mkale moho, ama pepho kabisa!

Aeburania 4:13

Takuna chiumbe chochosi chirichofwitsika hata ikale Mlungu kachiona. Chila chitu chi laza mbereze. Naswi hundalavya isabu ya mahendo gehu mbereze.

Amosi 5:12

Mana namanya vyo makosa genu garivyo manji, na vyo dambi zenu zirivyo kulu, mwimwi munaonera atu a haki na kuhala hongo, na kuzuwiya agayi asiphahe haki zao mo kotini.

Hosea 13:1

Aefuraimu kala achigomba, mbari zanjina zinakakama, kala achiishimiwa ko Iziraeli, ela ariphohenda makosa ga kumuabudu Baali, afwa.

Hosea 12:1

Atu a Efuraimu ni dza mutu adzirisaye phepho, ni dza mutu asindaye kuzoresa phepho ra mlairo wa dzuwa. Akaenjereza handzo na kuhumira mabavu. Anaika chilagane na Ashuru, na kuphirika mafuha ga zaituni Misiri.

Hosea 8:11

Aefuraimu adzenga mwatu munji mwa kulavira sadaka za kuusira dambi, mwatu mumo mwa kulavira sadaka mukakala mwatu mwa kuhendera dambi.

Hosea 6:4

Ela Mwenyezi Mlungu anaamba, “Nikuhendeni utu wani mwi atu a Efuraimu? Nikuhendeni utu wani mwi atu a Juda? Mendzwa yenu ni dza guro, nkuuma dza manena ga ligundzu.

Hosea 5:13

Aefuraimu ariphoona ukongo wao, na atu a Juda ariphoona vironda vyao, Aefuraimu aphiya tsi ya Ashuru, achendavoya msada kula kpwa mfalume mkpwulu. Ela iye kaweza kukulagulani, wala kukuphozani vironda vyenu.

Hosea 5:11

Aefuraimu akaonerwa, hukumu ikaalumiza sana. Mana akala na chadi cha kulunga mambo gasigo na mana.

Hosea 5:9

Siku ya kutiywa adabu, Efuraimu indakala gandzo. Ndatangazira mbari za Iziraeli go ndigokala kpweli.

Isaya 7:17

Mwenyezi Mlungu andakuhenda uwe na atu a nyumbayo na atu a nyumba ya sowe mphahe mashaka makulu ambago tagadzangbwehendeka hangu tsi ya Efuraimu iriphotengana na Juda, yani andairehera mfalume wa Ashuru.

Isaya 7:5

Shamu, mfalume wa Iziraeli na atue akampangira mai. Aho akaambirana,

Kumbukumbu 33:17

Mkpwotsewe ni dza wa ndzau wa mwandzo, na pembeze ni dza za nyahi. Andazihumira kusukuma mataifa; gosi andagasukuma hadi pembe za dunia. Pembe hizo ni Efuraimu ariye na elufu kumi na maelufu ga Manase.”

Isaya 7:16

Mana kabila hiye mwana amanye kurema mai na kutsambula manono, hizo tsi ambazo afalumee airi unaaogopha zindakala tazina atu.

Hosea 1:2

Mwenyezi Mlungu ariphoandza kugomba kutsupira Hosea wamuamba, “Phiya ukalóle mchetu amendzaye kuzinga, na uvyale ana kpwa kuzinga mana nyo atu a tsi ihi anazinga zaidi kpwa kuniricha mimi Mwenyezi Mlungu.”

Hosea 6:10

Nikaona utu uyi sana kahi ya atu a Iziraeli. Atu a Efuraimu anahenda umalaya, Aiziraeli akadzitiya najisi.

Hosea 13:5

Mimi ndimi nriyekutundzani ko weruni, kahi ya tsi ya dzuwa kali.