Hosea 5:13 - Digo Bible

¹³ Aefuraimu ariphoona ukongo wao, na atu a Juda ariphoona vironda vyao, Aefuraimu aphiya tsi ya Ashuru, achendavoya msada kula kpwa mfalume mkpwulu. Ela iye kaweza kukulagulani, wala kukuphozani vironda vyenu.

Hosea 5:13 Referans Kwoze

Hosea 7:11

Atu a Efuraimu akakala azuzu dza njiya asiokala na dzuphi. Mara anaendza msada kula Misiri, kano kula Ashuru.

Hosea 12:1

Atu a Efuraimu ni dza mutu adzirisaye phepho, ni dza mutu asindaye kuzoresa phepho ra mlairo wa dzuwa. Akaenjereza handzo na kuhumira mabavu. Anaika chilagane na Ashuru, na kuphirika mafuha ga zaituni Misiri.

Hosea 10:6

Chizuka chicho chindahalwa chiphirikpwe Ashuru chikakale maripho ga kodi kpwa mfalume mkpwulu. Atu a Efuraimu andaphaha waibu na Aiziraeli andagbwirwa ni haya kpwa cho chizuka chao cha muhi.

Hosea 8:9

Aho akakala dza foro atangaye-tangaye macheye, mana akota kuphiya Ashuru. Aefuraimu akadziguza kpwa azembe.

Jeremia 30:12

Mana Mwenyezi Mlungu anaamba: virondavyo tavilagulika, na chirondacho tachina dawa.

2 Afalume 15:19

Phahi, Puli mfalume wa Ashuru washambuliya tsi ya Iziraeli, naye Menahemu achimupha kilo elufu mirongo mihahu na ne za feza ili amterye kuimarisha mamlakage dzulu ya tsi ya Iziraeli.

Mika 1:9

Mana chirondache ni cha chirema, chikaambukiza Juda. Chikafika hadi ryango ra Jerusalemu, phephi na ko atu angu asagalako.

Hosea 14:3

Ashuru taandahutivya, wala farasi ehu a viha taandahuterya. Vizuka hurivyovitengeza enye kpwa mikono yehu, tahundaviiha tsona milungu kpwa kukala uwe ukuonera mbazi anachiya.”

2 Afalume 16:7

Phahi Ahazi wahuma atu kpwa mfalume Tigilathi-Pileseri wa Ashuru kpwendamuamba, “Mino ni mtumishio tsona mwanao. Ambuka wedze unitivye kula kpwa mfalume wa Aramu na wa Iziraeli, ambao ananishambuliya.”

2 Afalume 15:29

Wakati wa utawala wa Peka mfalume wa Iziraeli, Tigilathi-Pileseri, mfalume wa Ashuru, wateka midzi ya Ijoni, Abeli-Bethi-Maaka, Janoa, Kedeshi na Hazori, phamwenga na tsi za Giliadi, Galilaya na Nafutali na kuatsamiza enyezie kuaphirika Ashuru.

Isaya 3:7

Ela andakota kululu aambe, “Sindaweza kukuteryani, mana kpwangu takuna chakurya wala nguwo, msinihende chilongozi wenu.”

Ezekieli 23:5

“Ohola ariphokala achere wangu wahenda umalaya, naye achimendza sana azembee, yani masujaa ga Aashuru,

Hosea 2:7

Iye andaalunga azembee ela kandaaphaha andaaendza ela kandaaona. Ndipho andaamba, “Nindauya kpwa mlume wangu, mana hiko nakala vinono kuriko vi nirivyo sambi.”