Hosea 11:5 - Digo Bible

⁵ Kpwa kukala arema kuniuyira mimi, andauya Misiri, nao andatawalwa ni Aashuru.

Hosea 11:5 Referans Kwoze

Hosea 7:16

Aho nkugaluka kuendza msada ela si kpwa iye Ariye Dzulu Kuriko Vyosi nao taana mana dza uha uchiovundzika. Akulu aho andaolagbwa na upanga kpwa maneno gao ga kudzikarya, gaga gandaahenda atsekpwe, kahi ya tsi ya Misiri.

Hosea 8:13

Ananilavira sadaka na kurya zo nyama za sadaka ela mimi tazinihamira. Mwenyezi Mlungu andatambukira makosa gao, na aatiye adabu kpwa ajili ya dambi zao, nao andauya Misiri.

Hosea 10:6

Chizuka chicho chindahalwa chiphirikpwe Ashuru chikakale maripho ga kodi kpwa mfalume mkpwulu. Atu a Efuraimu andaphaha waibu na Aiziraeli andagbwirwa ni haya kpwa cho chizuka chao cha muhi.

Hosea 9:3

Taandakala tsona kahi ya yo tsi ya Mwenyezi Mlungu. Aefuraimu andauya Misiri, andarya chakurya chiricho najisi hiko tsi ya Ashuru.

Amosi 5:27

Kpwa hivyo Mwenyezi Mlungu, ambaye dzinare ni Mlungu wa majeshi anaamba, ‘Ndakutsamizani kpwa lazima nkuphirikeni kpwatu kure, kutsupa Damasikasi.’ ”

Amosi 4:6

“Mimi náhenda midzi yenu yosi ikale na ndzala, nchikuhendani mkose chakurya kahi za mwatu mwenu mosi, ela tamuyaniuyira,” Mwenyezi Mlungu anaamba.

Hosea 9:6

Hata akatiya, asibanangbwe ni Aashuru, chisha andakusanywa ni Amisiri, na andazikpwa ko Memufisi. Vitu vyao vya feza vindalingbwa-lingbwa ni miya, miya indamera na kubwiningiza mahema gao.

Hosea 6:1

“Hebu ndzoni humuuyireni Mwenyezi Mlungu, mana wahumwamula-mwamula ela andahuphoza. Akahupiga hata akahutiya vironda, ela andahufunga mademu.

Hosea 5:13

Aefuraimu ariphoona ukongo wao, na atu a Juda ariphoona vironda vyao, Aefuraimu aphiya tsi ya Ashuru, achendavoya msada kula kpwa mfalume mkpwulu. Ela iye kaweza kukulagulani, wala kukuphozani vironda vyenu.

2 Afalume 15:29

Wakati wa utawala wa Peka mfalume wa Iziraeli, Tigilathi-Pileseri, mfalume wa Ashuru, wateka midzi ya Ijoni, Abeli-Bethi-Maaka, Janoa, Kedeshi na Hazori, phamwenga na tsi za Giliadi, Galilaya na Nafutali na kuatsamiza enyezie kuaphirika Ashuru.

2 Afalume 15:19

Phahi, Puli mfalume wa Ashuru washambuliya tsi ya Iziraeli, naye Menahemu achimupha kilo elufu mirongo mihahu na ne za feza ili amterye kuimarisha mamlakage dzulu ya tsi ya Iziraeli.

Kumbukumbu 17:16

Hata hivyo, asikale na farasi anji kpwa ajiliye mwenye, wala asiauyize atu Misiri kpwa kudzipha farasi zaidi, kpwa sababu Mwenyezi Mlungu akaaonya ‘Tamundauya tsona kpwa njira hira.’

Amosi 4:11

“Naangamiza midzi yenu yanjina, dza nrivyoangamiza midzi ya Sodoma na Gomora. Nyo ariotiya kala ni dza chinga cha moho chichotuluzwa mohoni, ela tamuyaniuyira vivyo,” Mwenyezi Mlungu anaamba.