Hosea 12:7 - Digo Bible

⁷ Achuzi anahumira vipimo vya wiivi dza atu a Akanani, anamendza kuiyira atu.

Hosea 12:7 Referans Kwoze

Misemo 11:1

Vipimo vya handzo vinamtsukiza Mwenyezi Mlungu, ela vipimo vya sawa-sawa vinamfwahira.

Jakobo 5:4

Lolani! Mwarema kuripha atu ariokuhenderani kazi mwenu mindani. Nayo mishahara ambayo taiyariphiwa inakuririrani. Chiriro cha hinya avunadzi chamfikira Mwenyezi Mlungu, Mlungu wa majeshi.

Johana 2:16

Chisha achiagalukira hara aguzao njiya, na achiaambira kpwa usiru, “Tuluzani vitu vyenu! Nyumba ya Baba msiihende chete!”

Malaki 3:5

Mwenyezi Mlungu, Mlungu wa majeshi anaamba, “Nami nindasengera phephi namwi nilavye uamuli. Nindalavya ushaidi upesi chinyume cha atsai, azinifu, anaoapa na handzo, anaoakopya vibaruwa katika maripho gao, anaoonera magungu na anachiya na anaonera atsupi a njira, jibu osi ambao taaniogopha.”

Zakariya 14:21

Na chila nyungu mo Jerusalemu na Juda indakala takatifu kpwa Mwenyezi Mlungu, Mlungu wa majeshi, ili osi alavyao sadaka aweze kpwedzahala bazi ya zo nyungu ajitire nyama chizolaviwa sadaka. Siku iyo tamundakala na Mkanani mo nyumba ya Mwenyezi Mlungu wa majeshi.

Mika 7:2

Atu aaminifu kpwa Mlungu akauswa kpwenye tsi. Takuna hata mmwenga achiyesala wa hinyo ahendao garigo sawa. Atu osi anagodza kpwa hamu aphahe nafwasi ya kuolaga, chila mmwenga anaindza myawe na nyavu.

Amosi 5:11

Phahi kpwa sababu mkuonera achiya, na kuatoza kodi za mtsere, mwimwi mkadzenga nyumba za mawe ga kutsonga, ela tamundazisagala, mwaphanda minda minono ya mizabibu, ela tamundanwa uchiwe.

Amosi 4:1

Phundzani higa, mwi achetu a Samariya, mnonao dza ngʼombe ziriswazo vinono za Bashani, muonerao achiya na kutesa agayi, ambao mkuambira alume enu, “Haya reheni uchi hunwe!”

Amosi 3:9

Tangazani kahi za zo ngome za Ashidodi, na mo mwenye ngome za tsi ya Misiri, Muambe, “Dzikusanyeni dzulu ya myango Samariya, mlole zo fujo nyinji na kuonerana kuriko mumo.”

Amosi 2:7

Anaonera sana achiya hata taana pha kuphumira anaalafya haki atu asiodziweza. Mutu na ise analala mchetu mmwenga na kpwa njira iyo ananajisi dzina rangu takatifu.

Ezekieli 22:29

Nyo asagalao kahi ya yo tsi anaonera atu na kuanyangʼanya; anaagayisa achiya na agayi, piya anahendera uyi ajeni na kualafya haki zao.

Ezekieli 16:3

Phahi amba, ‘Mwenyezi Mlungu anaiambira Jerusalemu hivi: Asiliyo na kuvyalwako ni tsi ya Kanani, sowe ni Muamori na mayoo ni Muhiti.

Isaya 3:5

Atu andaonerana, mutu andaonera myawe, jirani andaonera jiraniwe. Anache andadzikarya mbere za avyere, mutu wa hali ya photsi andadzikudula mbere za mutu anayeishimiwa.

Misemo 16:11

Mwenyezi Mlungu analonda vipimo vya haki; chila dziwe ra kupimira ratengezwa ni iye.

1 Samueli 12:3

Nami himi, phahi mugombani mbere za Mwenyezi Mlungu na mbere za masihiwe. Nahala ngʼombe ya ani? Au nahala punda wa ani? Au ni ani nriyemuonera? Au naphokera hongo kula kpwa ani ili nisilamule kpwa haki? Napho nahala chochosi ndakuuyizirani enye.”

Mika 2:1

Shaka hiro kpwa apangao kuhenda mai, anaopanga uyi mwao vitandani, ligundzu kunaphocha anagahenda kpwa sababu ana uwezo.

Ezekieli 28:5

Kpwa ulachuo munji wa chibishara ukadzienjerezera utajiri, nawe unadzikarya kpwa nyo utajirio.

Zakariya 5:8

Ye malaika achiamba, “Hiyu mchetu anawakilisha uyi.” Ye malaika achimsukuma mo bwekoni tsona na achisukuma nyo mfwiniko achibwiningiza ro bweko.

Mwandzo 49:18

“Ee, Mwenyezi Mlungu, nagodza wokofuo.

Isaya 56:1

Mwenyezi Mlungu anaamba vivi, “Hendani ga haki na garigo sawa, mana ni phephi na kukutivyani, na haki yangu taikure na kuikpwa wazi.

Hosea 14:2

Muuyireni Mwenyezi Mlungu, ndzoni mumvoye mumuambe, “Huswamehe dambi zehu zosi. Na uhuphokere kpwa mbazizo ili hukulavire sadaka za togo kpwa kanwa zehu.

Joeli 2:12

Ela hata vivi, Mwenyezi Mlungu anaamba, “Uyani kpwangu na mioyo yenu yosi, fungani, mrire na kusononeka.”

Zakariya 7:9

“Mwenyezi Mlungu, Mlungu wa majeshi anaamba hivi, ‘Lavyani uamuli wa haki, muonerane mbazi na mmendzane.